ГРОДНА
Нядзеля,
01 верасня 2024 года |
Чалавек вялікіх жаданняў
![](http://slowo.grodnensis.by/images/stories/n286/kostka.jpg)
18 верасня успамін пра св. Станіслава Костку, заступніка дзяцей і моладзі
Блізкасць Бога садзейнічае таму, што да людской істоты вяртаецца ўнутраны парадак, яна сканцэнтравана і ўраўнаважана, бо ў такім жа стане духа можа зразумець, да чаго Бог яе заклікае. Такім быў св. Станіслаў Костка.
Станіслаў нарадзіўся ў 1550 годзе ў Расткове на Мазоўшы. Ён быў сынам Яна, закрочымскага каштэляна. У Станіслава было тры браты і дзве сястры. Гісторыя не данесла нам падрабязнасцяў з яго дзіцячых гадоў. У 14 гадоў ён разам са сваім братам Паўлам быў пасланы вучыцца ў езуіцкую школу ў Вену, якая была вельмі праслаўленая. Спачатку Станіславу навука ішла досыць цяжка, бо ён не меў дастатковай падрыхтоўкі дома. А пад канец трэцяга года навучання ён належаў да самых лепшых вучняў школы. Станіслаў гаварыў свабодна па-лацінску, па-нямецку, разумеў грэчаскую мову. Вольны час ён праводзіў, чытаючы кнігі і молячыся.×
У снежні 1565 г. хлопец цяжка захварэў. Паводле яго словаў, калі ён быў недалёка ад смерці, а не мог атрымаць святой Камуніі, бо ўладальнік дома не хацеў упусціць каталіцкага святара, тады сама св. Барбара, да якой ён звярнуўся, у суправаджэнні двух анёлаў наведала яго пакой і прынесла яму Віятык. Падчас гэтай жа самай хваробы з’явілася яму Найсвяцейшая Марыя Панна з Дзіцяткам, якое падала яму на рукі. Ад яе Станіслаў атрымаў цуд вылячэння і пачуў рэкамендацыю: уступіць у Езусовае таварыства. Аднак езуіты не мелі звычаю прымаць кандыдатаў без дазвола бацькоў, а на гэта Станіслаў не мог разлічваць. Таму ён рашыўся на гераічны чын: арганізаваў уцёкі, да якіх старанна падрыхтаваўся. Ён адправіўся не проста ў Рым, дзе быў бы лёгка схоплены па дарозе, але - ў Аўгсбург, дзе знаходзіўся св. Пётр Канізій, настаяцель нямецкай правінцыі. Станіслаў не застаў яго там і вырашыў пешшу ісці ў Дылінгію. Дарога з Вены да Дылінгіі складала 650 кіламетраў. У Дылінгіі ў езуітаў быў свой калегіум. Там Станіслаў быў прыняты на выпрабаванне. Крыху пазней св. Пётр Канізій накіраваў яго ў Рым. Дарога была цяжкая і доўгая. Станіслаў з таварышамі пераадольваў яе пераважна пешшу. У Рыме хлопец быў прыняты ў навіцыят і аказаўся вельмі шчаслівы, што нарэшце споўніліся яго мары. Станіслаў склаў манаскія шлюбы, калі яму было ўсяго толькі 18 гадоў. У гэтым жа веку пасля хваробы ён перайшоў у вечнасць.
Яго культ нарадзіўся раптоўна і спантанна. Беатыфікацыйныя ўрачыстасці адбыліся ў 1606 г. спачатку ў Рыме ў доме св. Андрэя, а потым – у Польшчы. Гэта быў першы благаславёны Езусовага таварыства. Св. Станіславу Костцы прыпісваецца перамога Польшчы над туркамі пад Хацімам у 1621 г. У гэты дзень а. Аборскі, езуіт, бачыў св. Станіслава на воблаках, як ён прасіў Божую Маці дапамагчы. Кароль Ян Казімір прыпісваў заступніцтву святога перамогу пад Берасцечкам (1651 г.).
Яго культ нарадзіўся раптоўна і спантанна. Беатыфікацыйныя ўрачыстасці адбыліся ў 1606 г. спачатку ў Рыме ў доме св. Андрэя, а потым – у Польшчы. Гэта быў першы благаславёны Езусовага таварыства. Св. Станіславу Костцы прыпісваецца перамога Польшчы над туркамі пад Хацімам у 1621 г. У гэты дзень а. Аборскі, езуіт, бачыў св. Станіслава на воблаках, як ён прасіў Божую Маці дапамагчы. Кароль Ян Казімір прыпісваў заступніцтву святога перамогу пад Берасцечкам (1651 г.).
Наступная > |
---|
Літургічны каляндар
![]() | |
Адзначаем
імяніны: | |
Да канца года засталося дзён: 122 |
Чакаем Вашай падтрымкі
![skarbonka](/images/stories/skarbonka.png)
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.