ІV Велікодная нядзеля
![biblia](/images/stories/general/biblia.png)
8 мая – каментарый да першага чытання
на IV Велікодную нядзелю (Дз 13, 14. 43–52)
Першае чытанне IV Велікоднай нядзелі распавядае пра надзвычай важную ў гісторыі Царквы падзею. Апосталы, якія ў першыя гады пасля Уваскрасення прапаведавалі Добрую Вестку толькі юдэям, пачынаюць абвяшчаць Евангелле язычнікам. Прычынай адкрыцця супольнасці вернікаў Хрыста на іншыя народы стаў супраціў габрэяў навучанню пра ўваскрослага Збаўцу. Язычнікі з радасцю прынялі Евангелле. Вось як пра іх рэакцыю на Добрую Вестку пра Збаўленне распавядае аўтар Дзеяў Апосталаў: “Калі пачулі гэта язычнікі, узрадаваліся і славілі слова Госпада, і ўсе, пакліканыя да вечнага жыцця, паверылі. А слова Госпада пашыралася па ўсёй краіне” (Дз 13, 48–49).