ГРОДНА
Панядзелак,
22 красавіка
2024 года
 

Пастырскае Слова

Хвала на вышынях Богу!

Пастырскае Слова

boze narodz1
Дарагія Чытачы газеты “Слова Жыцця”
   Сын Божы нарадзіўся – узрадавалася ўсё стварэнне, неба і зямля. Анёлы заспявалі: “Хвала на вышынях Богу, а на зямлі супа­кой людзям добрай волі”. Успамінаючы гэтую ўрачыс­тую хвіліну, калі святло Бэтлеемскай зоркі асвяціла цемру ночы і неба ў прадказаным Богам горадзе Бэтлееме злучылася з зямлёю, дазвольце павіншаваць Вас, узлюбленыя Вернікі, з радасным святам Божага Нараджэння! Дарагі Браце і дарагая Сястра! Кожны чалавек: дарослы і маленькі, здаровы і хворы, той, хто шукае праўду і спаўненне жыцця, і той, хто гэта ўжо знайшоў, – узвесяліся ў сваім сэрцы і падзякуй Найвышэйшаму Богу за таямніцу Яго любові, пранікніся гэтай гістарычнай падзеяй, якая перамяніла зямное існаванне. Бог нарадзіўся чалавекам. І няважна, што кажуць тыя, хто ў Яго не верыць ці сумняваецца ў Ягонай моцы. Вы майце моцную веру! Сёння, у гэтае радаснае свята Божага Нараджэння, калі разам з усім каталіцкім Касцёлам мы перажываем Год веры, я хачу заклікаць Вас, дарагія Вернікі, да падзякі Богу за ласку веры. Дарагія Браты і Сёстры, шануйце сваю веру, сцеражыце яе, штодня давайце сведчанне аб ёй, каб і іншыя маглі атрымаць ласку веры. Штодня маліцеся аб памнажэнні веры ў Вашых сем’ях, у душах дзяцей і моладзі, праяўляйце духоўную падтрымку тым, каму сёння не хапае веры або хто яе страціў. Пан Езус у чарговы раз збірае нас на ўспамін свайго Нараджэння, даверцеся Яму і моцна верце ў Ягоную моц! Малюся за кожнага з Вас перад нованароджаным Збаўцам і прашу, каб Бог усім Вам паблаславіў. У імя Айца, і Сына, і Духа Святога. Амэн.
 
 
 
 

Адвэнт – час чакання Хрыста

Пастырскае Слова

Пастырскі ліст кс. біскупа Аляксандра Кашкевіча на Адвэнт 2012
Дарагія Дыяцэзіяне!
   Сёння мы распачынаем у Касцёле новы літургічны перыяд, званы Адвэнтам. Гэта час асаблівага чакання прыходу Хрыста – і літургічнага, у таямніцы Божага Нараджэння, і найважнейшага – у канцы часоў. Прычынай прыходу на гэты свет Божага Сына было тое, каб людзі паверылі і дзякуючы гэтаму мелі вечнае жыццё (пар. 1 Ян 1, 2). Такім чынам, Адвэнт павінен стаць у нашых парафіях часам малітвы, якая вырасла з глыбокай веры. Абвяшчаючы Год веры, Святы Айцец Бенедыкт XVI напісаў, што “ён з’яўляецца заахвочваннем да аўтэнтычнага і новага навяртання да Хрыста, адзінага Збаўцы свету” (Porta Fidei, 5) і павінен садзейнічаць таму, каб усе вернікі лепш зразумелі, што фундамент хрысціянскай веры – гэта сустрэча з Езусам Хрыстом, які нястомна прыходзіць да нас. Выходзячы насустрач гэтым чаканням, мы хочам у перыяд Адвэнту яшчэ глыбей прааналізаваць сваю веру, а таксама праз малітву, пабожныя рэлігійныя практыкі і прыклад хрысціянскага жыцця далучыцца да годнага і плённага перажывання Года веры...

<< цалкам ліст можна прачытаць тут >>
   

Гасанна на вышынях!

Пастырскае Слова

Паважаныя Браты ў Хрыстовым святарстве, вялебныя Манаскія Сёстры, умілаваныя ў Хрысце Браты і Сёстры! Хрыстос Уваскрос! Сапраўды Уваскрос!
У чарговы раз мы перажываем радасныя Велікодныя святы, з верай пахіляючыся над таямніцай Уваскрасення Пана. У нашых святынях гучыць урачыстае “Алелюя – хваліце Пана!” Мы ўсім сэрцам прагнем праспяваць Богу нашу бязмежную любоў за надзвычайную справу збаўлення, якое здейснілася ў Езусе Хрысце.
    Пасхальная таямніца паказвае нам Хрыста як Пераможца над моцамі зла і цемры. Трыумф уваскрослага Пана распачаў новую эпоху ў гісторыі чалавецтва, паказаў найбольш поўны і канечны сэнс гісторыі збаўлення, прывёў да таго, што мы па-іншаму глядзім на таямніцы чалавечага лёсу. Хрыстова Уваскрасенне надае сэнс нават самым балючым перажыванням чалавека, такім, як пакуты, хвароба, смерць.
   

Прызнанне і ўдзячнасць належаць усім

Пастырскае Слова

Аляксандр Кашкевіч, Біскуп Гродзенскі
Улюбёныя ў Хрысце Па­ну Браты і Сёстры, дарагія Чытачы дыяцэзіяль­най Газеты “Слова Жыцця”!
З нагоды 15-й гадавіны існа­вання нашага Выдання, прагну скласці свае сардэчныя пажаданні Ксяндзу Галоўнаму Рэдактару, усяму Рэдакцыйнаму Калектыву і ўсім Чытачам.

   Ужо на працягу 15-ці гадоў “Слова Жыцця” госціць у тысячах каталіцкіх сямей, як у нашай дыяцэзіі, так і за яе межамі, прадастаўляючы дакладную і аб’ектыўную інфармацыю аб жыцці паўсюднага і мясцовага Касцёла, звяртаючы ўвагу на актуальныя праблемы сучаснага свету, фармуючы сэрцы і розумы Чытачоў у духу веры, а таксама паслядоўна падаючы хрысціянскія каштоўнасці як незаменныя для ўсяго грамадства. Трэба з радасцю адзначыць, што акрамя рэалізацыі гэтай асноўнай для кожнага каталіцкага СМІ місіі, “Слова Жыцця” становіцца таксама каштоўным сродкам абмену думкамі паміж Чытачамі, даючы магчымасць выказацца на непакоячыя пытанні, узмацняючы такім чынам міжчалавечыя сувязі і далучаючыся да пабудовы супольнасці, якая жыва цікавіцца справамі Касцёла ў нашай дыяцэзіі.
   

Газета стала вядомай

Пастырскае Слова

Арцыбіскуп Тадэвуш Кандрусевіч, Мітрапаліт Мінска-Магілёўскі Апостальскі Адміністратар  ad nutum Santcae Sedes Пінскай дыяцэзіі
Дарагая Рэдакцыя і Чытачы “Слова Жыцця”!
З нагоды круглай, пятнаццатай, гадавіны паўстання газеты Гродзенскай дыяцэзіі “Слова Жыцця” ад усяго сэрца віншую і перасылаю шчырыя пажаданні.

   За мінулых паўтара дзесяцігоддзя выдаваемая над Нёманам газета стала вядомай, любімай і папулярнай. У ёй можна знайсці інфармацыю аб жыцці мясцовага і ўсеагульнага Касцёла, разважанні Божага слова, тэматычныя артыкулы, евангелізацыйныя і катэхетычныя матэрыялы, гумар і г.д. Яна патрэбна як моладзі, так і старэйшым людзям.

   Гэта вельмі важна перад абліч­чам выклікаў сучаснага свету, найваж­нейшымі з якіх з’яўляюцца секулярызм і матэрыялізм, рэлігійная бязграматнасць, адыход ад маральных норм і духу Евангелля. Чалавек часта жыве так, быццам бы Бог увогуле не існуе. Такім чынам ён імкнецца да абсалютнай свабоды, якая на самай справе замест таго, каб быць свабодай Божых дзяцей, становіцца свабодай ад Бога. Гэта вельмі вялікая небяспека, таму што без Бога жыццё чалавека губляе свой сэнс.
 
   

Фрагмент паслання Бенедыкта XVI на Сусветны дзень хворага (11 лютага 2012 г.)

Пастырскае Слова

“Устань, ідзі: вера твая выратавала цябе” (Лк 17, 19)
Дарагія Браты і Сёстры! З нагоды Сусветнага дня хворага, які мы будзем адзначаць 11 лютага 2012 г., на ўспамін Найсвяцейшай Панны Марыі з Лурда, я прагну аднавіць маю духоўную блізкасць з усімі хворымі [...] і ўпэўніць іх у клопаце і любові ўсяго Касцёла. Прымаючы велікадушна і з любоўю кожнае чалавечае жыццё, а перш за ўсё, слабое і хворае, хрысціянін выражае важны аспект свайго евангелічнага сведчання, беручы прыклад з Хрыста, які схіляўся над матэрыяльнымі і духоўнымі хваробамі чалавека, каб вылечыць іх. У гэтым годзе, які з’яўляецца падрыхтоўкай да надыходзячага ўрачыстага Сусветнага дня хворага, які будзе адзначацца ў Германіі 11 лютага 2013 г. і прысвечаны ўзорнай постаці евангелічнага Самараніна (пар.: Лк 10, 29-37), я хацеў бы надаць асаблівую ўвагу “сакрамантам аздараўлення”, г.зн. сакраманту пакаяння і паяднання, а таксама сакраманту намашчэння хворых [...].
   

Хрыстос прыходзіць таксама і цяпер

Пастырскае Слова

Мы стаім у Каляднай пячоры пры зорцы, якая, паводле хрысціянскай традыцыі, паказвае месца гэтай вялікай падзеі. Але мы верым, што Хрыстос прыходзіць таксама і цяпер, што Ён з намі ў гэтай святой літургіі, якая ўвекавечвае Яго жыццё, смерць і змёртвыхпаўстанне. Знак таго, што Сын Божы прыйшоў на свет як беднае Дзіцятка, для якога не было месца ў заездзе, калі Яго народ быў падпарадкаваны чужому валадаранню. Ён прыйшоў невядомы нікому, і толькі простыя пастухі сабраліся каля Яго ясляў. Аднак Ён з’яўляецца тым Дзіцяткам, пра якое папярэджваў вялікі прарок, каб уваскрасіць веру прыгнечанага народу. У Ім злучаюцца неба і зямля, Божыя справы са справамі чалавечымі. Ён як Збаўца аддасць Сябе за нас і назаўсёды прыме нас ва ўласнасць...
   

Старонка 8 з 12:

Актуальны нумар

 

Каляндар 2022

Каляндар
«Слова Жыцця»
на 2022 год

Літургічны каляндар

 
white
Адзначаем імяніны:
Да канца года засталося дзён:  254

Чакаем Вашай падтрымкі

skarbonkaДарагія Чытачы!
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.