Дыяцэзія

5-8 верасня 2010 г. у Сапоцкіне быў арганізаваны II тур рэкалекцый для святароў Гродзенскай дыяцэзіі. Тэма сустрэчы гучала так: “Стварэнне мадэлю аднаўлення парафіі ў свеце навучання II Ватыканскага Сабору”. У рэкалекцыях прымала ўдзел каля 30 святароў.

12 верасня 2010 г. у санктуарыі Шкаплернай Божай Маці ў Гудагаі адбылося набажэнства Крыжовага шляху Езуса Хрыста. Вернікі прайшлі Гудагайскай Кальварыяй, што вядзе да парафіяльных могілкаў. Набажэнства закончылася малітвай за памерлых. Затым была цэлебравана св. Імша за ўсіх прысутных.

11 верасня 2010 г. пасля вячэрняй св. Імшы ў вярэйскім касцёле пачалося чуванне перад Найсвяцейшым Сакрамэнтам. А 21-ай гадзіне пачаўся Марыйны Зварот, а 24-ай гадзіне была цэлебравана св. Імша, падчас чаго 6 асобаў было прынята ў Марыйны шкаплеж, які налічвае ў вярэйскай парафіі звыш 200 асобаў. Пасля пастэркі вернікі прайшлі ў Марыйнай працэсіі са свечкамі навокал святыні. 12 верасня б.г. на адпустовую ўрачыстасць Імя НПМ у Вярэйкі прыбылі пешыя пілігрымы з Ваўкавыска, ксяндзы і вернікі з дэканата і з Польшчы. Біскуп Аляксандр Кашкевіч быў галоўным цэлебрантам урачыстай св. Імшы, казанне абвясціў ксёндз Андрэй Шчупал. Эўхарыстычная працэсія закончыла адпустовую ўрачыстасць.

12 верасня 2010 г. а 16 00 гадзіне ў касцёле Звеставання НПМ у Гродне быў урачыста адкрыты 10-ы год існавання акадэмічнага душпастырства настаўнікаў і выхавацеляў. На будучы год запланаваны важныя для развіцця душпастырства праекты.

12 верасня 2010 г. у санктуарыі Шкаплернай Божай Маці ў Гудагаі адбылося набажэнства Крыжовага шляху Езуса Хрыста. Вернікі прайшлі Гудагайскай Кальварыяй, што вядзе да парафіяльных могілкаў. Набажэнства закончылася малітвай за памерлых. Затым была цэлебравана св. Імша за ўсіх прысутных.

40-гадзіннае набажэнства пад апекай ксяндза Віталія Сідорка падрыхтавала вернікаў парафіі Ліда-Фара да парафіяльнага адпусту ў свята Узвышэння Святога Крыжа. 14 верасня б.г. ксёндз Вінцэнт Лісоўскі, лідскі дзекан, цэлебраваў урачыстую св. Імшу. Ксёндз Віталій Сідорка абвясціў казанне. На ўрачыстасць прыбылі ксяндзы з дэканата і вернікі з горада.

11 верасня 2010 г. у касцёле святога Міхала- Арханёла ў Смаргоні сабрат салезіянскай супольнасці Станіслаў Краўчанка склаў вечныя шлюбы на рукі кс. Пятра Біцака SDB, эканома інспекторыі салезіянскай Усходняй акругі.
    Складаючы вечныя шлюбы сабрат салезіянскай супольнасці, якога праз два гады чакае святарскае пасвячэнне, прамовіў свой дэвіз: “Богу — сэрца, людзям — усмешку, а сабе — крыж”.