ГРОДНА
Аўторак,
20 лютага
2024 года
 

Беларусь

Пастырскі ліст мітрапаліта

Беларусь

Арцыбіскуп Тадэвуш Кандрусевіч напісаў пасланне да вернікаў на заканчэнне тыдня малітваў за прызванні (2 мая б.г.). Арцыпастыр напісаў гэты ліст на Святой Зямлі пад канец пілігрымкі для святароў і свецкіх з Беларусі. Галоўная думка гэтага паслання: калі абвяшчаць Божае слова маглі простыя людзі, якімі былі прарок Ісая, апосталы Пётр і Павел, то ці не магу гэтага зрабіць таксама я, ты, іншыя?
 

 

Сустрэча моладзі ў Баранавічах

Беларусь

17 – 18 красавіка б.г. у доме сёстраў-місіянеркаў імя Святой Сям’і ў Баранавічах (Пінская дыяцэзія) адбылася сустрэча моладзі пад дэвізам: “Радасць Змёртвыхпаўстання”. Маладыя асобы, молячыся разам і разважаючы над Божым словам, імкнуліся адчуць сапраўдную радасць з-за Змёртвыхпаўстання Хрыста, усвядоміць магчымасць аднаўлення свайго жыцця, паглядзець на розныя падзеі і асабістыя праблемы з іншага боку.
 
   

Беларуская пілігрымка – на Святую Зямлю

Беларусь

22 красавіка б.г. закончылася сямідзённая пілігрымка вернікаў з Беларусі на Святую Зямлю. У гэты дзень у касцёле імя св. Пятра-апостала ксёндз Антоній Клімантовіч, арганізатар паломніцтва, ажыццяціў св. Імшу. Ксёндз Тадэвуш Крыштопік абвясціў гамілію, яшчэ раз падкрэсліўшы, што вандроўка па святых мясцінах дае ласку пазнаць дух Сэрца Езуса, Святога Духу. У рамках пілігрымкі адбылася сустрэча арцыбіскупа Т. Кандрсевіча з прадстаўнікамі лацінскага патрыярхату Ерузаліма, падчас якой беларускі іерарх вёў размову наконт таго, каб у гэтым святым месцы размясціць дошку з малітвай “Ойча наш…” па-беларуску (побач з тэкстамі малітваў на 115 мовах свету), а таксама - абраз Будслаўскай Божай Маці ў Назарэце.
 
   

Пілігрымка ў Росіцу

Беларусь

1 мая б.г. у Росіцы прайшоў дзень духоўных сустрэчаў для мужчынаў. У гэтай сустрэчы, арганізаванай айцамі-марыянамі з тамашняй парафіі, удзельнічалі пілігрымы з больш дзесяці мясцовасцяў Беларусі. Цэнтральны пункт праграмы – cв. Імша, якая была канцэлебравана пяццю святарамі. Ксёндз Міхал Цвячкоўскі MIC правёў канферэнцыю пра аўтарытэт бацькі ў сям’і. Удзельнікі духоўных сустрэчаў пабывалі на канцэрце гітарыстаў з Наваполацка.
   

Аб’ядналіся ў малітве за трагічна памерлых

Беларусь

У апошні дзень Велікоднай актавы 11 красавіка б.г. мінска-магілёўскі Мітрапаліт Тадэвуш Кандрусевіч цэлебраваў св. Імшу ў мінскай архікатэдры. Арцыбіскуп падкрэсліў падчас яе, што малітва за памерлых з’яўляецца збавеннай, і заклікаў усіх памаліцца за ахвяры катастрофы, якая здарылася з польскім самалётам пад Смаленскам. Апостальскі нунцый у Беларусі арцыбіскуп Марцін Відовіч, святары, дыпламаты і шматлікія вернікі ўшанавалі памяць пра тых, хто загінуў. У сувязі з трагедыяй мітрапаліт выказаў у пісьмовай форме спачуванне, якое было накіравана Канферэнцыі Епіскапату Польшчы і яе пасольству ў Мінску. У Пінску маліліся за тых, хто загінуў у катастрофе. Кардынал Казімір Свёнтэк кіраваў галоўнымі ўрачыстасцямі ў пінскай катэдры. 18 красавіка б.г. Прэзідэнт Беларусі Аляксандр Лукашэнка прысутнічаў на жалобным набажэнстве ў архікатэдры ў Мінску.
   

Асвячэнне прыдарожнага крыжа

Беларусь

 12 красавіка 2010 г. у парафіі імя Шкаплернай Божай Маці ў Мядзелі (Мінска-Магілёўская архідыяцэзія) асвяцілі новы прыдарожны крыж. Спачатку вернікі і духоўныя асобы ўдзельнічалі ва Эўхарыстыі, галоўным цэлебрантам якой быў а. Альберт Вах OCD, прадстаўнік генеральнага настаяцеля ордэну аа. кармелітаў босых у Рыме. Айцец Альберт падкрэсліў у сваёй гаміліі, як важна штодзённа імкнуцца да святасці і адкрывацца на дзеянне Святога Духа. Пасля св. Імшы ён асвяціў прыдарожны крыж, які быў узнесены ў Мядзелі праз 65 гадоў.
   

Злёт скаўтаў

Беларусь

10 – 13 красавіка 2010 г. пад Барысавам (Мінская вобласць) прайшоў злёт скаўтаў з Паставаў, Глыбокага, Мінска і іншых мясцовасцяў Беларусі. Мэта яго: практычная падрыхтоўка кандыдатаў у міжнародную арганізацыю скаўтаў. Трэба нагадаць, што у дадзеную арганізацыю прымаюцца маладыя людзі, якія прызнаюць хрысціянскія каштоўнасці і імкнуцца да духоўнай дасканаласці. Таму амаль штодзённа перад часовым алтаром была цэлебравана св. Імша ў тым ліку і каталіцкімі ксяндзамі.
   

Пальмовая нядзеля - у новай капліцы

Беларусь

Вернікі мінскай парафіі імя св. Яна-евангеліста і св. М. Кольбэ адзначалі нядзелю Мукі Пана ў новай капліцы. Падчас урачыстай св. Імшы душпастыры парафіі падзякавалі ўсім людзям добрай волі, якія садзейнічалі будаўніцтву капліцы. З гэтай пары ў ёй будуць маліцца жыхары раёнаў: Кунцэўшчына і Масюкоўшчына, што прадаўжаюць пашырацца.





   

Сустрэча Прэзідэнта Беларусі з Мітрапалітам Тадэвушам Кандрусевічам

Беларусь

6 красавіка 2010 г. у мінскім касцёле імя Найсвяцейшай Марыі Панны адбылася сустрэча Прэзідэнта Беларусі А. Лукашэнкі з мінска-магілёўскім Мітрапалітам арцыбіскупам Т. Кандрусевічам. Былі закрануты праблемы нармалізацыі адносінаў паміж Касцёлам і дзяржавай, экуменічных адносінаў і справы, звязаныя з будаўніцтвам новых святыняў і касцёльных аб’ектаў. Прэзідэнт А. Лукашэнка выразіў гатоўнасць падтрымліваць развіццё адносінаў паміж праваслаўнай Царквой і каталіцкім Касцёлам у Беларусі. Падчас размовы з журналістамі Мітрапаліт Т. Кандрусевіч нагадаў, што праводзіцца інтэнсіўная праца па падрыхтоўцы пагаднення аб супрацоўніцтве паміж Беларуссю і Апостальскай Сталіцай.


   

Старонка 4 з 9:

Актуальны нумар

 

Каляндар 2022

Каляндар
«Слова Жыцця»
на 2022 год

Літургічны каляндар

green
Адзначаем імяніны:
Сёння ўспамінаем памерлых святароў:
Да канца года засталося дзён:  315

Чакаем Вашай падтрымкі

skarbonkaДарагія Чытачы!
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.