Слова для Жыцця

Папа Бэнэдыкт XVI
    Дарагія браты і сёстры, як вы ведаеце,1 мая з радасцю я абвяшчу благаславёным паважанага Яна Паўла II, майго дарагога папярэдніка. Выбраная дата з’яўляецца вельмі знамянальнай: таму што гэта будзе II Велікодная нядзеля, якую ён сам прысвяціў Божай міласэрнасці і напярэдадні якой закончыў сваё зямное жыццё. Тыя, якія яго ведалі, тыя, якія яго цанілі і любілі, не могуць не радавацца разам з Касцёлам гэтай падзеі.

    Падчас малітвы “Анёл Панскі” у Ватыкане 16 студзеня 2011 г †

Папа Бэнэдыкт XVI
   Свет патрабуе Бога – чытаем у заканчэнні паслання на Сусветны дзень міру. – Патрабуе ўніверсальных і агульных этычных і духоўных каштоўнасцяў, а рэлігія можа ўнесці цэнны ўклад у іх пошук, каб удалося збудаваць справядлівы і мірны грамадскі лад на нацыянальным і міжнародным узроўнях. (…) Я заахвочваю ўсіх, хто хоча стаць будаўнікамі міру, а асабліва маладых людзей, услухацца ў свой унутраны голас, каб знайсці ў Богу пастаянны пункт суаднесенасці для атрымання сапраўднай свабоды; невычэрпную сілу, якая дазволіць кіраваць светам з новым духам, так, каб не дапусціць ізноў памылак мінулага

    Фрагмент паслання на Сусветны дзень міру †

Папа Бэнэдыкт XVI
   Падчас Адвэнта мы таксама пакліканы пачуць Божы голас, які гучыць у пустыні свету, дзякуючы Святому Пісанню, асабліва калі яно прапаведуецца сілай Святога Духа. Па сутнасці вера становіцца мацнейшай, калі яна асвечана Божым словам, “Бо ўсё – як нагадвае апостал Павел, - што было калісьці напісана, у павучанне нам напісана, каб мы праз цярплівасць і пацяшэнне з Пісання мелі надзею” (Рым 15, 4). Узорам такога слухача з’яўляецца Панна Марыя: “Сузіраючы ў Божай Маці жыццё, цалкам сфармірованае Словам, мы разумеем, што таксама пакліканы ўвайсці ў таямніцу веры, дзякуючы якой Хрыстус прысутнічае ў нашым жыцці. Кожны хрысціянін, які верыць, як нагадвае св. Амброзій, у пэўным сэнсе пачынае і нараджае Божае слова” (“Verbum Domini”, 28).

    Фрагмент разважанняў перад малітвай “Анёл Панскі”, 5 снежня. †

Папа Бэнэдыкт XVI
    З Евангелля мы ведаем, што Крыж быў крытычнай хвілінай для веры Пятра і іншых апосталаў. І зразумела, не магло быць інакш: таму што яны былі людзьмі і думалі па-людску. Навяртанне Пятра здзяйсняецца цалкам тады, калі ён адмаўляецца ад жадання збавення Езуса і пагаджаецца, каб гэта Ён збавіў яго. Адмаўляецца ад уратавання Езуса ад Крыжа і прымае збавенне, дзякуючы Яго Крыжу. Езус можа ўзводзіць на нас свой Касцёл настолькі, наколькі знойдзе ў нас сапраўдную пасхальную веру, якая не дамагаецца ад Езуса сысці з Крыжа, але давяраецца Яму на Крыжы.

    Фрагмент гаміліі Папы, абвешчанай падчас св. Імшы 21 лістапада †

Папа Бэнэдыкт XVI
    Трагедыя заключаецца ў тым, што пануе і распаўсюджваецца перакананне, што Бог з’яўляецца ворагам чалавека і яго свабоды. На гэта я хачу адказаць праўдзівай біблейскай верай у Бога, які паслаў на гэты свет свайго Сына Езуса Хрыста, каб ніхто не памёр, але ўсе мелі вечнае жыццё (пар. Ян 3, 16). Еўропа павінна адкрыцца на Бога, без боязі выйсці Яму насустрач, працаваць для чалавечай годнасці, што была адкрыта дзякуючы найлепшым традыцыям: біблейскай, якая тут з’яўляецца асноўнай; класічнай, сярэдневяковай і сучаснай эпохаў, дзе паўсталі філасофскія, літаратурныя, культурныя і сацыяльныя шэдэўры Еўропы.
    Фрагмент гаміліі Папы падчас св. Імшы ў Сантьяго дэ Кампастэла. Іспанія, 07. 11.2010 г. †

Папа Бэнэдыкт XVI
    У тыдзень місіянерства Папа заахвочвае паглядзець на Касцёл як на містэрыю камуніі, якая па сваёй прыродзе прызначана для чалавека і ўсіх людзей. Падчас разважанняў Святы Айцец абвясціў, што наступны агульны звычайны сход Сіноду Біскупаў у 2012 г. будзе прысвечаны тэме “Новая евангелізацыя для перадачы хрысціянскай веры”. Папа абрысаваў постаць св. Паўла, які жыў у камуніі са Змёртвыхпаўсталым Хрыстом. Аб’яднанне з Хрыстом не робіць апостала пасіўным на чаканне канчатковай узнагароды, але заклікае да абвяшчэння Евангелля кожнаму чалавеку. На заканчэнне разважанняў Папа аддаў пад апеку Найсвяцейшай Панне Марыі хрысціянскія супольнасці Блізкага Усхода і ўсіх місіянераў Евангелля.
    З разважанняў перад малітвай “Анёл Панскі” 24 кастрычніка. †