ГРОДНА
Субота,
20 красавіка
2024 года
 

Дыяцэзія

Святы Крыж

Дыяцэзія

14 верасня 2010 г. а 19.00 гадзіне ў касцёле Адшукання Святога Крыжа (Пабэрнардынскі) у Гродне біскуп Аляксандр Кашкевіч цэлебраваў адпустовую святую Імшу. У касцёле знаходзіцца частка святога Крыжа, якую ў гэты святочны дзень мог ушанаваць кожны вернік.



 

Да 20-ці годдзя дыяцэзіі

Дыяцэзія

17 верасня 2010 г. у гмаху дыяцэзіяльнай курыі прайшла сустрэча арганізацыйнага камітэта, што быў створаны біскупам Аляксандрам Кашкевічам для арганізацыі святкавання 20-ці годдзя ўтварэння Гродзенскай дыяцэзіі.



   

100-годдзе святыні ў Грандзічах

Дыяцэзія

15 жніўня 2010 г. біскуп цэлебраваў урачыстую св. Імшу ў парафіі св. Роха ў Грандзічах з нагоды 100-годдзя святыні. Падчас св. Імшы пастыр дыяцэзіі ўдзяліў сакрамэнт Канфірмацыі групе моладзі з гэтай жа парафіі. Была асвечана таксама юбілейная табліца ля ўвахода ў святыню, зробленая стараннямі душпастыра парафіі ксяндза Віктара Велівіса і парафіянаў.У наступны дзень галоўным цэлебрантам літургіі быў ксёндз Уладзімір Гуляй, біскупскі вікарый. Падчас казання ён наблізіў сабраным постаць св. Роха і ўказаў на яго жыццё як прыклад для пераймання. Пасля літургіі ксёндз-пробашч раздаў заслужаным парафіянам памятныя рэчы, прысвечаныя 100-годдзю святыні.




   

Святарскія рэкалекцыі ў семінарыі

Дыяцэзія

Фотарэпартаж
23 – 26 жніўня 2010 г. у ВДС у Гродне прайшоў I тур святарскіх рэкалекцый, якія правёў кс. д-р Станіслаў Заёнц.У гэтыя дні ў клімаце паглыбленага роздуму над актуальнай сітуацыяй парафіяльнага асяроддзя і ў атмасферы малітоўнага досведу ідэалу Касцёла як супольнасці святары пазнавалі, якім спосабам ператварыць свае парафіяльныя турботы і непакоі ў дынамічны працэс перамены Касцёла згодна з напрамкамі, указанымі айцамі II Ватыканскага Сабору. Падчас гэтых дзён малітвы і засяроджання святары дзяліліся ўласным вопытам. У час сустрэчы былі закрануты наступныя тэмы:
    - якога Касцёла і якой парафіі жадае Хрыстус?
    - якога ксяндза патрабуе парафія і сучасны свет?
    - як пачаць абнаўленне парафіі?
    II тур рэкалекцыі для святароў нашай дыяцэзіі пачнецца 5 верасня 2010 г. у Сапоцкіне.

   

Урачыстая Імша падзякі

Дыяцэзія

22 жніўня 2010 г. у парафіі Беззаганнага Зачацця Найсвяцейшай Панны Марыі (п. Паўднёвы) адбылася ўрачыстая святая Імша падзякі за ІХ пешую пілігрымку з Гродна ў санктуарый Журботнага Езуса ў Росі. Пілігрымы дзякавалі Богу за ўсе даброты, якія атрымалі ў час падарожжа, і прасілі аб плёнах пілігрымкі.

   

Урачыстасць Чанстахоўскай Божай Маці

Дыяцэзія

26 жніўня 2010 г. у парафіі ў Моцевічах (дэканат Ліда) адзначылі ўрачыстасць Чанстахоўскай Божай Маці. Капліца была адрамантавана і пафарбавана. На адпустовую ўрачыстасць прыбылі пешыя пілігрымкі з недалёкіх парафій і паломнікі, якія прыехалі на аўтобусе з Жалудка. А 11.00 гадзіне была цэлебравана першая св. Імша, пасля чаго была адноўлена адарацыя Найсвяцейшага Сакрамэнта. У галоўнай св. Імшы а 13.00 удзельнічала пяць ксяндзоў і мноства вернікаў. На заканчэнне яе вернікі прайшлі з эўхарыстычнай працэсіяй вакол касцёла.

   

Свята ў Каралевы

Дыяцэзія

Урачыстасць Чанстахоўскай Божай Маці ў парафіі св. Міхала-Арханёла ў Ашмянах святкавалася асаблівым чынам. Вернікі адгаварылі навэнну, а моладзь і дзеці займаліся ў тэатральна-музычных майстэрнях. 25 жніўня б.г. з 19.00 да 24.00 прайшло чуванне з малітвай да Божай Маці, якое закончылася Марыйнай пастэркай. 26 жніўня б.г. у 12.00 біскуп Войцех Поляк быў галоўным цэлебрантам урачыстай св. Імшы. У 17.00 пробашч парафіі кс. Ян Пузына цэлебраваў спецыяльную св. Імшу для студэнтаў, якія выязджалі на вучобу, і звярнуўся да іх з Божым словам. Пасля кожнай св. Імшы выступалі музычныя калектывы: “Кашубы” з Картуз (Польшча), “Голас з-над Немана” (Гродна), “Крэсавякі” з Ліды і іншыя.

   

71-ая гадавіна выбуху Другой сусветнай вайны

Дыяцэзія

1 верасня 2010 г. у 17.30 у касцёле айцоў-францысканцаў біскуп Аляксандр Кашкевіч быў галоўным цэлебрантам св. Імшы за загінуўшых абаронцаў Айчыны. У літургіі ўдзельнічалі працаўнікі генеральнага консульства РП у Гродне.


   

Пілігрымка клерыкаў у Італію

Дыяцэзія

3 верасня 2010 г. з Гродна ў пілігрымку ў Італію выедзе група клерыкаў і ксяндзоў. Паломнікі на працягу 9 дзён наведаюць базыліку св. Марка ў Венецыі, магілу св. Антонія ў Падве, санктуарый св. Францішка і св. Клары ў Асыжы, чатыры галоўныя базылікі ў Рыме, базыліку Ружанцовай Божай Маці ў Пампеі, магілу св. айца Піо і іншыя мясціны.

   

Старонка 2 з 18:

Актуальны нумар

 

Каляндар 2022

Каляндар
«Слова Жыцця»
на 2022 год

Літургічны каляндар

 
white
Адзначаем імяніны:
Да канца года засталося дзён:  256

Чакаем Вашай падтрымкі

skarbonkaДарагія Чытачы!
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.