ГРОДНА
Субота,
29 студзеня
2022 года
 

У імя Міласэрнасці

З жыцця Касцёла

«Ідзіце да Мяне ўсе, што працуеце і стаміліся пад цяжарам, і Я дадам вам сілы. Вазьміце ярмо Маё на сябе ды вучыцеся ад Мяне, бо Я ціхі ды пакорлівы сэрцам, і знойдзеце спачынак душам вашым» Мц 11, 28 – 29

    З 4 да 19 кастрычніка б.г. у нашай дыяцэзіі будзе адзначацца ТыдзеньМіласэрнасці.

Тыдзень Міласэрнасці - гэта перыяд аказання бескарыслівай, выплываючай з любові дапамогі людзям, якія апынуліся ў цяжкай жыццёвай сітуацыі, і нашай павышанай чуткасці ў адносінах да іх патрэбаў. Сустрэчы, малітвы і акцыі, якія суправаджаюць гэты тыдзень, прапагандуюць ідэю хрысціянскай міласэрнасці.
    Гэтая міласэрнасць з’яўляецца нашым абавязкам, пра які мы павінны памятаць заўжды. Напэўна, яна не залежыць ад колькасці аддадзеных рэчаў ці вартасці складзеных дароў. Часам дастаткова сяброўскага людскога жэста дапамогі людзям, якія найбольш гэтага патрабуюць: самотным, пакутуючым ці тым, якія заблудзіліся на жыццёвых ростанях. Абыякавасць можа быць такой балючай! А сяброўская душэўная ўсмешка ці адпаведны жарт могуць быць штодзённым дарам для нашых бліжніх.
Сястра Фаустына Кавальская    Езус не праходзіў абыякава ля чалавека, які меў у чым-небудзь патрэбу. Таму, ідучы за Ім, мы павінны рабіць тое ж самае і без разліка, бо толькі бескарыслівы жэст для добрай справы вернецца да нас шматразовым дабром. Таму пераймайце Бога ў Яго Міласэрнасці. А ў кожным нашым дзеянні памятайце пра евангелічны прынцып: “Усё, што б вы хацелі, каб вам рабілі людзі, і вы ім рабіце!” Сёлетні тыдзень Міласэрнасці пройдзе ў перыяд першай гадавіны беатыфікацыі Божага слугі бл. ксяндза Міхала Сапоцькі, які заклікаў пераймаць Бога ў Яго Міласэрнасці. Часта спаведнік св. Фаустыны Кавальскай і руплівы апостал Божай Міласэрнасці бл. ксёндз Сапоцька ўказваў на неабходнасць пераймання Бога міласэрнымі ўчынкамі. Калі ідзе размова пра любоў Бога да стварэння, а асабліва – да людзей, то мы маем на ўвазе любоў галечы ці Божую міласэрнасць - такім было разуменне бл. кс. Сапоцькі праўды пра Божую Міласэрнасць. Ён, дапамагаючы з уласцівай яму ўражлівасцю галоўным чынам тым, хто быў у патрэбе, бедным, выхоўваў у маладых клерыках і верніках дух міласэрнасці на сваім ўласным прыкладзе. Ксёндз Міхал прыклаў усе намаганні, каб споўнілася жаданне Езуса: устанавіць свята Божай Міласэрнасці. “Ксёндз Сапоцька павінен быць вельмі любімы Богам. Я гавару гэта таму, бо бачыла, як Бог заступаецца за яго ў пэўных момантах, а ведаючы гэта, я радуюся бязмерна, што Бог мае такіх выбраных” - так пісала св. сястра Фаустына Кавальская ў сваім “Дзённічку” пра свайго духоўнага кіраўніка і спаведніка ксяндза Міхала Сапоцьку. Гэты святар так звяртаўся ў сваім лісце да сястры Фаустыны: “Дзякую за малітвы, эфектыўнасць якіх я адчуваю і якія мне вельмі патрэбны, бо сітуацыя становіцца ўсё больш складанай... але не страчваю надзеі і раблю, што магу”. Калі ж наступіў апагей цяжкасцяў, самотнасці і прыніжэнняў, то кс. Сапоцька сказаў: “А Божая Міласэрнасць пераможа!” У нашых вачах перамогай было вынясенне яго на алтары 28 верасня 2008 г.Санктуарый імя Божай Міласэрнасці  ў Кракаве (Лагеўніках) Мы памятаем гэты дзень, калі шматлікія вернікі нашай дыяцэзіі адкрылі свае сэрцы на Божае натхненне і прыехалі ў Беласток на беатыфікацыю “анёла суцяшэння”. Сабраўшыся перад палявым алтаром побач з санктуарыем Божай Міласэрнасці ў Беластоку супольна з іншымі прапаведнікамі Божай Міласэрнасці, мы маліліся за тых, хто і далей жыве надзеяй: разгубленых, у роспачы і пакінутых.
    Словы давера: “Езу, давяраю Табе”, укаранёныя ў памяці многіх з нас і напісаныя на абразе Міласэрнага Езуса (які быў намаляваны, дзякуючы пасрэдніцтву бл. Міхала Сапоцькі) дапамагаюць сучаснаму чалавеку перажыць усе перыпетыі зямнога жыцця. Сэрца Езуса, якое выпраменьвае на людзей Божыя ласкі, заклікае нас быць уражлівымі на патрэбы бліжніх. У сёлетнім Тыдні Міласэрнасці ў нас ёсць асаблівая нагода пераймаць Бога ў Яго Міласэрнасці. У нашай дыяцэзіі будзе арганізаваны ў найбліжэйшы тыдзень збор ахвяраванняў, прызначаных для пакупкі падарункаў для дзяцей з бедных сем’яў на свята Божага Нараджэння і на рэчы для ўбогіх і тых, хто знаходзіцца ў патрэбе.

Актуальны нумар

 

Каляндар 2022

Каляндар
«Слова Жыцця»
на 2022 год

Літургічны каляндар

 
white
Адзначаем імяніны:
Да канца года засталося дзён:  337

Чакаем Вашай падтрымкі

skarbonkaДарагія Чытачы!
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.