ГРОДНА
Панядзелак,
20 мая
2024 года
 

Дыяцэзія

Навіны ВДС з Гродна

Дыяцэзія

17 мая б.г. у Вышэйшай духоўнай семінарыі ў Гродне пачалася экзаменацыйная сесія, якая прадоўжыцца да 5 чэрвеня. 18 мая клерыкі VI году навучання атрымалі дыпломы аб заканчэнні семінарыі. З гэтай нагоды ў семінарыйнай каплічцы была ажыццёўлена святочная Імша, галоўным цэлебрантам якой быў біскуп Аляксандр Кашкевіч, а ксёндз-рэктар Юзаф Станеўскі абвясціў гамілію аб годзе святарства і аб прызваннях. Выпускнікі падзякавалі біскупу і выкладчыкам за духоўную апеку, навучанне і ад імя ўсіх падарылі крыж да алтара і сваю фатаграфію.


 

Першая св. Камунія

Дыяцэзія

У парафіях нашай дыяцэзіі прадаўжаюцца радасныя дні: дзеці прымаюць у сваё сэрца Хрыста. 9 і 16 мая б.г. першую св. Камунію прынялі дзеці з гродзенскіх парафій: імя св. Францішка Ксаверыя, імя св. Юзафа, Адшукання Святога Крыжа і іншых.



   

Візітацыя ў Сапоцкіне

Дыяцэзія

9 мая б.г. біскуп Аляксандр Кашкевіч правёў візітацыю ў парафіі імя Унебаўзяцця Божай Маці і св. Язафата Кунцэвіча ў Сапоцкіне. Біскуп Аляксандр удзяліў сакрамэнт Канфірмацыі 50 вернікам парафіі, якія былі падрыхтаваны ксяндзом-пробашчам Вітальдам Лазавіцкім і сёстрамі –серафіткамі да прыняцця дароў Святога Духа. Біскуп асвяціў новы гранітны алтар і табернакулюм, наведаў вернікаў ў Свяцку і ў Калетах.
   

Крыжовыя дні

Дыяцэзія

10 - 12 мая б.г. у гродзенскай катэдры і ў іншых парафіях дыяцэзіі прайшлі Крыжовыя дні. Такім спосабам вернікі падрыхтаваліся да ўрачыстасці Унебаўшэсця Пана. Штодзённа пасля св. вячэрняй Імшы адбывалася Эўхарыстычная працэсія са спяваннем Літанія да ўсіх святых з просьбай аб Божым благаславенні ў палявых працах і ў асабістым жыцці.


   

Урачыстасці ў Белагрудзе

Дыяцэзія

Шматлікія святары з Лідскага дэканату і вернікі сабраліся ў касцёле імя св. Міхала-Арханёла ў Белагрудзе на ўрачыстасць Унебаўшэсця Езуса Хрыста і адпуст. Ксёндз Уладзімір Гуляй, біскупскі вікарый быў галоўным цэлебрантам св. Імшы. У гаміліі кс. Павел Звяжынскі вёў размову пра Унебаўшэсце Езуса Хрыста і пра шлях вернікаў у неба. Хор парафіянаў з касцёла ў Дзітве ўпрыгожыў сваім спевам св. Імшу.
   

“Каралева нашых сем’яў – Маці пакліканняў!”

Дыяцэзія

18 мая б.г. у гмаху дыяцэзіяльнай курыі прайшла арганізацыйная сустрэча з нагоды першай гадавіны каранацыі абраза Божай Маці ў Тракелях і пілігрымкаў у санктуарый. Дэвіз сёлетняй сустрэчы ў Тракелях і паломніцтваў: “Каралева нашых сем’яў – Маці пакліканняў!” 2 -3 ліпеня б.г. адбудуцца ўрачыстасці ў Тракелях. Запланавана выдаць альбом з нагоды першай гадавіны каранацыі цудоўнага абраза.


   

Візітацыя ў Адамавічах

Дыяцэзія

15 мая б.г. біскуп Аляксандр Кашкевіч прыбыў з візітацыяй у парафію імя Унебаўзяцця НПМ у Адамавічы. У касцёле сабраліся вернікі і святары з Сапоцкінскага дэканату. Біскуп удзяліў сакрамэнт Канфірмацыі 20 асобам.


   

Камфірмацыя ў Лідзе

Дыяцэзія

15 мая б.г. у парафіі імя св. Сям’і ў Лідзе 353 асобы прынялі сакрамэнт Канфірмацыі з рук біскупа Аляксандра Кашкевіча. Ксёндз-пробашч Юзаф Ганьчыц, ксёндз-вікарый і сястра Алена Плахімовіч падрыхтоўвалі вернікаў да прыняцця гэтага сакрамэнту.


   

520 –ці годдзе парафіі

Дыяцэзія

16 мая б.г. біскуп Аляксандр Кашкевіч прыбыў у парафію імя Унебаўзяцця НПМ у Жалудок. Там ён удзяліў сакрамэнт Канфірмацыі 95 вернікам і асвяціў фігуру св. Яна Хрысціцеля ля касцёла. Гэтая парафія была створана ў 1490 годзе ці 520 гадоў назад.


   

Старонка 8 з 18:

Актуальны нумар

 

Каляндар 2022

Каляндар
«Слова Жыцця»
на 2022 год

Літургічны каляндар

 
white
Адзначаем імяніны:
Да канца года засталося дзён:  226

Чакаем Вашай падтрымкі

skarbonkaДарагія Чытачы!
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.