☙✿❧

з нагоды дня нараджэння і імянін жадаем моцнага здароўя, душэўнага супакою, радасці на кожны дзень і поспехаў у душпастырскай паслузе. Няхай Найсвяцейшая Панна Марыя і святы заступнік заўсёды апекуюцца Вамі, а Анёл-ахоўнік чувае і дапамагае годна пражыць кожны дзень. Няхай на дарозе, якую ўказаў Бог, Вам заўсёды спадарожнічаюць Езус і Яго Найсвяцейшая Маці, удзяляючы бласлаўленне і ўсе патрэбныя ласкі, а Святы Дух, жывы агонь якога палымнее ў Вашым сэрцы, няхай будзе бясконца шчодры на свае дары. Жадаем мноства радасных хвілін у гэты цудоўны дзень і на ўсё жыццё.

З малітвай члены Апостальства дапамогі чыстцовым душам і Ружанцовыя колы з Астрыны

☙✿❧

з нагоды імянін жадаем моцнага здароўя, радасці, супакою, нястомнасці ў душпастырскай паслузе на кожны дзень. Заўсёды будзьце ахоплены прамянямі Божай міласэрнасці, Божай ласкай і апекай Найсвяцейшай Панны Марыі і святога заступніка. Ад усяго сэрца дзякуем Вам за працу ў нашай парафіі!

З малітвай члены Апостальства дапамогі чыстцовым душам з Адэльска

☙✿❧

з нагоды дня нараджэння жадаем добрага здароўя, нязгаснага душэўнага запалу ў святарскай паслузе, а таксама рэалізацыі ўсіх намераў і планаў. Няхай вера становіцца яшчэ больш шчырай, а абвяшчаемае Вамі Слова ўсё глыбей трапляе ў сэрцы вернікаў. Жадаем, каб Ваша жыццё было жывым голасам Евангелля, красамоўным сведчаннем першынства Бога і доказам любові. Няхай Найсвяцейшая Панна Марыя ахінае Вас сваёй любоўю і апекай ды выпрошвае ў Сына патрэбныя ласкі і сілы, неабходныя для кіравання нашай парафіяй і абвяшчэння Божага слова.

Парафіяне касцёла св. Антонія ў Карэвічах

☙✿❧

Мы шчыра Вам удзячны за паслугу ў нашым касцёле. Дзякуем таксама выкладчыкам і выхавацелям Гродзенскай ВДС, Вашай маме і родным за тое, што вывучылі і выгадавалі такога разумнага і добрага святара. Вы заўсёды адкрыты, энергічны і радасны, заўсёды падрыхтаваны да абвяшчэння Божага слова. Вашы казанні мы вельмі ўважліва слухаем. Ад шчырага сэрца жадаем Вам здароўя, шмат сіл, душэўнага супакою, неабходных ласкаў ад добрага Бога і багатага плёну ў святарскім служэнні. Няхай усмешка ніколі не сыходзіць з твару, а шчырае сэрца заўсёды будзе гатова дзяліцца радасцю з Богам і людзьмі. Дзякуем маме за сына святара і жадаем ёй моцнага здароўя, доўгіх гадоў жыцця і Божага бласлаўлення.

З малітвай і павагай парафіяне касцёла свсв. апап. Пятра і Паўла ў Іўі

☙✿❧

нагоды дня нараджэння перасылаем сардэчныя пажаданні. Няхай міласэрны Бог узнагародзіць Вас моцным здароўем, сілай, нязгасным запалам у святарскай паслузе, Маці Божая прытуляе Вас да свайго сэрца і ахінае апекай, а Пан Езус бласлаўляе на далейшыя гады працы на карысць Богу ды людзям і ўзнагароджвае за кожны высілак.

Парафіяне з в. Малінавая

☙✿❧

з нагоды імянін перасылаем букет найлепшых пажаданняў. Няхай Ваш святарскі шлях будзе шчаслівы і бласлаўлёны, а побач будуць толькі добразычлівыя людзі. Няхай супакой і радасць паселяцца ў Вашым сэрцы, а ўсмешка ніколі не сыходзіць з твару. Жадаем моцнага здароўя, сіл і стойкасці, а таксама моцнай веры, надзеі і любові.

З малітвай члены Апостальства дапамогі чыстцовым душам з Лядска

☙✿❧

Ад усяго сэрца віншуем Вас з нагоды 40-годдзя з дня нараджэння і жадаем духоўных ды фізічных сіл, моцнага здароўя, шчодрай Божай дапамогі, апекі Найсвяцейшай Маці, творчага натхнення. Дзякуем за Вашу шчырую малітву ў нашых інтэнцыях і за кожны дзень служэння Касцёлу і людзям.

Парафіяне касцёла св. Міхала Арханёла ў Нецечы

☙✿❧

з нагоды дня нараджэння перасылаем букет найлепшых пажаданняў. Няхай здароўе будзе моцным, у сэрцы заўсёды госцiць супакой, Пан Бог адорвае шчодрымі ласкамі, Святы Дух удзяляе свае дары, Езус i Мацi Божая ахiнаюць Вас апекай i прытуляюць да свайго сэрца, а Анёл-ахоўнiк аберагае ад бед, дадае сiл i жыццёвай мудрасцi. Дзякуем Пану Богу за дар Вашага жыцця i прысутнасць сярод нас, а таксама ўзносім Яму малiтвы, каб заўжды па Яго мiласцi сонейка асвячала Вам дарогу.

З вялiкай павагай i малiтвай апостальства “Маргарытка” i вернiкi касцёла ў Жырмунах

☙✿❧

з нагоды дня нараджэння жадаем Божага бласлаўлення на кожны дзень паслугі, апекі Маці Божай Нястомнай Дапамогі, заступніцтва святых Пятра і Паўла і святога Міхала Арханёла. Дзякуем Вам за прыклад веры і за ахвярную ды апякунчую паслугу ў нашай парафіі.

З дарам малітвы парафіяне касцёла ў Ізабеліне