Актуальная інфармацыя

Курсы сямейнага жыцця ў Гродне хутка распачнуць чарговы навучальны год

Мэтай курсаў з’яўляецца падрыхтоўка кваліфікаваных спецыялістаў для працы ў сямейных кансультацыях.
   
    На лекцыі па асновах праўдаў веры і хрысціянскай сям’і запрашаюцца ўсе жадаючыя. Заняткі будуць праходзіць у айцоў рэдэмптарыстаў па адрасе: г. Гродна, вул. Курчатава, 20 (Дзевятоўка).
   
    Атрымаць дадатковую інфармацыю і запісацца можна па тэлефоне: (8-029) 588-42-73 – Ірына Мялешка.

Катэхетычныя курсы ў Гродне працягваюць набор навучэнцаў

Дадзеныя курсы для тых, хто жадае глыбей пазнаць каталіцкую веру і стаць правадніком на шляху да збаўлення іншых. Праграма ўключае вывучэнне каталіцкай дагматыкі, маральнай і духоўнай тэалогіі, Святога Пісання, катэхетыкі, кананічнага права, літургікі, каталіцкай псіхалогіі і педагогікі, каталіцкага сацыяльнага вучэння, этыкі сямейнага жыцця і інш.
   
    Навучанне доўжыцца 3,5 гады. Заняткі праходзяць два разы на месяц (субота і нядзеля) з кастрычніка па чэрвень. Пасля заканчэння курсаў выпускнікі змогуць аказваць дапамогу ў катэхізацыі ў парафіях.
   
    Больш падрабязную інфармацыю аб умовах паступлення і навучання можна атрымаць па тэлефонах: (8-0152) 75-33-08, (8-029) 976-15-69.

Адбудуцца ўрачыстасці 60-годдзя святарства кс. прэл. Юзафа Трубовіча

   Дастойны юбіляр будзе дзякаваць Пану Богу за дар паклікання
   1 кастрычніка падчас урачыстай св. Імшы ў 12.00 у катэдральным касцёле св. Францішка Ксаверыя ў Гродне.
   
    Запрашаем да малітвы ўсіх жадаючых. Ахінём ксяндза прэлата – самага старэйшага святара ў Гродзенскай дыяцэзіі і ва ўсёй Беларусі – сваімі малітвамі, каб ён як мага даўжэй мог служыць нашаму Касцёлу.

    24 верасня ў санктуарыі Божай Міласэрнасці ў Воранаве адбудзецца спатканне выкладчыкаў, настаўнікаў і выхавацеляў Гродзенскай дыяцэзіі.
   
    У праграме сустрэчы запланаваны супольная малітва і праца ў групах.
   
    Пачатак у 10.30.
   
   Запрашаем да ўдзелу!