ГРОДНА
Аўторак,
07 мая
2024 года
 

Дыяцэзія

Бэтлеемскае святло міру запылала ў Гродне

Дыяцэзія

Рэдакцыя

23 снежня 2009 |
18 снежня б.г. дзесяты раз у Гродна прыбыло бэтлеемскае святло міру, запаленае ў гроце Нараджэння Пана ў Бэтлееме. Польскія харцэры перадалі яго харцэрам з Беларусі на памежным пераходзе ў Кузніцы. Бэтлеемскае святло міру павандравала ў гэты ж дзень у іншыя гарады Беларусі, а пазней – у Расію. Пасля ўрачыстага выстаўлення на алтар лямпіёна з агеньчыкам у катэдральнай базыліцы ў Гродне пробашч касцёла кс. Ян Кучынскі і кс. Ян Банькоўскі OFMCap. цэлебравалі св. Імшу. Падчас гаміліі кс. Ян Банькоўскі звярнуў увагу вернікаў на сімволіку святла, якое мае вельмі глыбокае значэнне. Пасля св. Імшы харцэры з розных куткоў Беларусі і расійскія скаўты сабраліся для аплаткавага спаткання. Бэтлеемская святло міру будзе знаходзіцца ў Фарным касцёле да 6 студзеня. У гэты час вернікі змогуць запаліць ад яго свае свечкі і прынесці агеньчык – святло веры, надзеі і любові ў свае дамы.
 

Спорт выхоўвае ў экуменічным духу

Дыяцэзія

Рэдакцыя

23 снежня 2009 |
13 снежня б.г. група дзяцей і моладзі з парафіі імя Вастрабрамскай Маці Міласэрнасці (Гродна -Аўгустовак) удзельнічала ў VIII адкрытым міжканфесійным турніры па футболу, які адбыўся ў Барысаве і быў прысвечаны Сусветнаму дню барацьбы са СНІДам. Каманда з Аўгустоўка (група асобаў ва ўзросце 12 –14 гадоў) заняла ганаровае трэцяе месца.
    У спаборніцтвах прынялі ўдзел 15 камандаў у трох узроставых групах з Мінска, Барысава і Гродна, у тым ліку і дзявочыя каманды. Адным з галоўным арганізатараў гэтага традыцыйнага ўжо турніру быў а. Андрэй Шабалоўскі, праваслаўная духоўная асоба з Барысава. Спартыўныя спаборніцтвы, якія былі накіраваны на развіццё практычнага экуменізму, сталі дыялогам грамадскага характару братніх хрысціянскіх Касцёлаў.
    На фотаздымку: каманда з парафіі з Аўгустоўка са сваім душпастырам ксяндзом Артурам Малафеем, а. Андрэем Шабалоўскім і трэнерам Аляксандрам Гусарам (другі справа).
   

Mоладзь збіраецца на еўрапейскую сустрэчу

Дыяцэзія

Рэдакцыя

23 снежня 2009 |
У гэтым годзе моладзь нашай дыяцэзіі з Гродна, Ліды і Смаргоні вырушыць на хрысціянскую сустрэчу маладых людзей у Познані, якую 32-і раз арганізуюць браты з супольнасці Taize. 29 снежня б.г. каля 200 асобаў прыедзе ў Познань аўтобусамі і цягнікамі. На 2 студзеня 2010 г. запланавана вяртанне, пасля якога ўдзельнікі гэтай сустрэчы раскажуць чытачам пра свае ўражанні на старонках нашай газеты.
    З 1978 г. экуменічнай супольнасцю Taize арганізоўваюцца еўрапейскія сустрэчы. Апошння з іх у Бруселі сабрала ў снежні і студзені 2008\2009 г.г. каля 40.000 яе ўдзельнікаў.
   

Аплаткавыя спатканні

Дыяцэзія

Рэдакцыя

23 снежня 2009 |
…святароў
Напярэдадні святаў Божага Нараджэння святары Гродзенскай дыяцэзіі традыцыйна сабраліся, каб падзяліцца аплаткамі. 21 снежня б.г. аплаткавае спатканне адбылося ў 11.00 гадзінаў у парафіі Ліда-Фара, а 22 снежня б.г. - у 11.00 у ВДС у Гродне.
…клерыкаў
22 снежня б.г. у 18.00 гадзінаў клерыкі гродзенскай ВДС падзяліліся аплаткамі і ўзаемна пажадалі ўсяго найлепшага, пасля чаго яны выехалі ў свае родныя старонкі, каб правесці святы ў асяроддзі сваіх блізкіх.
…бяздомных
23 снежня б.г. у 13.00 у сталовай ля Пабрыгіцкага касцёла ў Гродне адбылося аплаткавае спатканне бяздомных, на якое сёстры-назарэтанкі запрасілі таксама членаў іх сем’яў. Звыш 100 асобаў прыйшло на супольную малітву, ламанне аплаткамі і ўрачысты абед.
…пілігрымаў у Рось
26 снежня б.г. у парафіі імя Беззаганнага Зачацця НПМ (Гродна, п. Паўднёвы) пройдзе аплаткавая сустрэча пілігрымаў, падчас якой ансамбль “MAJ” з Квасоўкі праспявае вядомыя калядныя песні. У праграме прадбачана адарацыя Найсвяцейшага Сакрамэнту і св. Імша ў 19.00 за ўсіх паломнікаў і спонсараў пілігрымкі.
… душпастырства службы аховы здароўя
27 снежня б.г. у 16.00 у будынку ВДС у Гродне адбудзецца аплаткавая сустрэча вернікаў з душпастырства службы аховы здароўя.
…студэнтаў
Студэнты з г. Гродна запрашаюць маладых людзей на 7 студзеня 2010 г. на 19.00 ў Пабрыгіцкі касцёл на аплаткавае спатканне і св. Імшу, галоўным цэлебрантам якой будзе біскуп Аляксандр Кашкевіч.
… душпастырства настаўнікаў
10 студзеня ў 16.00 у Пабрыгіцкім касцёле ў Гродне адбудзецца аплаткавая сустрэча душпастырства настаўнікаў і выхавацеляў г. Гродна.
…сёстраў
11 студзеня ў 11.00 гадзінаў у Пабрыгіцкім касцёле адбудзецца аплаткавае спатканне сёстраў Гродзенскай дыяцэзіі, падчас якога яны будуць супольна маліцца і праслухаюць аскетычную канферэнцыю.
   

Дабрачынная акцыя моладзі

Дыяцэзія

Рэдакцыя

23 снежня 2009 |
12 – 13 снежня б.г. моладзь з акадэміцкага душпастырства “Open” з Гродна правяла дабрачынную акцыю, якая дапамагла купіць падарункі для хворых дзяцей з рэабілітацыйных цэнтраў г. Гродна. У гэтыя дні распаўсюджваліся вігілійныя свечкі сярод вернікаў. Прыемна здзівіла Вернікі, якія 13 снежня ўдзельнічалі ў св. Імшы ў катэдры, былі прыемна здзіўлены тым, што ўзамен за прынесеныя ахвяры яны атрымалі ад моладзі печыва, зробленае іхнімі рукамі. Акадэміцкае душпастырства ўдзячна ўсім дабрачынцам, дзякуючы якім акцыя прынесла шчодры плён.
   

Некалькімі радкамі…

Дыяцэзія

Рэдакцыя

23 снежня 2009 |
  • У гэтым годзе ўпершыню жыхары г. Гродна ўбачаць стаенкі на Божае Нараджэнне пры гродзенскіх касцёлах, між іншым, пры Фарным касцёле і ў м-не Дзевятоўка.
  • 19 снежня б.г. у настаўнікаў і выхавацеляў г. Гродна прайшоў дзень адвэнтавых духоўных сустрэчаў у Пабрыгіцкім касцёле. Ксёндз Антоній Грэмза, душпастыр настаўнікаў з горада над Нёманам, правёў канферэнцыю і адарацыю Найсвяцейшага Сакрамэнта.
  • 8 снежня б.г. вернікі з пар. імя Найсвяцейшай Тройцы з Зельвы дзякавалі Богу за 20-ці годдзе паўторнай кансэкрацыі свайго касцёла, які звыш 40 гадоў служыў у якасці складу.
  • 20 –22 снежня б.г. у катэдральным касцёле ў Гродне прайшлі адвэнтавыя рэкалекцыі. У першы дзень іх правядзення ў 21.00 кс. Часлаў Паўлюкевіч абвясціў казанне для моладзі і маладых сем’яў. 21 снежня б.г. у рэкалекцыях удзельнічалі дзеці і жанчыны, а 22 снежня б.г – дзеці і мужчыны.
   

Нумар 292: радком з дыяцэзіі

Дыяцэзія

Рэдакцыя

14 снежня 2009 |
Дапамога дзецям перад Вігіліяй
Традыцыйна напярэдадні святаў Божага Нараджэння Карытас Гродзенскай дыяцэзіі арганізуе акцыі дапамогі дзецям. На працягу месяца ва ўсіх парафіях дыяцэзіі будзе размяркована 15 тысяч вігілійных свечкаў, сродкі ад продажу якіх будуць прызначаны на летні адпачынак, на сродкі чысціні і ласункі для дзяцей.
    Вігілійная свечка з’яўляецца знакам прысутнасці Хрыста сярод нас і сімвалам салідарнасці з тымі, хто жыве ў нялёгкіх умовах, асабліва з дзецьмі з убогіх і шматдзетных сем’яў. †
Чытаць цалкам: Нумар 292: радком з дыяцэзіі
   

Аб'явы 292

Дыяцэзія

Рэдакцыя

14 снежня 2009 |
20–22 снежня б.г. у гродзенскай катэдры пройдуць адвэнтавыя рэкалекцыі
   

Нумар 283: радком з дыяцэзіі

Дыяцэзія

Рэдакцыя

12 ліпеня 2009 |
Дыяцэзія
Урачыстасць у Ражанцы
    Святкаванне ўрачыстасці святых Пятра і Паўла ў Ражанцы (Шчучынскі дэканат) мела ў гэтым годзе выключны характар. Ардынарый Гродзенскай дыяцэзіі біскуп Аляксандр Кашкевіч быў галоўным цэлебрантам урачыстай адпустовай св. Імшы. У сваім казанні дэкан Мастоўскага дэканата Рышард Якубец згадаў пра гісторыю адбудовы касцёла ў Ражанцы і ўдзелу ў ёй людзей. Пасля св. Імшы вернікі і святары прайшлі ва Эўхарыстычнай працэсіі вакол касцёла. Кульмінацыйны пункт урачыстасці – асвячэнне біскупам Аляксандрам Кашкевічам фігураў святых апосталаў Пятра і Паўла. Яны былі ўстаноўлены ў нішах на франтоне святыні. Ахвяраваў гэтыя фігуры Тэафіл Богдан з Друскенікаў, былы жыхар Ражанкі. Варта ўспомніць, што пасля рамонту гэтага касцёла ў 1990 г. гэты ж чалавек ахвяраваў касцёлу абраз Вастрабрамскай Божай Маці, які знаходзіцца ля галоўнага алтара. Драўляныя фігуры апосталаў выканаў малады, але ўжо вядомы разьбяр з Мікелеўшчызны Міхал Маскевіч.
Пілігрымка працаўнікоў службы аховы здароўя

    У сваю першую пілігрымку ў Чанстахову (18 – 21 чэрвеня б.г.) адправілася душпастырства працаўнікоў службы аховы здароўя з Гродна. Такім спосабам пад духоўным кіраўніцтвам ксяндза Андрэя Радзевіча 49 дактароў і медсёстраў мела нагоду ўшанаваць сваё прафесійнае свята, якое прыпадала на 21 чэрвеня. У гэты ж дзень перад цудоўным абразам Яснагурскай Панны яны маліліся за шчасце і здароўе сваіх сем’яў і прасілі дапамагчы Божую Маці добрасумленна выконваць свае абавязкі. Па дарозе з Гродна на Ясную Гару вандроўнікі наведалі музей Солі ў Вялічцы, пабывалі ў Кальварыі Зэбжыдоўскай, у музеі Яна Паўла II у Вадавіцах і ў канцэнтрацыйным лагеры ў Асвенціме. Удзячныя за арганізацыю паломніцтва ксяндзу Андрэю Радзевічу яе ўдзельнікі згодна сцвярджаюць, што яно было незабыўнай рэлігійнай падзеяй і наглядным урокам.

Летняя акцыя Карытас

    Прадаўжаецца штогадовая акцыя гродзенскай Карытас “Летні адпачынак для дзяцей”. 25 чэрвеня б.г. у цэнтры для адпачынку ў Няцечы Лідскага раёна адбыўся другі заезд. Да 27 жніўня ў ім адпачне 325 дзяцей з усіх парафій Гродзенскай дыяцэзіі. Наогул, як і штогод прадбачыцца 5 заездаў. Дзецьмі і моладдзю будуць апекавацца клерыкі з Вышэйшай Духоўнай семінарыі з Гродна, акадэмічная моладзь з розных мясцовасцяў Беларусі і маладыя валанцёры з Карытас – Беласток. Трэба ўспомніць, што кожны год гродзенская Карытас накіроўвае на летні адпачынак групы дзяцей-інвалідаў. Летняя акцыя магчыма, дзякуючы ахвярнасці шматлікіх вернікаў і спонсараў з нашай краіны. †
Чытаць цалкам: Нумар 283: радком з дыяцэзіі
   

Наступныя артыкулы...

Старонка 17 з 18:

Актуальны нумар

 

Каляндар 2022

Каляндар
«Слова Жыцця»
на 2022 год

Літургічны каляндар

Дзень звычайны
white
Адзначаем імяніны:
Пятра, Яна
Сёння ўспамінаем памерлых святароў:
1944 + кс. Яраслаў Войдаг, проб. Ліпнішкі;
1996 + кс. Інфулат Стансіслаў Кучыньскі, рэктар ВСД, вікарый генеральны ў Гродне
Да канца года засталося дзён:  239

Чакаем Вашай падтрымкі

skarbonkaДарагія Чытачы!
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.

Ад шчырага сэрца