Актуальная інфармацыя

Курсы-рэкалекцыі адбудуцца ў Навагрудку

Пройдуць 21–26 ліпеня ў кляштары сясцёр назарэтанак. Прыняць удзел у курсах могуць кансультанты сямейнага жыцця, а таксама ўсе зацікаўленыя.
   
    У праграме прадугледжаны цыкл сустрэч, падчас якіх удзельнікі змогуць пашырыць свае веды адносна пытанняў веры, сямейнага жыцця, спосабаў будавання добрых стасункаў у сужэнстве. Кожны зможа задаць пытанні падчас адмысловага пункту праграмы “100 пытанняў да...”. Падчас разважання над Божым словам вернікі паглыбяць малітоўнае жыццё. Галоўнай падзеяй дня будзе Эўхарыстыя. †

“Rybyproject” запускае фармацыйны праект для хрысціянскіх музыкантаў

Першы ўікенд з гуртом пройдзе 10–12 сакавіка ў касцёле Маці Божай Фацімскай у Жодзіне. Будзе ўяўляць сабой адмысловую музычную майстэрню пад кіраўніцтвам “Rybyproject”. Праграма складаецца з тэарэтычнай і практычнай часткі.
    Прадугледжаны заняткі як з вакалістамі, так і з музыкантамі: барабаншчыкамі, клавішнікамі і гітарыстамі. Мэта праекта – абмен вопытам паміж удзельнікамі і павышэнне іх прафесійнага ўзроўню. †

“Сужэнскія сустрэчы” адбудуцца ў Оршы

Чарговае спатканне па аднаўленні і паглыбленні сужэнскай еднасці і любові будзе праходзіць 10–12 сакавіка ў парафіі св. Юзафа. Рэкалекцыі правядуць айцец дамініканец з Віцебска і сямейныя пары, аніматары руху.
   
    Начлег і пасілак забяспечваюць арганізатары. Неабходныя ўмовы: прысутнасць на сустрэчах абодвух сужэнцаў (без дзяцей), удзел ва ўсёй праграме. †

Гродзенская парафія арганізуе пілігрымку ў Фаціму

Парафія Найсвяцейшага Адкупіцеля ў Гродне ладзіць аўтобусную пілігрымку з нагоды 100-годдзя аб’яўленняў Маці Божай у Партугаліі. Па дарозе плануецца наведванне некаторых санктуарыяў і еўрапейскіх гарадоў.
   
    Санктуарыі
    Лурд (Францыя), Санцьяга-дэ-Кампастэла (Іспанія), Фаціма (Партугалія)
   
    Гарады Еўропы
    Парыж, Страсбург (Францыя), Барселона (Іспанія), Лісабон (Партугалія)
   
    Час пілігрымкі
    25 чэрвеня – 9 ліпеня †