ГРОДНА
Чацвер,
13 чэрвеня
2024 года
 

Чаму мінімізацыя экалагічнага следу можа зберагчы ад экалагічнага граху?

Экалагічная цнота

Задаўжалі наступным пакаленням! Што рабіць, каб паменшыць шкоду, якую наносім навакольнаму асяроддзю?
Пачынаем рубрыку пазнавальных артыкулаў аб прынцыпах экалогіі, аб тым, што карысна ці шкодна чалавеку і прыродзе, як, адзначаючы рэлігійныя святы, захаваць чысціню навакольнага асяроддзя. Вы даведаецеся аб сусветных экалагічных датах і акцыях, аб тым, у якіх рэспубліканскіх і гарадскіх эка-мерапрыемствах варта ўдзельнічаць і якую падтрымку можна аказаць сваім голасам.
“Калі мы не апамятаемся, то ператворым Зямлю ў пекла”, – гэтыя словы папа Францішак прамовіў падчас адной з аўдыенцый у Ватыкане. Святы Айцец, вядомы сваёй пазіцыяй эка-актывіста, прапанаваў таксама ўвесці ў Катэхізіс Каталіцкага Касцёла паняцце “экалагічнага граху” – учынку, які наносіць шкоду навакольнаму асяроддзю.
Што ўнутры, тое і звонку
    Алена МайсюкНашы ўчынкі ператвараюць навакольнае асяроддзе. Штодня чалавек становіцца перад дылемай: узяць салафанавы пакет ці скарыстацца шматразовай упакоўкай, праехаць на асабістым аўто ці выбраць альтэрнатыўны спосаб перамяшчэння, падтрымаць перавытворчасць ці набыць толькі самае неабходнае.
    І што б не выбраў чалавек, пры гэтым ён узаемадзейнічае з жывымі арганізмамі і іх асяроддзем пражывання. Прынятае рашэнне абавязкова адлюструецца ў прасторы: забруджваннем ці чысцінёй нашага агульнага дома.
    Штодзённае жыццё людзей з’яўляецца асноўнай крыніцай экалагічнага следу. Амаль 70% следу – вынік вядзення хатніх гаспадарак. Ад таго, колькі энергіі і вады мы расходуем, колькі выкідваем смецця, якія выбіраем прадукты (і ў якой упакоўцы), мэблю і вопратку, залежыць ступень ўздзеяння чалавецтва на планету. Без змены звычак і паводзін людзей ніякія стандарты, забароны і законы не дапамогуць спыніць разбурэнне навакольнага асяроддзя і дасягнуць гармоніі з прыродай.
   
   Экалагічны след – гэта мера ўздзеяння чалавека на асяроддзе пражывання, якая дазваляе разлічыць памеры прылягаючай тэрыторыі, неабходнай для вытворчасці спажываных экалагічных рэсурсаў і паглынання адходаў.
   
    Чалавецтва ўжо 50 гадоў бярэ жыццё ў доўг у дзяцей
    Сусветны дзень экалагічнага доўгу – дзень, у які колькасць выкарыстаных чалавекам аднаўляльных рэсурсаў за год пачынае перавышаць той аб’ём, які Зямля здольна ўзнавіць. Упершыню экалагічны доўг быў зафіксаваны 29 снежня 1970 года. Дэфіцыт рэсурсаў тады складаў толькі 2 дні.
    У 2020 годзе дзень экалагічнага доўгу наступіў 22 жніўня. Людзі перарасходавалі тое, што аднаўляецца, і ўзялі ў доўг у планеты і будучых пакаленняў. Празмернае спажыванне рэсурсаў Зямлі вядзе да дэградацыі навакольнага асяроддзя, вынікам чаго становіцца зніжэнне біяразнастайнасці, спусташэнне ўрадлівага пласта глеб, змяненне клімату. Знікне пэўны від птушак – не будзе каму злавіць шкоднае насякомае; без пладароднай глебы не вырасце зеляніна, якая ачышчае паветра; растане ледавік – акіян як большая частка планеты стане халодным, і Зямля стане непрыдатнай для камфортнага пражывання.
    Дапамагчы скараціць доўг перад планетай і будучымі пакаленнямі могуць толькі ўсвядомленыя і беражлівыя адносіны да прыроды і яе багаццяў. Ужо сёння можна адмовіцца ад бясплатнага пакета, а ідучы дамоў, прайсці пешшу праз парк, ігнаруючы прывабныя шыльды тарговых цэнтраў.
   
    Бліжэйшыя мерапрыемствы
   
Сусветны дзень без аўтамабіля
    22 верасня запрашаем на адзін дзень адмовіцца ад транспарту, які спажывае паліва. Можна прайсціся пешшу, выкарыстаць веласіпед ці самакат або грамадскі транспарт. У папярэднія гады ў Гродне ў гэты дзень грамадская арганізацыя “ВелаГродна” падтрымлівала садавінай людзей, якія едуць на працу на веласіпедзе. Грамадскі транспарт не браў плату з кіроўцаў, якія прад’яўлялі пасведчанне кіроўцы і тэхнічны пашпарт асабістага аўтамабіля. Сачыце за анонсамі на сайце velogrodno.by.

Актуальны нумар

 

Каляндар 2022

Каляндар
«Слова Жыцця»
на 2022 год

Літургічны каляндар

 
white
Адзначаем імяніны:
Да канца года засталося дзён:  202

Чакаем Вашай падтрымкі

skarbonkaДарагія Чытачы!
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.