ГРОДНА
Аўторак,
20 лютага
2024 года
 

Беларусь

Сустрэча ў Браславе

Беларусь


Віцебская дыяцэзія
26 – 28 лютага 2010 г. у Браславе адбылася першая ў гэтым годзе сесія на тэму выхавання: “Пазнаць сябе ў святле Божага слова”. Сустрэча прайшла ў рэкалекцыйным доме сёстраў-эўхарысткаў і была другой у рамках “Школы малітвы з дапамогай Божага слова”. Гэтыя сесіі праводзяцца ў атмасферы “пустыні”, маўчання і медытацыі. Яны павінны служыць паглыбленню сувязі вернікаў з Богам і дзеля вылячэння іхніх душаў. На працягу гэтага году ў Браславе павінны прайсці яшчэ тры такога роду сустрэчы, на якія кляштар сёстраў-эўхарыстак запрашае ўсіх жадаючых.
 

Рэкалекцыі ў Баранавічах

Беларусь


Пінская дыяцэзія
26 – 28 лютага 2010 г. у Баранавічах прайшлі XXIII рэкалекцыі цвярозасці. Звыш 80 мужчынаў і жанчынаў са сваімі сем’ямі прыехала ў манаскі дом місіянераў Божага слова (да айцоў-вербістаў). Біскуп К. Велікаселец, ардынарый Пінскай дыяцэзіі, удзельнічаў ва ўрачыстасці адкрыцця рэкалекцый. Айцы: Андрэй Врублеўскі CSsR, рэдэмптарыст з Гродна, і А. Бочар MS з г. Далёкія Віцебскай дыяцэзія праводзілі канферэнцыі і набажэнствы для залежных асобаў, сузалежных і іхніх сем’яў. Ансамбль “Ave” з ВДС з Гродна прымаў удзел у літургічнай сустрэчы групаў і ў св. Імшы.
   

Аб супрацоўніцтве Касцёла і дзяржавы

Беларусь

Мінска-Магілёўская архідыяцэзія
1 лютага 2010 г. міністр культуры Рэспублікі Беларусь Павел Латушка прыняў мінска-магілёўскага Мітрапаліта Тадэвуша Кандрусевіча. Абодва бакі абмеркавалі магчымасці супрацоўніцтва паміж каталіцкім Касцёлам і міністэрствам, у сферы культуры. Арцыбіскуп нагадаў, што каталіцкі Касцёл Беларусі імкнецца рабіць як мага больш для развіцця хрысціянскай культуры і яе евангелізацыі.
    А 19 лютага 2010 г. ва ўрадавым доме Рэспублікі Беларусь прайшла сустрэча мінска-магілёўскага Мітрапаліта Тадэвуша Кандрусевіча з намеснікам прэм’ера Уладзімірам Патупчыкам па ініцыятыве апошняга. Падчас сустрэчы было абмеркавана супрацоўніцтва каталіцкага Касцёла і дзяржавы, існуючыя праблемы і шляхі іх вырашэння.
   

Сустрэча Мітрапаліта з прадстаўнікамі фонду імя К. Адэнауэра

Беларусь

Мінска-Магілёўская архідыяцэзія
12 студзеня 2010 г. у мітрапаліцкай курыі адбылася сустрэча мінска-магілёўскага Мітрапаліта Тадэвуша Кандрусевіча з прадстаўнікамі фонду імя Конрада Адэнауэра. Арцыбіскуп пазнаёміў гасцей з сітуацыяй каталіцкага Касцёла Беларусі: яго пазіцыяй, жыццём, праблемамі. Мітрапаліт Т. Кандрусевіч звярнуў асаблівую ўвагу на пашырэнне кантактаў з грамадствам і дзяржавай. Арцыбіскуп нагадаў пра развіццё экуменічнага і міжрэлігійнага дыялогаў у Беларусі, падкрэсліў пазітыўныя і каструктыўныя сувязі Касцёла з праваслаўнай Царквой.
   

Курсы хрысціянскай забавы ў Пінску

Беларусь

Пінская дыяцэзія
12 –14 лютага 2010 г. у Міждыяцэзіяльнай вышэйшай духоўнай семінарыі імя св. Тамаша з Аквіну ў Пінску прайшлі курсы, прысвечаныя хрысціянскім забавам.
    Іх ўдзельнікі пазнаёміліся, як дзякуючы арганізаваным вясёлым конкурсам і забавам можна прынесці радасць людзям. Штодзённа ўсе збіраліся на св. Імшы, каб аб’яднацца вакол Хрыста – крыніцы хрысціянскай радасці. А заняткі вяла член руху “Святло – Жыццё” Кацярына Аўчарэк. Яна расказала, як Бог перамяніў яе жыццё ў лепшы бок, заклікаўшы яе вучыць людзей весяліцца і адпачываць у хрысціянскім духу.
   

Рэкалекцыі на тэму “Школа хрысціянскага жыцця і евангелізацыі”

Беларусь

Пінская дыяцэзія
12 – 14 лютага 2010 г. прайшлі рэкалекцыі пад назвай “Школа хрысціянскага жыцця і евангелізацыі” у доме айцоў-вярбістаў у Баранавічах (Пінская дыяцэзія). У іх прынялі ўдзел вернікі з розных мясцовасцяў Беларусі. З удзельнікамі рэкалекцый сустрэліся а. Аляксандр Жарнасек MIC і кс. Міхал Цвячкоўскі MIC. Падчас рэкалекцый у цішыні яе ўдзельнікі разважалі пра Божае слова. Яны выслухалі выступленні дакладчыкаў, якія былі прысвечаны розным тэмам, а працуючы ў групах вернікі абмяркоўвалі, дзяліліся сваімі ўражаннямі аб пачутым. Самым галоўным была Эўхарыстыя, якая была ажыццёўлена ў музычным суправаджэнні.
   

Дабрачынны рух “Betel-Caritas” адзначыў пяцігоддзе дзейнасці

Беларусь

Віцебская дыяцэзія
6 лютага 2010г. у парафіі імя Святой Тройцы ў Глыбокім (Віцебская дыяцэзія) вернікі святкавалі пяцігоддзе дзейнасці руху “Betel - Caritas”, які сабраў людзей з абмежаванымі здольнасцямі. Святая Імша дала пачатак святкаванню, а перад ёй члены супольнасці паспавядаліся. Пасля ўсе сабраліся на сімвалічны пачастунак у кляштары кангрэгацыі сёстраў-францысканкаў імя Сям’і Марыі. Члены клубу падзякавалі за 5 гадоў дзейнасці ў супольнасці ў Глыбокім Інне Вайцяховіч, якая стаяла ля вытокаў руху, і ксяндзу-пралату Мечаславу Янчышыну, пробашчу глыбоцкай парафіі, за падтрымку дзейнасці клубу.
   

Сустрэча скаўтаў

Беларусь

Віцебская дыяцэзія
22 лютага 2010 г. у парафіі імя Андрэя-апостала ў Лынтупах (Віцебская дыяцэзія) адбылася сустрэча каталіцкіх парафіяльных групаў скаўтаў FSE з усёй Беларусі. У той жа дзень у гадавіну нараджэння заснавальніка руху скаўтаў Роберта Бадэн-Павелла, ва ўсім свеце адзначалі дзень Братэрскай думкі, калі праходзяць скаўцкія сустрэчы.
   

“Piligrymka.by” запрашае!

Беларусь

Віцебская дыяцэзія
Парафія імя св. Яна Кунцэвіча ў Расонах (Віцебская дыяцэзія) запрашае ў наступныя пілігрымкі: у Рым, у Фаціму, у Лурд і ў іншыя святыя месцы Еўропы. Дакладную інфармацыю можна атрымаць па тэл.: 8 – 029 – 6187299 (Velcom), 8 – 029 – 5187227 (MTS) ці на інтэрнэтнай старонцы www.piligrymka.by.
   

Старонка 6 з 9:

Актуальны нумар

 

Каляндар 2022

Каляндар
«Слова Жыцця»
на 2022 год

Літургічны каляндар

green
Адзначаем імяніны:
Сёння ўспамінаем памерлых святароў:
Да канца года засталося дзён:  315

Чакаем Вашай падтрымкі

skarbonkaДарагія Чытачы!
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.