ГРОДНА
Аўторак,
23 красавіка
2024 года
 

IV нядзеля Адвэнту

Разважанні з Божым Словам

Лк 1, 26–38
Бог паслаў анёла Габрыэля ў горад галілейскі, які называўся Назарэт, да Дзевы, заручанай з мужам па імені Юзаф, з дому Давіда, а імя Дзевы – Марыя. Анёл, увайшоўшы да Яе, сказаў: “Вітай, поўная ласкі, Пан з Табою”. Яна ж збянтэжылася ад слоў ягоных і разважала, што гэта за прывітанне. І сказаў Ёй анёл: “Не бойся, Марыя, бо знайшла Ты ласку ў Пана. І вось зачнеш ва ўлонні сваім і народзіш Сына, і дасі Яму імя Езус. Ён будзе вялікі і будзе названы Сынам Найвышэйшага, і дасць Яму Пан Бог трон Давіда, бацькі Ягонага. І валадарыць будзе над домам Якуба вечна, і валадарству Яго не будзе канца”. А Марыя сказала анёлу: “Як станецца гэта, калі я мужа не ведаю?”. Анёл сказаў Ёй у адказ: “Дух Святы сыдзе на Цябе, і моц Найвышэйшага ахіне Цябе. Таму і народжанае Святое будзе названа Сынам Божым. Вось і Альжбета, сваячка твая, і яна зачала сына ў старасці сваёй, і ёсць ужо на шостым месяцы тая, якую называлі бясплоднай; бо для Бога няма нічога немагчымага”. Тады Марыя сказала: “Вось я, слуга Пана. Няхай мне станецца паводле твайго слова”. І адышоў ад Яе анёл.

Усё – дар Божай любові
   Сцэна Звеставання – адна з найпрыгажэйшых старонак Евангелля. Яна паказвае, як сустрэліся дзве любові: боская і чалавечая. У асобе Марыі мы бачым настолькі цудоўную прыгажосць чалавека, што сам Бог радуецца ёй і схіляе сваю веліч перад Паннай, абранай Маці Яго Сына. Прыгажосць Марыі струменіць з сэрца, напоўненага Божай любоўю.
    Анёл называе Марыю “поўнай ласкі” і аб’яўляе, што Яна “знайшла ласку ў Пана”. Гэта вельмі важная ісціна: любоў Бога прагне быць прынятай. Таму ўсё ў нашым жыцці з’яўляецца дарам Божай любові, Яго ласкай, якую трэба навучыцца прымаць.
    Натуральны спосаб развіваць любоў – жаданне прынесці плён. Менавіта ён сведчыць пра прыгажосць і праўдзівасць адносін, якія аб’ядноўваюць людзей. Сустрэча Пана з Марыяй прыводзіць да цудоўнага зачацця Езуса, якое было здзейснена праз Святога Духа. Падобным чынам адбываецца і ў чалавечым жыцці. Кожны мае сваё звеставанне і запрошаны прынесці ўласны плён. Гэтым плёнам любові, якога чакае Бог, з’яўляецца Езус – Ён хоча нарадзіцца ў нас, любіць і збавіць. Прымаючы ласку Усемагутнага, як Марыя, мы дазваляем Яму тварыць цуды ў нашым жыцці.
   
    Пане Езу Хрыстэ, учыні, каб маё штодзённае жыццё прыносіла плён любові.

Актуальны нумар

 

Каляндар 2022

Каляндар
«Слова Жыцця»
на 2022 год

Літургічны каляндар

white
Адзначаем імяніны:
Сёння ўспамінаем памерлых святароў:
Да канца года засталося дзён:  253

Чакаем Вашай падтрымкі

skarbonkaДарагія Чытачы!
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.