ГРОДНА
Панядзелак,
15 красавіка
2024 года
 

Паўсюдны Касцёл (6)

Варта ведаць

☞ ЗША. Палата прадстаўнікоў штата Агая прыняла законапраект, які патрабуе крэмацыі або пахавання цел дзяцей, жыццё якіх перапыняецца падчас хірургічных абортаў. Жанчына павінна даць пісьмовае распараджэнне, што рабіць з целам ненароджанага. У выпадку яе адмовы гэтае рашэнне прымае абортная клініка і здзяйсняе пахаванне за свой кошт. Законапраект прадугледжвае крымінальную адказнасць першай ступені для тых, хто свядома не клапоціцца аб далейшым лёсе абартаваных дзяцей.

    ☞ Італія. Пандэмія каранавіруса ўскладніла фізічны кантакт паміж членамі сям’і. У дамах для састарэлых ствараюцца спецыяльныя пакоі, дзе сваякі могуць абняцца падчас наведванняў. У “пакоях для абдымкаў” вісяць празрыстыя шторы, у якіх зроблены “рукавы” для рук. Дзякуючы такой канструкцыі можна прытуліцца да блізкага чалавека і мінімізаваць рызыку заражэння. Каб трапіць у спецыяльны пакой, сям’я павінна выконваць строгі пратакол гігіены і бяспекі.
   
   ☞ Бразілія. С. Лорэйн Каралін Цінці з Кангрэгацыі Сясцёр Маці Божай Уваскрасення перамагла ў 17-ым эпізодзе кулінарнага шоў “Master Chef Brasil 2020” і выйшла ў фінал. “Бог мне дапамог”, – сказала манахіня пасля праграмы, адзначыўшы, што малілася падчас гатавання страў. С. Лорэйн задаволена, што прымае ўдзел у кулінарным шоў, бо гэта дае магчымасць расказаць пра сацыяльныя праекты для пажылых людзей і дзяцей, якія яна рэалізуе.
   
   ☞ Францыя. Велізарная карціна ў стылі стрыт-арт упрыгожыла святыню на курорце Шатэлаён-Плаж каля Ла-Рашэлі на ўзбярэжжы Атлантычнага акіяна. Яе стваральнік Амары Дзюбуа працаваў у скляпенні касцёла св. Марыі Магдаліны на працягу двух з паловай месяцаў. Нягледзячы на некаторыя негатыўныя рэакцыі, фрэска кранае людзей. Ёсць таксама тыя, каго настолькі прываблівае новы выгляд інтэр’ера святыні, што яны збіраюцца наведваць касцёл.
   
    ☞ Швейцарыя. Епіскапат выступіў супраць законапраекта аб “грамадзянскім шлюбе для ўсіх”. У спецыяльнай заяве з гэтай нагоды біскупы падкрэслілі, што, з аднаго боку, яны падтрымліваюць намер парламента прызнаць роўныя правы ўсіх людзей, але, з іншага боку, “неабходна адрозніваць дыскрымінацыю і дыферэнцыяцыю”. Іерархі адзначаюць, што такі крок можа выклікаць негатыўныя этычныя наступствы: каб мець нашчадкаў, аднаполыя пары павінны звяртацца да тэхналогій дапаможнай рэпрадукцыі, якія парушаюць права дзіцяці ведаць сваё паходжанне.

Актуальны нумар

 

Каляндар 2022

Каляндар
«Слова Жыцця»
на 2022 год

Літургічны каляндар

 
red
Адзначаем імяніны:
Да канца года засталося дзён:  261

Чакаем Вашай падтрымкі

skarbonkaДарагія Чытачы!
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.