Адказ на выклікі часу Разам з ахвярадаўцамі і людзьмі добрай волі кансэкраваныя асобы набываюць і перадаюць у медыцынскія ўстановы санітарна-гігіенічныя сродкі аховы, часам шыюць іх самі. Сярод іншых, майстэрня па вырабе літургічнага адзення “Sacris Vestibus”, што працуе ў Маладзечне, сумесна з братамі капуцынамі з мясцовай супольнасці наладзіла пашыў ахоўных касцюмаў і халатаў. Некаторыя супольнасці ахвяруюць грашовыя сродкі і прадукты харчавання для патрабуючых. †

Многія кангрэгацыі арганізавалі праз інтэрнэт прамыя трансляцыі св. Імшаў, набажэнстваў і інш. Для дзяцей і моладзі, у тым ліку падчас канікул, прапануецца анлайн-катэхеза, а таксама інтэграцыйныя заняткі (гульні, віктарыны, конкурсы).
    У шматлікіх манаскіх супольнасцях моляцца ў інтэнцыі спынення пандэміі. Між іншым, моляцца за медыцынскі персанал і за ўсіх, хто мае вострую неабходнасць у духоўнай падтрымцы. У гэты асаблівы час кансэкраваныя асобы стараюцца быць побач з людзьмі, перажываючы разам з імі іх страхі і клопаты, слухаючы і падтрымліваючы праз асабісты кантакт ці праз сродкі сувязі.

---

 Маленькі супергерой Мяшанец нямецкай аўчаркі напаў на чатырохгадовую дзяўчынку. На дапамогу прыбег яе брат, які прыняў лютасць жывёлы на сябе, пасля чаго схапіў сястру за руку і ўцёк з ёй у бяспечнае месца.
    У хлопчыка пакусаны твар, яму наклалі 90 швоў. “Я падумаў, што калі камусьці трэба памерці, то гэта павінен быць я”, – сказаў ён цётцы.
    Гісторыя выклікала фурор у СМІ. Павіншаваў смельчака, між іншым, кіношны супергерой Халк – акцёр Марк Руфала.
    Хлопчык ужо адчувае сябе лепш. Ім заняўся пластычны хірург.