ГРОДНА
Панядзелак,
26 лютага
2024 года
 

Разважанні з Божым Словам

XVII Нядзеля звычайная

Разважанні з Божым Словам

З Eвангелля св. Яна

Езус адышоў на другі бок Галілейскага або Тэберыядскага мора. Ішло за Ім мноства людзей, таму што бачылі цуды, якія Ён чыніў над хворымі.
    Езус узышоў на гару і сядзеў там са сваімі вучнямі. А набліжалася Пасха, юдэйскае свята.
    Калі Езус узняў вочы і ўбачыў, што мноства людзей ідзе да Яго, сказаў Філіпу: «Дзе нам купіць хлеба, каб накарміць іх?» А казаў гэта, выпрабоўваючы яго, бо сам ведаў, што збіраўся рабіць.
    Філіп адказаў Яму: «Хлеба на дзвесце дынараў не хопіць, каб кожнаму дасталося хоць крыху». Адзін з вучняў Ягоных, Андрэй, брат Сымона Пятра, кажа Яму: «Ёсць тут адзін хлопец, які мае пяць ячменных хлябоў і дзве рыбы, але што гэта для такога мноства?»
    Езус сказаў: «Загадайце ім сесці». А было на тым месцы шмат травы. I селі людзі, якіх было каля пяці тысяч.
    Езус узяў хлябы і, падзякаваўшы, раздаў тым, хто сядзеў; таксама і рыбы, колькі хто хацеў. А калі насыціліся, сказаў вучням сваім: «Збярыце кавалкі, што засталіся, каб нічога не змарнавалася». Сабралі і напоўнілі дванаццаць кашоў кавалкамі з пяці ячменных хлябоў, якія засталіся пасля тых, хто еў.
    Калі ж людзі ўбачылі, які цуд учыніў Езус, казалі: «Ён сапраўды прарок, які мае прыйсці на свет». Калі Езус даведаўся, што хочуць прыйсці і схапіць Яго, каб зрабіць каралём, зноў адышоў на гару адзін.

Ян 6, 1-15

 

ІV Велікодная нядзеля

Разважанні з Божым Словам

biblia

8 мая – каментарый да першага чытання
на IV Велікодную нядзелю (Дз 13, 14. 43–52)

Для ўсіх народаў
   Першае чытанне IV Велікоднай нядзелі распавядае пра надзвычай важную ў гісторыі Царквы падзею. Апосталы, якія ў першыя гады пасля Уваскрасення прапаведавалі Добрую Вестку толькі юдэям, пачынаюць абвяшчаць Евангелле язычнікам. Прычынай адкрыцця супольнасці вернікаў Хрыста на іншыя народы стаў супраціў габрэяў навучанню пра ўваскрослага Збаўцу. Язычнікі з радасцю прынялі Евангелле. Вось як пра іх рэакцыю на Добрую Вестку пра Збаўленне распавядае аўтар Дзеяў Апосталаў: “Калі пачулі гэта язычнікі, узрадаваліся і славілі слова Госпада, і ўсе, пакліканыя да вечнага жыцця, паверылі. А слова Госпада пашыралася па ўсёй краіне” (Дз 13, 48–49).
   

V Велікодная нядзеля

Разважанні з Божым Словам

biblia

15 мая – каментарый да Літургіі слова
(Дз 14, 21–27; Ап 21, 1–5; Ян 13, 31–35)

Жыць любоўю
   Літургія слова V Велікоднай нядзелі запрашае нас зірнуць на сваё жыццё зусім інакш, чым раней, асабліва на адносіны з іншымі людзьмі. Езус, звяртаючыся да сваіх вучняў, а значыць і да нас, словам “дзеці”, гаворыць вельмі ласкава і цёпла, падкрэсліваючы, што для Яго кожны важны. Ён развітваецца са сваімі вучнямі, бо праз некалькі гадзін, паміраючы на крыжы, перажыве драму адзіноты, адсутнасці іншага чалавека, і таму пакідае нам запаведзь любові.
   

VI Велікодная нядзеля

Разважанні з Божым Словам

biblia

22 мая – каментарый да першага чытання
(Дз 15, 1–2. 22–29)

Царква і сінадальнасць
   Царква – гэта супольнасць, якая ўвесь час вучыцца. У чытанні з Дзеяў апосталаў мы чуем, як Царква вучыцца вырашаць крызісы. Крызіс узнік з-за таго, што некаторыя хрысціяне, што паходзілі з юдэяў, пачынаюць вучыць былых язычнікаў пра неабходнасць выканання ўсяго закону Майсея. “Калі распачалася немалая спрэчка і змаганне Паўла і Барнабы з імі, было вырашана, што Павел і Барнаба, і некаторыя іншыя з іх пойдуць у гэтай справе да Апосталаў і старэйшых у Іерусалім. Тады Апосталы і старэйшыны разам з усёй Царквой, выбраўшы сярод сябе Юду, званага Барсабам, і Сілу – мужоў, якія былі першымі сярод братоў, вырашылі паслаць іх у Антыёхію з Паўлам і Барнабаю” (Дз 15, 2. 22).
   

VІІ Велікодная нядзеля

Разважанні з Божым Словам

ewangelia_jn

29 мая – каментарый да Евангелля 
 (Ян 17, 20–26).

Аблічча Бога – Любоў
   Гэты ўрывак з Евангелля паказвае, што кожны чалавек важны для Езуса, таму Ён моліцца аб еднасці ўсіх вернікаў. Аднак гэта не такая звычайная еднасць. Яна павінна быць сапраўднай, такой жа, як паміж Боскімі Асобамі ў Святой Тройцы. А тая еднасць неверагодная. Гэта адна Любоў, адзін Дух, адна Воля. Самі людзі не здольныя на такое дасканалае адзінства адзін з адным. Яно з’яўляецца дарам ад Бога. Таму Езус горача моліцца аб гэтым дары для ўсіх.
   

Нядзеля Спаслання Святога Духа

Разважанні з Божым Словам

ewangelia_jn

5 чэрвеня – каментарый да першага чытання
(Дз 2, 1–11)

Той, хто яднае народы
    “Калі Усявышні, зышоўшы, мовы змяшаў, Ён раздзяліў між сабой народы; калі ж паслаў вогненныя языкі, да еднасці ўсіх паклікаў. Дзеля гэтага мы ўсе згодна славім Усесвятога Духа”. Гэты спеў, званы кандаком, які гучыць у Царкве візантыйскай традыцыі ва ўрачыстасць Зыходу Святога Духа, падкрэслівае важную для сённяшняга свету праўду: трэцяя Асоба Святой Тройцы – гэта Той, хто яднае людзей.
   

Урачыстасць Найсвяцейшай Тройцы

Разважанні з Божым Словам

ewangelia_jn

12 чэрвеня – каментарый да Евангелля 
 (Ян 16, 12–15)

Таямніца Найсвяцейшай Тройцы
   Місія Езуса на зямлі скончылася разасланнем. З таго часу вучні абвяшчаюць Добрую Навіну “ўсім народам” і хрысцяць у імя Айца, і Сына, і Святога Духа. З апостальскіх часоў заклік да веры ў імя Найсвяцейшай Тройцы суправаджае паўсядзённае жыццё. Так мы пачынаем і заканчваем дзень, а на працягу дня – пасілкі, працу, падарожжы і важныя справы. У імя Айца, і Сына, і Духа мы былі ахрышчаны. У імя Найсвяцейшай Тройцы святар адпускае грахі ў сакраманце паяднання. Такім жа чынам мы пачынаем і заканчваем св. Імшу і кожны псалом у Літургіі гадзін. У імя Найсвяцейшай Тройцы мы развітаемся з гэтым светам, каб увайсці ў жыццё вечнае ў Ёй.
   

ХІІ Звычайная нядзеля

Разважанні з Божым Словам

ewangelia_jn

19 чэрвеня – каментарый да другога чытання
(Гал 3, 26-29)

Юдэі, грэкі і беларускі народ
   Чытанне з ХІІ Звычайнай нядзелі гаворыць нам пра тое, што Хрыстос яднае ўсіх людзей, незалежна ад полу, сацыяльнай ці нацыянальнай прыналежнасці. Апостал Павел піша да Галатаў: “Бо ўсе вы, хто ахрысціліся ў Хрыста, у Хрыста апрануліся. Няма ўжо ні юдэя, ні грэка; няма ні раба, ні свабоднага; няма ні мужчыны, ні жанчыны, бо ўсе вы адно ў Хрысце Ісусе” (Гал 3, 27–28).
    У візантыйскай традыцыі ў другую нядзелю пасля Зыходу Святога Духа адзначаецца свята ўсіх святых той краіны, дзе знаходзіцца лакальная Царква. Напрыклад, Беларуская Грэка-Каталіцкая Царква святкуе 19 чэрвеня свята Усіх святых беларускага народа.
   

ХIII Звычайная нядзеля

Разважанні з Божым Словам

ewangelia_lk

26 чэрвеня – каментарый да літургіі слова
(Лк 9, 51–62)

Шукаць і рэалізаваць Божую волю
   Езус Хрыстус падчас свайго навучання на зямлі неаднаразова звяртаўся да сустрэчных людзей з заклікам: “Ідзі за Мною”. Некаторыя самі, зачараваныя Яго Асобай, пад уплывам хвіліннага энтузіязму заяўлялі: “Я пайду за Табой”. Здавалася б, менавіта такога спантаннага стаўлення Езус і чакаў. Тым часам св. евангеліст Лука запісаў незвычайны адказ, які атрымаў ад Збаўцы такі захоплены вучань. Езус выразна папярэдзіў яго аб наступствах прынятага рашэння, падкрэсліваючы цяжкасці і нязручнасці, звязаныя з выбарам шляху, які сёння свет называе хрысціянствам: “Лісы маюць норы, і птушкі нябесныя – гнёзды, а Сын Чалавечы не мае, дзе схіліць галаву” (Лк 9, 58). Гэта яскравы напамін аб тым, што вучань Хрыста на зямлі – усяго толькі пілігрым на шляху да вечнай радзімы ў Нябёсах.
   

Старонка 67 з 68:

Актуальны нумар

 

Каляндар 2022

Каляндар
«Слова Жыцця»
на 2022 год

Літургічны каляндар

 
green
Адзначаем імяніны:
Да канца года засталося дзён:  310

Чакаем Вашай падтрымкі

skarbonkaДарагія Чытачы!
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.