ГРОДНА
Пятніца,
01 сакавіка
2024 года
 

V Звычайная нядзеля

Разважанні з Божым Словам

ewangelia lk
Лк 5, 1–11
Натоўп ціснуўся да Езуса, каб слухаць слова Божае, а Ён стаяў каля возера Генэзарэт. І ўбачыў Ён два чаўны, якія стаялі каля возера, а рыбакі выйшлі з іх і паласкалі сеткі. Увайшоўшы ў адзін з чаўноў, які належаў Сымону, папрасіў яго крыху адплысці ад берага. Тады Ён сеў і вучыў людзей з чаўна. А калі скончыў гаварыць, сказаў Сымону: “Плыві на глыбіню, а вы закіньце сеткі вашыя для ўлову”. Сымон сказаў Яму ў адказ: “Настаўнік, мы працавалі ўсю ноч і нічога не злавілі, але на Тваё слова закіну сеткі”. Зрабіўшы так, яны злавілі вялікае мноства рыбы, аж пачыналі рвацца іхнія сеткі. І ківалі супольнікам, якія былі ў другім чаўне, каб прыйшлі дапамагчы ім. Тыя прыйшлі і напоўнілі абодва чаўны, так што яны пачалі тануць. Калі гэта ўбачыў Сымон Пётр, прыпаў да каленяў Езуса і сказаў: “Адыдзі ад мяне, Пане, бо я чалавек грэшны”.
    Бо з-за ўлову рыбы, якую злавілі, вялікае здзіўленне ахапіла яго і ўсіх, хто быў з Ім, а таксама Якуба і Яна, сыноў Зэбэдэя, якія былі супольнікамі Сымона.
   Тады сказаў Езус Сымону: “Не бойся, адгэтуль будзеш лавіць людзей”. А калі выцягнулі чаўны на бераг, пакінулі ўсё і пайшлі за Ім.

Сустракаць мудрых людзей
    Мудрасць Пятра заключалася ў тым, што ён даверыўся Езусу. Ён разумеў, што нельга ўпарта карыстацца ўласнымі мерамі ў жыцці. Трэба ўлічваць мудрасць іншых і вучыцца ёй. Гэта каштоўны шлях удасканальвання мудрасці. Той, хто ўпарты і слепа стаіць на сваім, робіць памылкі.
    Разуменне людзей, мудрэйшых за нас, – адна з каштоўных прыкмет духа. Той, хто заўважае іх, здольны кожны дзень удасканальваць сваю мудрасць. Сустрэча з Езусам – такая падзея, якая ўплывае на гэты працэс. Патрэбны давер, патрэбна пакора, якая можа аб’ектыўна сябе вымяраць і будзе адкрыта для сустрэчы з людзьмі, мудрэйшымі за нас. Прыгожа гэта выказаў Пётр: “Адыдзі ад мяне, Пане, бо я чалавек грэшны”. На што Настаўнік адказаў: “Адгэтуль будзеш лавіць людзей”.
    Пётр атрымлівае новае пакліканне, ён павінен клапаціцца аб збаўленні людзей. Мудрасць выпраменьваецца ва ўзаемных кантактах паміж мудрымі людзьмі. Яна засвяцілася ў сэрцы Пятра на лодцы, напоўненай рыбай.
    Давайце дзякаваць мудрым людзям, якіх мы сустрэлі і сустракаем у сваім жыцці. Хай наша мудрасць расце, каб і іншыя былі ўдзячныя за тое, што сустрэлі нас на сваім шляху.
   
    Пане Езу Хрысце, дзякую Табе за кожнага мудрага чалавека, якога Ты ставіш на дарозе майго жыцця!

Актуальны нумар

 

Каляндар 2022

Каляндар
«Слова Жыцця»
на 2022 год

Літургічны каляндар

green
Адзначаем імяніны:
Сёння ўспамінаем памерлых святароў:
Да канца года засталося дзён:  306

Чакаем Вашай падтрымкі

skarbonkaДарагія Чытачы!
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.