ГРОДНА
Субота,
13 ліпеня
2024 года
 

Паўсюдны Касцёл (28)

Варта ведаць


   † Кітай. “Катэхеты павінны быць «хрысціянамі новага часу» і сведкамі Хрыста ў сучасным кітайскім грамадстве”, – падкрэслівалася на шостым Курсе для свецкіх катэхетаў, якія працуюць у сямі дыяцэзіях правінцыі Сычуань. Курс стаў адказам на Апостальскі ліст “Antiquum Ministerium”, якім папа Францішак устанавіў у Касцёле паслугу катэхета. Удзельнікам з мацерыковай часткі Кітая прачыталі лекцыі па катэхетыцы, касцёльным вучэнні, літургіі і сакрамантах, каталіцызме ў Кітаі, мясцовай культурнай традыцыі і рэлігійнай інкультурацыі.

    † ЗША. Епіскапат ЗША на сваім пленарным пасяджэнні, што праходзіць у Балтыморы, прыняў дакумент “Таямніца Эўхарыстыі ў жыцці Касцёла”, у якім гаворыцца пра асаблівую адказнасць надзеленых уладай католікаў за захаванне вучэння Касцёла. Ідэя тэксту была прапанавана пасля прэзідэнцкіх выбараў 2020 года некаторымі іерархамі, якія ўбачылі неабходнасць заняць выразную пазіцыю ў адносінах да “прэзідэнта-католіка, які выступае супраць вучэння Касцёла”. У дакуменце, прынятым біскупамі, не ўтрымліваецца выразных спасылак на нейкага канкрэтнага палітыка і не разглядаецца мэтазгоднасць адмаўлення ў прыняцці св. Камуніі грамадскім дзеячам, якія прытрымліваюцца пазіцый, што не адпавядаюць этычнаму вучэнню Касцёла. Аднак у ім сцвярджаецца, што “католікі, якія займаюць кіраўнічыя пасады, нясуць асаблівую адказнасць за захаванне вучэння Касцёла”
   
   † Гаіці. Двое з сямнаццаці місіянераў амерыканскай хрысціянскай дабрачыннай арганізацыі “Christian Aid Ministries”, выкрадзеных больш за месяц таму, былі вызвалены. У апублікаваным паведамленні арганізацыі не раскрываюцца акалічнасці вызвалення выкрадзеных місіянераў і іх імёны. Таксама невядома, ці быў выплачаны выкуп. Місіянераў выкрала мясцовая банда Мавоза. Яе кіраўнік пагражаў забіць заложнікаў, калі не будзе заплачаны мільён долараў выкупу за чалавека.
   
   † Аўстрыя. Бэтлеемскае святло міру ўжо знаходзіцца ў Аўстрыі, як паведамляе ініцыятар гэтага мерапрыемства. Пандэмія COVID-19 не перашкодзіла культываванаму ўжо шмат гадоў традыцыйнаму запальванню святла ў Бэтлеемскай пячоры. Звычайна ў сярэдзіне снежня святло запальвалася на аўстрыйскім тэлебачанні і ў рамках экуменічнага набажэнства ў Вене яго перадавалі скаўтам з краіны і замежжа, у розныя месцы Еўропы, а таксама ў ЗША і некалькі лацінаамерыканскіх краін. У мінулым годзе ў набажэнстве перадачы святла ў Зальцбургу ўжо не маглі ўдзельнічаць замежныя дэлегацыі. Бэтлеемскае святло развозілі аўстрыйскія скаўты “ў эстафеце” да межаў краіны.

Актуальны нумар

 

Каляндар 2022

Каляндар
«Слова Жыцця»
на 2022 год

Літургічны каляндар

green
Адзначаем імяніны:
Сёння ўспамінаем памерлых святароў:
Да канца года засталося дзён:  172

Чакаем Вашай падтрымкі

skarbonkaДарагія Чытачы!
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.