Ад шчырага сэрца

◊◊◊

Паважанаму Ксяндзу Пробашчу Юрыю Ёдзіку з нагоды Дня нараджэння ад усяго сэрца складаем букет найлепшых пажаданняў: мноства Божых ласкаў, шчодрых дароў Святога Духа, апекі Найсвяцейшай Марыі Панны, неабходных сіл для рэалізацыі Вашых планаў і намераў, аптымізму, як мага больш адкрытых і шчырых людскіх сэрцаў, моцнага здароўя на доўгія гады, каб кожны дзень святарскай паслугі прыносіў радасць, задавальненне і добры плён. Шчыра дзякуем за вялікую працу ў нашай святыні, за Вашу дабрыню, клопат пра кожнага з нас, за прыемную атмасферу і лагодную ўсмешку. Няхай з Вамі заўсёды будзе Ваш Анёл-ахоўнік.

З павагай і ўдзячнасцю парафіяне з Цудзенішкаў

◊◊◊

Паважаны Ксёндз Казімір Мурава! З нагоды 55-годдзя перасылаем Вам свае сардэчныя пажаданні: моцнага здароўя на доўгія гады жыцця, добрых і верных людзей на Вашым шляху, душэўнага супакою, усмешкі, сапраўднай радасці. Няхай Святы Дух апраменьвае сваім святлом кожны дзень Вашай святарскай паслугі, Езус няхай будзе Вашым Сябрам, а Панна Марыя прытуляе Вас да свайго сэрдца. Няхай добры Бог разгорне над Вамі сваю няспынную апеку, а служэнне Богу і людзям прынясе задавальненне і шчодры плён. Шчасці Божа і 100 гадоў!

З удзячнасцю былыя парафіяне

◊◊◊

Паважанаму Ксяндзу Дзянісу Шмыгіну з нагоды Дня нараджэння шчыра жадаем моцнага здароўя, радасці і мноства Божых ласкаў. Няхай кожная хвіліна Вашага жыцця будзе асвечана святлом Хрыста, а Маці Божая няхай заўсёды атуляе Вас мацярынскай ласкай і апекай. Няхай Ваш жыццёвы шлях будзе шчаслівы і бласлаўлёны, а наша малітва стане для Вас духоўнай падтрымкай. Служыце Богу і людзям усім сэрцам і душой.

Удзячныя вернікі з пар. Звеставання НМП у в. Міжэрычы

◊◊◊

Паважанаму Ксяндзу Аляксандру Баклажцу з нагоды Дня нараджэння ад шчырага сэрца жадаем усіх Божых ласкаў, моцнага здароўя, душэўнага супакою, рэалізацыі ўсіх планаў і намераў, а таксама добразычлівых людзей на святарскім шляху і поспехаў у душпастарскай працы. Няхай Найсвяцейшай Маці заўсёды ахінае Вас плашчом сваёй мацярынскай любові і апекі, а Дух Святы няхай суправаджае Вас па Божых сцежках. Шчасці Божа!

З павагай былыя парафіяне з Навагрудка

◊◊◊

Паважанаму Ксяндзу Аляксандру Пятровічу з нагоды Дня нараджэння ад усяго сэрца жадаем моцнага здароўя, душэўнага супакою, штодзённай радасці, шмат Божых ласкаў на кожны дзень жыцця і людской дабразычлівасці. Няхай Езус Хрыстус заўсёды і ва ўсім Вам дапамагае, Маці Божая нястомна чувае над Вамі, а Святы Дух шчодра адорвае сваімі дарамі. Ад усяго сэрца дзякуем за дабрыню, адкрытае сэрца і адданую працу на карысць Богу і людзям.

З павагай “Легіён Марыі” з пар. Божай Міласэрнасці на Вішняўцы

◊◊◊

Паважанаму Ксяндзу Паўлу Звяжынскаму з нагоды Дня нараджэння перасылаем сардэчныя пажаданні спалучаныя з малітвай: шчодрых Божых ласкаў, здароўя на доўгія гады, дароў Духа Святога, няспыннай апекі Маці Божай, стойкасці на святарскім шляху, які вызначыў Вам усемагутны Бог, а таксама людской дабрыні. Мы ўдзячны Пану Богу за тое, што ў нас служыць шчыры ў малітве святар, які вучыць нас быць сапраўднымі хрысціянамі і заўсёды знаходзіць добрае слова для кожнага чалавека.

З малітвай і павагай Апостальскі рух “Маргарытка” і Жывы Вяночак Міласэрнасці

◊◊◊

Паважанаму Ксяндзу Юрыю Барташэвічу з нагоды Дня нараджэння складаем самыя сардэчныя пажаданні. Мы доўга чакалі гэтай гадзіны,
Урэшце настаў Ваш Дзень нараджэння.
Мы сэрцы свае Вам хочам адкрыць
І найлепшыя віншаванні злажыць.
Жывіце ў радасці і шчасці,
Не знайце смутку і турбот,
Няхай усё зло
Вас абмінае,
І добрае ў жыцці спрыяе.

Парафіяне з Жырмунаў

◊◊◊

Паважанаму Ксяндзу Пробашчу Чэславу Паўлюкевічу з нагоды Імянін прагнем скласці мноства гарачых пажаданняў і падзякаваць за клопат, усмешку і ўсё дабро, якое мы атрымліваем. Мы просім за Вас, Ксёндз Чэслаў, звяртаючыся да Бога словамі: “Ойча Нябесны, дай Твайму пастару праз заступніцтва св. Яна Віянэя сэрца падобнае на сэрца Твайго Сына Езуса Хрыста”. У гэты асаблівы дзень, дзень Вашых Імянін, жадаем Вам шчасця, якое выцякае з Божай абранасці, шчодрых Божых ласкаў, даверу і надзеі ў Пану. Жадаем Вам несці Добрую Навіну, пашыраць радасць, надзею і любоў, каб Вы былі знакам прысутнасці любячага Бога сярод Яго люду. Няхай усе людзі, якіх Вы сустракаеце на святарскім шляху, адорваюць Вас зычлівасцю і дабрынёй, а ўсемагутны Бог няхай спасылае на Вас свае дары. Няхай Вашыя намаганні барацьбы са штодзённасцю акрыляюць Вас і дазваляюць адчуваць прыгажосць і глыбіню жыцця.

Парафіяне з Росі

◊◊◊

Яго Эксцэленцыі Ксяндзу Біскупу Аляксандру Яшэўскаму з нагоды атрымання біскупскай сакры складаем самыя шчырыя пажаданні: моцнага здароўя, душэўнага супакою на кожны дзень, радасці і аптымізму, нястомнасці ў пастарскай працы, а таксама добрых людзей навокал. Няхай міласэрны Бог Вас бласлаўляе!

Парафіяне і салезіянская супольнасць са Смаргоні

◊◊◊

Паважанаму Ксяндзу Пятру Вішнеўскаму з нагоды Імянін жадаем здароўя, радасці, поспехаў у нялёгкай святарскай паслузе, дароў Святога Духа, апекі Маці Божай. Няхай Ваш шлях будзе шчаслівы і бласлаўлёны, а побач няхай будуць зычлівыя людзі.

Вернікі з пар. у Шылавічах

◊◊◊

Яго Эксцэленцыі Ксяндзу Біскупу Антонію Дзям’янку з нагоды надыходзячых Імянін ад шчырага сэрца жадаем усіх Божых ласкаў і нястомнай апекі св. Заступніка. Няхай кожны дзень Вашага жыцця будзе шчаслівы і бласлаўлёны, а побач будуць добразычлівыя людзі. Няхай паслуга прыносіць шчодры плён, і ніколі не гасне полымя Божай любові ў сэрцы.

ІІІ Ордэн св. Францішка, Колы жывога Ружанца і парафіяльны хор з пар. Тэалін

◊◊◊

Паважанаму Ксяндзу Рэдактару Паўлу Салабуду з нагоды 11-й гадавіны святарскіх пасвячэнняў і надыходзячых Імянін складаем букет найлепшых пажаданняў моцнага здароўя, сіл і цярплівасці ў святарскай паслузе і ў выкананні штодзённых абавязкаў. Няхай Маці Божая і св. Заступнік штодзённа Вамі апекуюцца, а міласэрны Бог адорвае ўсімі сваім дарамі.

Рэдакцыя “Слова Жыцця”

◊◊◊

Яго Эксцэленцыі Ксяндзу Біскупу Аляксандру Кашкевічу з нагоды чарговай гадавіны біскупскіх пасвячэнняў ад усяго сэрца жадаем поспехаў у пастарскай паслузе, нястомных ласкаў ад усемагутнага Бога, святасці ў жыцці і добрых людзей побач. Няхай кожны Ваш дзень будзе шчаслівы і бласлаўлёны, а Маці Божая нястомна спадарожнічае Вам на жыццёвым шляху.

Рэдакцыя “Слова Жыцця”

◊◊◊

Паважанаму Ксяндзу Юрыю Марціновічу з нагоды Дня нараджэння ад усяго сэрца перасылаем пажаданні. Няхай у здароўі і радасці праходзяць гады жыцця, Святы Дух няхай дапамагае выконваць душпастарскую паслугу і адорвае Вас сваімі дарамі, Найсвяцейшая Маці няхай апекуецца кожны дзень, а добры Бог няспынна бласлаўляе.

Вернікі з в. Вінцукі

◊◊◊

Яго Эксцэленцыі Ксяндзу Біскупу Аляксандру Кашкевічу з нагоды Імянін ад шчырага сэрца жадаем усіх Божых ласкаў, шчодрых дароў Святога Духа на кожны дзень, нястомнай апекі св. Заступніка і ўсяго самага лепшага. Няхай Вашы планы і намеры рэалізуюцца, а Маці Божая нястомна падтрымлівае на шляху да Пана.

Рэдакцыя “Слова Жыцця”

◊◊◊

Яго Эксцэленцыі Ксяндзу Біскупу Казіміру Велікасельцу з нагоды Дня нараджэння складаем букет найлепшых пажаданняў: моцнага здароўя, душэўнага супакою на кожны дзень, радасці і аптымізму, нястомнасці ў пастарскай працы, а таксама добрых людзей навокал. Няхай міласэрны Бог нястомна Вас бласлаўляе!

Рэдакцыя “Слова Жыцця”