Рубрыкі Старонкі газеты
Веб-архіў Пералік нумароў
Grodnensis Каталіцкі партал
УНумар 270: радком з дыяцэзіі
Рэдакцыя
11 студзеня 2009
|
Дыяцэзія |
Навіны з Іўеўскага дэканату
|
|
• 22 снежня 2008 г. у школе-інтэрнаце ў Іўі адбылася аплаткавая сустрэча для дзяцей і моладзі. Пануючую там святочную атмасферу ўпрыгожыў спеў калядкаў выхаванцамі інтэрнату. У аплаткавае спатканне ўнесла разнастайнасць падрыхтаваная імі батлейка.
 • 26 снежня 2008 г. у Доме культуры ў Іўі адбыўся першы дабрачынны канцэрт, які быў арганізаваны парафіяй імя св. апосталаў Пятра і Паўла, раённым аддзелам культуры пры падтрымцы мясцовай музычнай школы. Перад канцэртам ансамбль “Чабарок” з музычнай школы прывітаў вясёлай музыкай усіх яго ўдзельнікаў і гасцей. Варта ўспомніць, што зала Дома культуры была аздоблена шопкамі з нядаўняга конкурсу шопкаў. У канцэрце прынялі ўдзел наступныя калектывы: дзіцячы ансамбль “Jutrzenka”, які дзейнічае пры касцёле; маладзёжны калектыў “WNM” (вера, надзея, любоў), касцёльны хор, квартэт “Wokaliz” з музычнай школы і дзіцячая група з музычнай школы з Геранёнаў. Ганаровым госцем дабрачыннага канцэрту быў касцёльны хор “Cantate Domino”, які спецыяльна прыехаў з Гродна з парафіі з мікрараёна Вішнявец. Канцэрт закончыўся выключным акордам: яго ўдзельнікі праспявалі разам гімн III тысячагоддзя. Усе грошы ад продажу білетаў будуць прызначаны на патрэбы спецшколы ў Іўі і прытулку для дзяцей у Бакштах. • 29 – 30 снежня 2008 г. у Варшаве адбыўся турнір па настольным тэнісу, які арганізавала Спартыўнае Каталіцкае Таварыства Польшчы. У спаборніцтвах удзельнічалі ў гэтым годзе толькі каманды з Польшчы і Беларусі. Нашую дыяцэзія прадстаўлялі спартыўныя каманды з парафіі імя Беззаганнага Зачацця НПМ з п. Паўднёвы і парафіі імя св. апосталаў Пятра і Паўла з Іўя. Апошнія атрымалі ажно 3 узнагароды. У сваёй узроставай катэгорыі першае месца атрымала Маргарыта Балтушыц.А ў сваіх узроставых катэгорыях адпаведна другое і трэцяе месцы атрымалі Аляксей Лашакоўскі і Агата Абраменка. |
|
Нязвыклае калядаванне У гродзенскай парафіі імя Беззаганнага Зачацця ў пасёлку Паўднёвы з хвіліны паўстання парафіі звычай калядавання стаў традыцыяй. Ужо на працягу некалькі гадоў калядоўшчыкі нясуць Добрую Навіну ў дамы пасёлка, дзелячыся аплаткамі, жадаючы ўсяго самага найлепшага з нагоды Божага Нараджэння і Новага года. Вернікі прымаюць іх з радасцю, частуюць, ахвяруюць грошы, якія моладзь прызначае на патрэбы парафіі. Маладыя людзі рыхтуюць свае касцюмы самастойна. У гэтым годзе ўпершыню ў гісторыі калядавання 26 снежня мінулага году пераапранутыя адправіліся ў горад, а дакладней, на Савецкую плошчу і на плошчу імя Леніна. Там да тых, хто спяваў калядкі і калядныя абрадавыя песні, далучыліся шматлікія прахожыя. Адна з жанчынаў, якая фатаграфавала калядоўшчыкаў, выказала наступныя словы: “Яшчэ хіба чагосьці такога не было, каб Ленін слухаў калядкі”. Можна дадаць да гэтага тое, што ў гэты ж самы дзень калядоўшчыкі наведалі святароў, якія працуюць у парафіях г. Гродна. Калядоўшчыкі дзякуюць усім парафіянам за такі гасцінны прыём іх у сваіх дамах.
Аплаткавае спатканне міністрантаў дэканату Гродна – Захад
3 студзеня б.г. у касцёле імя Беззаганнага Зачацця НПМ у Гродне адбылося аплаткавае спатканне міністрантаў, якое пачалося св. Імшой, галоўным цэлебрантам якой быў ксёндз-пралат Юзаф Трубовіч, дзекан дэканату Гродна-Захад. Пасля св. Імшы ўсе сабраныя падзяліліся аплаткамі і спявалі калядкі. Трэба падкрэсліць, што ў аплаткавай сустрэчы ўдзельнічала звыш 30 міністрантаў з Адэльска на чале з дыяканам Андрэем Лішко. †
19 снежня ў будынку курыі Гродзенскай дыяцэзіі адбылося аплаткавае спатканне працаўнікоў курыі. Біскуп Аляксандр Кашкевіч, гродзенскі ардынарый, павіншаваў сабраўшыхся са святамі Божага Нараджэння. Пасля супольнай малітвы – традыцыйна падзяліліся аплаткамі. У той жа самы дзень аплаткавую сустрэчу для бяздомных арганізавалі сёстры-назарэтанкі. Пасля асвячэння вігілійнага стала ксяндзом Антоніем Грэмзам у Пабрыгідскім касцёле каля 40 бяздомных з нашага горада маглі падзяліцца аплаткамі. Пасля аплаткавай сустрэчы бяздомных чакаў святочны абед.
Дарагія Чытачы!