Знаёмімся са святарамі

  Ксёндз
  Віктар Мыслюк

- Нарадзіўся 05.02.1977 г. у Мыслюках (Ваўкавыскі раён).
- Скончыў ВДС у Гродне ў 2000 г.
- Атрымаў святарскія пасвячэнні 19.05.2001 г. з рук біскупа Аляксандра Кашкевіча ў гродзенскай катэдры.
- Душпастырская дзейнасць:
- 2001 – 2003 г.г. - вывучаў катэхетыку ў КУЛе;
- 2003 – 2007 г.г. – выкладчык і выхавацель у ВДС у Гродне;
- 2007 г. – вучоба ў аспірантуры Папскага салезіянскага універсітэту ў Рыме па спецыяльнасці катэхетыка.

   "Святарства – гэта вялікі дар, за які штодзённа я дзякую Хрысту, Найвышэйшаму Святару, які прызваў служыць Богу і людзям і няспынна мяне вядзе."

  Ксёндз
  Казімір Жыліс

- Нарадзіўся 04.03. 1945 г. у Літве ў вёсцы Лігінішкіс.
- Скончыў Каўнаскую семінарыю (Літва). Атрымаў святарскія пасвячэнні з рук біскупа Лабукаса 17. 04 1973 г.
- Душпастырская праца:
- 06. 10 1983 г. – пробашч у Індуры.
- З 2001 г. – душпастырская праца ў Гродне,
- капелан у турме і літоўскай супольнасці вернікаў,
- дырэктар відэастудыі Гродзенскай дыяцэзіі,
- праца ў душпастырстве цвярозасці.

  "Святарства – гэта служба Богу і людзям. Праца з алкаголікамі і з заняволенымі дае мне магчымасць рэалізаваць сваё святарства."

  Ксёндз
  Павел Гедройць

- Нарадзіўся 25. 01. 1972 г. у засценку Арлоўка, пар. Гервяты.
- Скончыў ВДС у Гродне ў 1996 г.
- Прыняў святарскія пасвячэнні ў гродзенскай катэдры з рук біскупа Аляксандра Кашкевіча ў 1996 г.
- Душпастырская праца:
- 1996 – 1998 г.г. – вікарый у парафіі імя Адшукання Святога Крыжа ў Гродне.
- 1998 - 2003 г.г. – вывучаў музыкалогію ў КУЛе.
- 2003 – 2004 г.г. – прэфект і выкладчык ВДС у Гродне.
- 2004 – 2005 г.г. – намеснік пракуратара ВДС у Гродне.
- 2005 – 2008 г.г. – дырэктар пастаральнага цэнтра пры канферэнцыі епіскапату.
- З 01. 01. 2009 г. - пробашч парафіі ў Галынцы і ў Перстуні, выкладчык ВДС у Гродне і ў Інстытуце тэалогіі пры БГУ.

  "Святарства для мяне – гэта ж ыццё, служба і любоў."

  Ксёндз
  Андрэй Казлоўскі

- Нарадзіўся 05. 01. 1975 г. у Гродне.
- Скончыў ВДС у Гродне ў 2000 г.
- Атрымаў святарскія пасвячэнні ў гродзенскай катэдры з рук біскупа Аляксандра Кашкевіча 03. 06. 2000 г.
- Душпастырская праца:
- 2000 – 2001 г.г. – вікарый у парафіі ў Сапоцкіне, адначасова абслугоўваў парафію ў Галынцы.
- 2001 – 2006 г.г. – проб. у В. Бераставіцы.
- З 2006 г. – проб. у М. Бераставіцы.

  "Святарства для мяне, згодна са словамі Божага слугі Яна Паўла II, з’яўляецца дарам і таямніцай."

   Ксёндз-пралат
   Юзаф Трубовіч

- Нарадзіўся на Віцебшчыне ў вёсцы Невярышкі 6 студзеня 1926 г.
- Закончыў духоўную семінарыю ў Рызе (Латвія), там жа атрымаў святарскія пасвячэнні з рук біскупа Казіміра Дульбіньскага 30 верасня 1956 г.
- 20 гадоў працаваў у Латвіі.
- Прыехаў у Гродна і на працягу 12 гадоў працаваў у францысканскім касцёле.
- У 1988 г. біскупам Я. Вайводсам быў адазваны ў Рыгу працаваць прэфектам семінарыі.
- Пасля 4 гадоў працы вярнуўся ў Гродна, дзе 7 гадоў быў пробашчам у парафіі імя Францішка Ксаверыя.
- З 1999 г. з’ўляецца рэзідэнтам у парафіі імя Беззаганнага Зачацця НПМ і застаецца дзеканам дэканата Гродна- Захад.
- Будучы прэфектам у ВДС у Рызе, ён стаў пралатам, атрымаўшы прызначэнне з Рыма.

“Святарства? Не толькі для мяне. Яно запланавана самім Богам дзеля збаўлення чалавека, створанага Ім, а для мяне яно з’яўляецца мэтай усяго майго жыцця. У ім я заахвочваў да святарства многіх хлопцаў і многія сталі ксяндзамі , хто не шукаў сябе, але Божай справы. Да святарства Бог прызывае, любячы пакліканага, каб ён збавіў спачатку сябе, а потым іншых”.

   Ксёндз-пралат
   Ежы Мар’ян Лявінскі

 - Нарадзіўся 02. 01. 1930 г. у Дзятлаве.
 - ВДС закончыў у Сандаміры і ў гэтым жа горадзе 29. 05. 1955 г. з рук біскупа Яна Кантага Лорка прыняў святарскія пасвячэнні.
 - Пасля 6 гадоў душпастырскай працы быў накіраваны на вучобу ў Люблінскі Каталіцкі Універсітэт, пасля заканчэння якога абараніў кандыдацкую дысертацыю па кананічнаму праву.
- З пачатку функцыянавання ВДС у Гродне з’яўляецца выкладчыкам гэтай навучальнай установы, дзе на працягу некалькі гадоў выконваў абавязкі яе прэфекта.

   “Год Святарства з’яўляецца нагодай да глыбокага роздуму над прызваннем. Я люблю сваё святарства і не ўяўляю сабе, каб было інакш. Святарства з’яўляецца прыгожым, але і цяжкім. Чалавек усведамляе няспынна, што не дарастае да гэтага дару. На прыміцыйным абразку я напісаў словы св. Паўла: “Дык жыву ўжо не я, але жыве ўва мне Хрыстос” (Гал 2, 20). Я служу Богу, Касцёлу і людзям цэлым сэрцам, а для гэтага неабходна Божая дапамога. Таму прашу чытачоў газеты “Слова Жыцця” памаліцца за мяне”.

   Ксёндз
   Тадэвуш Вышынскі

- Нарадзіўся 26. 04. 1930 г.
- Асноўную філасофскую і тэалагічную адукацыю атрымаў у Тэалагічным Інстытуце ксяндзоў-місіянераў у Кракаве, вузкаспецыяльную - у Варшаве, Любліне і Парыжы.
- Святарскія пасвячэнні атрымаў 24 чэрвеня 1956 г. з рук бікупа Станіслава Распонда ў Кракаве.
- З 1992 г. працуе ў Гродзенскай дыяцэзіі.
- На працягу усіх гэтых гадоў выкладаў у ВДС у Гродне.
- Удзельнічае ў дыяцэзіяльных і мітрапалітальных сходах, дзе падрыхтоўваюцца навуковыя, душпастырскія дапаможнікі, літургічныя кнігі…

   “Хрыстовае святарства – гэта пасрэдніцтва паміж чалавекам і Богам, якое выводзіць людскую істоту з няведання аб яе будучыні і паказвае ёй мэту: заставацца ў Богу, удзельнічаць у Яго ўласным жыцці, а таксама “вызваляе” з яе несамадастатковасці і са зла, якія з-за чалавечай прыроды з’яўляюцца яе лёсам. Гэтае зло перамог Хрыстус у чыне Адкуплення і даручыў Касцёлу (перш за ўсё святарам) зрабіць справу Збаўлення людзей актуальнай”.

   Айцец
   Лявон Вітак OMI

- Нарадзіўся 23. 03. 1934 г. у Здунах каля Кратошына, Калішскага ваяводства.
   - Скончыў ВДС у Обры.
   - Святарскія пасвячэнні атрымаў 18. 03. 1962 г. у Обры каля Вольштына ў Вялікапольшчы з рук біскупа А. Бараняка.
   - Душпастырская дзейнасць:
   - місіянер супольнасці аблатаў Беззаганнай Марыі.
   - З 1962 г. выконваў душпастырскую паслугу ў розных парафіях, якія належалі да супольнасці місіянераў-аблатаў Беззаганнай Марыі.
   - Быў назначаны з 1995 г. у Гродна.
   - Выконвае ролю спаведніка клерыкаў.

    “Святарства – найбольшы Божы дар. Поўная паслуга ля алтара і ў канфесіянале”. “Мяне паслаў Пан абвяшчаць Евангелле самым убогім”.

   Ксёндз-пралат
   Міхал Сапата

- Нарадзіўся 7 верасня 1925 г. у Лонцку (Польшча).
- Закончыў ВДС у Тарнове ў 1952 г.
- Святарскія пасвячэнні атрымаў 4 мая 1952 г. у Тарнове з рук біскупа Яна Стэпа.
- У 1954 г. ён закончыў Каталіцкі Універсітэт у Любліне, факультэт практычнай філасофіі, атрымаўшы дыплом магістра філасофіі.
- З 2004 г. кс. Міхал з’яўляецца генеральным вікарыем Гродзенскай дыяцэзіі.

"Святарства – гэта верная служба для Бога".

  Ксёндз
  Лешак Дамагала

   - Нарадзіўся 19. 09. 1958 г. у Дзершыне на Свентакшыскай зямлі.
   - Скончыў ВДС у Кельцах.
   - Прыняў святарскія пасвячэнні 7. 06. 1986 г. у кялецкай катэдры з рук біскупа Станіслава Шымецкага.
   - Душпастырская дзейнасць:
   - 1986 – 1989 г.г. – вікарый парафіі імя св. Кацярыны ў Сэцэміне,
   - а з 1989 – 1992 г.г. - катэдральнай парафіі ў Кельцах.
   - З 1992 г - пробашч санктуарыя імя Яснагурскай Божай Маці, якая слухае нас цярпліва, на пагорку Надзеі ў Капцёўцы.
   - З 1994 г. да 2000 г. абслугоўваў як душпастыр парафію імя Беззаганнага Зачацця НПМ у Квасоўцы і Божай Міласэрнасці ў Свіслачы.
   - З 1997 г. з’яўляецца спаведнікам клерыкаў у ВДС у Гродне.
   - З 2000 г. - ганаровы канонік калегіяцкай капітулы ў Вісліцы.
   - З 2004 г. – спаведнік кансэкраваных асобаў.
   - З 2005 г. намеснік дэкана Гродна – Захад.

    “Святарства – гэта святар, які “зводзіць” Бога на зямлю, які даруе грахі ад імя Хрыста і ўносіць Яго ў чалавечае жыццё. Нядобра было б людзям, калі б не было сярод іх рук, якія даравалі б грахі і благаславілі, якія б складалі ўпрашальную Ахвяру і ўказвалі шлях у неба”.