ГРОДНА
Чацвер,
23 мая
2024 года
 

Пастырскае Слова

Умілаваныя ў Хрысце Пану Браты і Сёстры! Дарагія Чытачы газеты “Слова Жыцця”!

Пастырскае Слова

“Я абвяшчаю вам вялікую радасць, якая будзе для ўсяго народу, бо нарадзіўся вам сёння ў горадзе Давіда Збаўца, якім ёсць Хрыстус Пан” (Лк, 2, 10–11).
Гэтымі словамі анёл Пана абвясціў пастухам з Бэтлеема радасную навіну аб Нараджэння Езуса Хрыста. Прыход Божага Сына на гэты свет абуджае ў сэрцах радасць, бо з’яўляецца выра­жэннем спрадвечнай, бясконцай і загадкавай любові Бога да чалавека. У святы Божага Нараджэння мы занава перажываем таямніцу гэтай Божай любові. Яна надае сэнс нашаму жыццю, напаўняе нас даверам і супакоем; дзякуючы ёй мы адчуваем сябе шчаслівымі і спакойнымі, як любімыя дзеці нашага Айца, які ў небе. Мы прагнем дзяліцца гэтай радасцю з сям’ёй і блізкімі, з братамі ў хрысціянскай веры і з усімі людзьмі добрай волі.
    У гэты святочны час шлю Вам, дарагія Браты і Сёстры, свае найлепшыя пажаданні. Няхай радасць свят Божага Нараджэння загосціць у Вашых сэр­цах, сем’ях і ў цэлым грамадстве. Няхай Езус Хрыстус, Божы Сын, які прыходзіць у гэты свет з дарам збаў­лення, узмацняе Вас у веры, надзеі і любові. Няхай Ён шчодра адорвае Вас здароўем і ўсімі патрэбнымі ласкамі.
    Жадаю Вам ра­дас­ных, спакой­ных, поўных надзеі і ап­тымізму свят Божага Нараджэння, а таксама шчаслівага, багатага на Божае бласлаўленне Новага 2015 года!
 

Дарагія Чытачы газеты “Слова Жыцця”!

Пастырскае Слова

Я ўсцешаны, што звяр­таючыся да Вас упер­шыню як біскуп, магу паведаміць Вам радасную навіну: “Я абвяшчаю вам вялікую радасць, якая будзе для ўсяго народу, бо нарадзіўся вам сёння ў горадзе Давіда Збаўца, якім ёсць Хрыстус Пан” (Лк 2, 10–11). І далей з Вамі напяваю калядную песню пры Бэтлеемскіх яслях у нашых касцёлах: “Ляжыць у яслях, хто ж паверыць?!”
    Бог у яслях? Яго адаруюць анёлы, Ім захапляецца Найсвяцейшая Маці, з асцярожнасцю глядзіць св. Юзаф, з радасцю схіляюцца пастушкі. І толькі адно пытанне: ці так выглядае Бог? Ці праўда, што Бог выглядае таксама, як кожны чалавек?
    Дарагія Браты і Сёстры! Гэта Божы Сын пакладзены на сене. Гэта цуд, які мы перажываем, пры якім молімся, які нас затрымлівае каля сябе. Калядка за калядкай, дзяленне аплаткай, Пастэрка, зноў Бэтлемская стайня, задуменнасць у Тваім і маім сэрцы: ці сапраўды Бог аж так палюбіў свет?
    Давайце яшчэ раз прыгледзімся да стайні, да фігуркі Дзіцятка Езус. Яна ўказвае на звычайнага чалавека адразу ж пасля нараджэння: безабароннага, якому неабходна апека, любоў, пяшчота, трохі цеплыні і сэрца, якое чакае.
   

Паведамленне ККББ на распачацце Года кансэкраванага жыцця

Пастырскае Слова

Умілаваныя ў Хрысце Пану Браты і Сёстры!
Па волі Святога Айца Францішка ад першай нядзелі Адвэнту 2014 года да 2 лютага 2016 года ва ўсім Паўсюдным Касцёле будзе перажывацца Год кансэкраванага жыцця.
    Сённяшні свет патрабуе сапраўдных сведкаў, якія ўкажуць іншым сапраўдныя хрысціянскія каштоўнасці і шлях да Бога. Святы Айцец, абвяшчаючы Год кансэкраванага жыц­­­ця, хоча заклікаць кансэкраваных асоб, каб сваім жыццём і радасцю спаткання з Уваскрослым яны абудзілі свет і былі сведкамі іншага спосабу чынаў, дзейнасці і жыцця.
    На працягу бліжэйшага года нас чакае шмат падзей, каб мы лепш усвядомілі ролю кансэкраваных асоб у Касцёле. Будзем жа імкнуцца лепей пазнаць багацце іх харызмаў і разнастайнасць спраў, якія яны здзяйсняюць.
   

Паведамленне і распа­рад­жэнне аб малітоўнай сустрэчы з нагоды ўшанавання святога Ружанца ў Гродзенскай дыяцэзіі

Пастырскае Слова

Паважаныя Дыяцэзіяне! Дарагія Вернікі! Браты і Сёстры ў Хрысце Пану!
   
    З нагоды Года малітвы ў каталіцкім Касцёле ў Беларусі, а таксама ў сувязі з ружанцовым месяцам пастанаўляю, каб 18–19 кастрычніка ў Гродне і Лідзе былі праведзены ўрачыстыя малітоўныя сустрэчы з нагоды ўшанавання святога Ружанца.
    Горача запрашаю да ўдзелу ўсіх вернікаў Гродзенскай дыяцэзіі, а асаблівым чынам членаў цЖывога Ружанца і прадстаўнікоў парафіяльных Ружанцовых колаў разам з пастырамі і адказнымі: 18 кастрычніка ў касцёл Святой Сям’і ў Лідзе на гадзіну 10.30 і 19 кастрычніка ў катэдральны касцёл св. Францішка Ксаверыя ў Гродне на гадзіну 12.00.
    На плённае перажыванне месяца сумеснай малітвы на ружанцы і малітоўных сустрэч у нашай дыяцэзіі ад усяго сэрца бласлаўляю.
   

Пастырскі ліст кс. біскупа Аляксандра Кашкевіча на пачатак новага навучальнага года

Пастырскае Слова

Умілаваныя ў Хрысце Пану Браты і Сёстры, дарагія Дыяцэзіяне!
   
    Дзякуючы Пану Богу за добра і плённа перажытыя канікулы і летні адпачынак, мы распачынаем чарговы навучальны і катэхетычны год.
   
    Пасля перапынку на канікулы ізноў “ажылі” школы ў нашых гарадах і вёсках, запрашаючы дзяцей і моладзь узяцца за навуку і здабыванне ведаў, якія ўжо цяпер дапамогуць ім усё лепш разумець сябе саміх, іншых людзей і навакольны свет, а ў будучыні дапамогуць стаць свядомымі і карыснымі членамі грамадства. Таму мы лічым правільным і неабходным абавязак паўсюднай адукацыі і цешымся, што бацькі, настаўнікі і выхавацелі падыходзяць да яго рэалізацыі, як правіла, з належным клопатам і моцным пачуццём адказнасці.
   

Запрашаем супольна перажыць урачыстасці ў Тракелях

Пастырскае Слова

Умілаваныя Дыяцэзіяне!
   
    Заахвочваю Вас сумесна перажыць 11–12 ліпеня ўрачыстасці ў нашым дыяцэзіяльным санктуарыі ў Тракелях.
    Запрашаю ўсіх вернікаў, асабліва моладзь, з розных куткоў нашай дыяцэзіі вырушыць шляхамі вызначаных пілігрымак. У бягучым годзе розным групам пілігрымаў і малітоўнаму чуванню ў Тракелях будуць спадарожнічаць духоўныя сімвалы Сусветных дзён моладзі – крыж і ікона Маці Божай. Перажываючы цяжкасці пілігрымкавага шляху, прасіце за тых, каму не стае даверу да Бога, а таксама за тых, хто трапіў у палон падманлівага шчасця – алкагалізму, наркаманіі і грэшных прывязанасцей.
    Няхай Найсвяцейшая Панна Марыя Тракельская – Каралева нашых сем’яў – будзе для нас зоркай і ўзорам хрысціянскай вернасці.
    Усіх пілігрымаў і ўдзельнікаў адпустовых урачыстасцей у Тракелях ахінаю малітвай і з усяго сэрца бласлаўляю.
   

Моладзь – будучае Касцёла: разважанні іерархаў

Пастырскае Слова

Кс. абп Клаўдыа ГуджэроціКс. абп Клаўдыа Гуджэроці
    З касцёла павінен выйсці акіян радасці моладзі: не павярхоўнай, але той, якая мае ў душы Хрыста. Хрыста мы не бачым. Цела, якім з’яўляецца Касцёл, якім з’яўляемся мы, біскупы, нашы рукі – гэта Цела Хрыста. Хрыстос прыходзіць праз нас, праз нашу слабасць, праз рукі святароў. Мы – людзі сапраўды бедныя і грэшныя – маем усведамленне, што нясём Бога вам, маладым. Вы можаце сказаць: “Не, мы не хочам вас, не верым вам”. Уявіце, што тады вы можаце выкінуць пярліну, якую не бачыце, бо яна знаходзіцца ў бруднай ракавіне: не адкрыўшы, можаце выкінуць яе. Гэтая ракавіна сапраўды, непрыгожая, але вы павінны дайсці да таго каштоўнага, што знаходзіцца ў ёй. Калі мы ўсё ж вытрымаем і дойдзем да сярэдзіны, то ўбачым прыгажосць таго святла, якое сышло з неба. Мы не можам нічога іншага вам даць. У нашых руках, часам брудных, знаходзіцца тое найвышэйшае шчасце і багацце, якім з’яўляецца Хрыстос. Не звяртайце ўвагі толькі на рукі, толькі на знешняе, ідзіце і шукайце менавіта гэтую пярліну. І калі вашы сябры спытаюць: “Чаму ты пайшоў у касцёл?”, вашым адказам будзе: “Таму што я ўжо сустрэўся з гэтай пярлінай – Хрыстом”.
   

Старонка 5 з 12:

Актуальны нумар

 

Каляндар 2022

Каляндар
«Слова Жыцця»
на 2022 год

Літургічны каляндар

 
white
Адзначаем імяніны:
Да канца года засталося дзён:  223

Чакаем Вашай падтрымкі

skarbonkaДарагія Чытачы!
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.