Дыяцэзія

Дыяцэзія

10 студзеня 2010 г. у нядзелю Хросту Пана каля 120 прадстаўнікоў душпастырства настаўнікаў і выхавацеляў г. Гродна са сваімі сем’ямі сабраліся на св. Імшы і традыцыйным аплаткавым спатканні. Прысутнічалі таксама прадстаўнікі генеральнага кансульства Польшчы ў Гродне і Польскай Мацежы Школьнай.
    Падчас гаміліі, якую абвясціў на св. Імшы ў 16.00 біскуп Аляксандр Кашкевіч, прысутныя задумаліся над сутнасцю Хросту і прызваннем кожнага хрысціяніна.

Дыяцэзія

7 студзеня 2010 г. шматлікая група моладзі ў Пабрыгіцкім касцёле ў Гродне ўрачыста ажыццявіла аплаткавае спатканне акадэмічнага душпастырства “Open”. З пачатку была св. Імша, галоўным цэлебрантам якой быў біскуп Аляксандр, а кс. Павел Салабуда скіраваў да моладзі Божае слова. Затым маладыя людзі паказалі інсцэніроўку аб значэнні цнотаў: веры, надзеі і любові ў жыцці сучаснага хрысціяніна. Далей у мілай атмасферы ў залах для моладзі ўсе паламаліся аплаткамі і выразілі ўдзячнасць біскупу за клопат і апеку.

Дыяцэзія

У парафіі імя Беззаганнага Зачацяя НПМ (Гродна - Паўднёвы) існуе традыцыя калядавання амаль з пачатку яе ўтварэння. У перыяд Божага Нараджэння моладзь пераапранаецца ў бэтлеемскіх герояў і наведвае дамы парафіянаў, дзелячыся з імі радасцю, супольна спяваючы калядныя песні і дзелячыся аплаткамі. У гэтым годзе маладыя сужэнствы разам з дзецьмі вырушылі ў цэнтр горада, каб ля святочнай ёлкі падзяліцца радасцю, якая сыходзіла з-за Нараджэння Хрыста з жыхарамі горада над Нёманам.

Дыяцэзія

11 студзеня 2010 г. у 10. 00 у сёстраў нашай дыяцэзіі прайшоў дзень духоўных сустрэчаў у Пабрыгіцкім касцёле ў Гродне. Падчас сустрэчы сёстры праслухалі аскетычную канферэнцыю пра прынцыпы духоўнага жыцця і прынялі ўдзел у св. Імшы ў 12.00 гадзінаў, якую цэлебраваў біскуп Аляксандр Кашкевіч. Пасля св. Імшы сёстры падзяліліся аплаткамі і ўзаемна пажадалі ўсяго самага найлепшага.

Дыяцэзія

У суботу 9 студзеня 2010 г. у парафіі імя св. Станіслава Косткі ў Ваўкавыску адбылося дэканальнае батлеечнае прадстаўленне. Каб паказаць артыстычныя сцэнкі на сустрэчу прыбылі маладыя людзі з парафіі імя св. Вацлава і з парафіі імя св. Станіслава Косткі з Ваўкавыска, з парафіі імя Найсвяцейшай Тройцы з Шылавічаў і з парафіі імя Найсвяцейшай Тройцы з Росі. Сустрэчу пачала св. Імша, галоўным цэлебрантам якой быў ксёндз-дзекан Антоній Філіпчык, а казанне абвясціў кс. Павел Салабуда. Пасля заканчэння інсцэніроўкі пра Нараджэнне Хрыста маладыя артысты і публіка заспявалі разам калядныя песні.

Дыяцэзія

Пад канец мінулага году тыражом выдавецтва “Lamark” выйшла ў свет рэпрынтнае выданне вядомага гісторыка і заслужанага гродзенца Юзафа Іадкоўскага “Гродна”. Кніга з новай серыі «Гродненская старина” была выдадзена на польскай мове і ілюстравана старадаўнімі фотаздымкамі. Прадмову да кнігі напісаў выкладчык гісторыі ВДС з Гродна ксёндз Антоній Грэмза. Кнігу можна набыць у дыяцэзіяльнай кнігарні па вуліцы К. Маркса, 4.

Дыяцэзія

10 студзеня 2010 г. у Лідзе-Фары адбылася сустрэча членаў руху Цвярозасці і іхніх сем’яў. У св. Імшы, якую супольна цэлебравалі кс. Андрэй Врублеўскі, кс. Уладзімір Гуляй, кс. Аляксандр Пятровіч, i аплаткавым спатканні ўдзельнічала каля 150 чалавек.

Дыяцэзія

24 студзеня 2010 г. у 18.30 у рамках тыдня Малітваў за адзінства хрысціянаў (18 - 25 студзеня) у гродзенскай катэдры адбудзецца малітоўнае набажэнства за адзінства хрысціянаў. Сёлетні тыдзень Малітваў за адзінства хрысціянаў пройдзе пад дэвізам: «І вы - сведкі Уваскрэслага Хрыста» (Лк 24, 48).