Хвіліна творчасці

Неабходныя інгрэдыенты:
    200 г масла, 2 шклянкі мукі, 1 яйка, 0,5 шклянкі цукру, 1 ч.л. парашку для выпечкі, 1 ч.л. імбіру (або іншых спецый), 50 г ледзянцоў, каля 50 г цукровай пудры, 3 ст.л. лімоннага соку.
   
    Спосаб прыгатавання:
    1. Узбіць масла з цукрам, дадаць яйка і яшчэ раз узбіць. Дадаць муку, парашок для выпечкі, імбір і замясіць цеста. Скруціць у шар, накрыць плёнкай і схаваць у халадзільнік на 30 хвілін.
    2. Прысыпаць стол мукой і раскачаць цеста (таўшчынёй 3–5 мм). Выразаць фігуркі формачкамі. У сярэдзіне кожнага пячэння зрабіць маленькія акенцы для ледзянцоў а таксама маленькія дзірачкі, каб потым пячэнне можна было павесіць на елку.
    3. Выпякаць 10–15 хвілін пры тэмпературы 180 градусаў.
    4. Дастаць пячэнне, пакласці ў акенцы ледзянцы і паставіць назад у духоўку яшчэ на 5 хвілін, затым выключыць духоўку. Як толькі ледзянцы расплавяцца, трэба выняць бляху і паставіць пячэнне астываць. Калі яно цалкам астыне, зняць пячэнне.
    5. Прыгатаваць глазур: размяшаць цукровую пудру і лімонны сок. Зрабіць кулёчак з паперы і распісаць пячэнне ўзорамі. Пячэнне гатова! Можна падарыць, можна павесіць на елку!

Марцыпан у перакладзе з нямецкай мовы азначае “сакавіцкі хлеб”. Гэта смачны пластылін, зроблены з натуральных інгрэдыентаў – міндальных гарэхаў і цукровай пудры, ляпіць з яго лёгка і прыемна, а галоўнае – вельмі смачна!!!
    Марцыпанавае цеста можна прыгатаваць самім.
    Каб зрабіць яго самастойна, Вам спатрэбіцца: 200 г цукру, 200 г міндальных гарэхаў, 50 мл вады і, вядома ж, дапамога каго-небудзь з дарослых. †

“Вы – соль зямлі. Калі ж соль страціць смак, то чым пасоліш яе? Яна ўжо ні на што не прыдасца...” (Мц 5, 13)

Соль складаецца з мноства крышталікаў. Раствараючыся ў гарачай вадзе, крышталікі солі распадаюцца на дробныя часцінкі. Калі вада пачынае астываць, часцінкі солі пачынаюць ізноў злучацца адна з адной, утвараючы крышталікі. Яны паступова асядаюць на сашчэпцы і варсінках ніткі і растуць у форме правільнага куба, а іх грані заўсёды перасякаюцца пад прамым вуглом (90°).
    Ці знаёмы Табе смак солі? Ці любіш Ты непадсоленую ежу? У даўнія часы соль была скарбам, яна вельмі многа каштавала, і купіць яе маглі толькі заможныя людзі. А сёння цяжка сабе ўявіць добрую кухню без солі. Соль патрэбна ўсім. †

Развіваем свае здольнасці

У Бэтаніі Езус гасціў у доме сясцёр Марыі і Марты. Прачытай пра гэта ў Евангеллі паводле Лукі (10, 38-42).

    Дапамажы Марце падысці да вазы з кветкамі. †

   
   На гэтым малюнку Ты бачыш Езуса з вучнямі. Паглядзі ўважліва і знайдзі, хто з вучняў намаляваны двойчы. Пра тое, якія імёны мелі вучні Езуса, прачытай у фрагменце Евангелля паводле Мацвея 10, 1-4.
   
   

 

 

 

 

 

 

Калі вам падабаецца малако, то гэты незвычайны рэцэпт для вас!

Неабходна:
    1/2 шклянкі вады, 125 г сметанковага масла, 250 г цукру, 300 г сухога малака.
   
    Як прыгатаваць?
    1. Ваду, масла і цукар давесці да кіпення і варыць на павольным агні каля 20 хвілін.
    2. Сухое малако прасеяць праз сіта.
    3. Масляную масу зняць з агню, дадаць сухое малако і старанна перамяшаць.
    4. Гарачую масу змясціць у кандытарскі мяшок і выціснуць на паперу для выпякання. Можна таксама выкарыстоўваць маленькія сіліконавыя формы.
    5. Малочныя цукеркі пакінуць для застывання на ноч. Захоўваць цукеркі можна некалькі дзён.
    Смачна есці!