Планы епіскапата Іерархі абмеркавалі і прынялі тэму наступнага пастырскага года ў Касцёле ў Беларусі, які будзе прысвечаны св. Яну Паўлу ІІ і пройдзе пад дэвізам: “Адчыніце дзверы Хрысту”. Між іншым быў зацверджаны пераклад на беларускую мову “Літургіі гадзін. ІV том. Звычайны перыяд XVIII – XXXIV тыдзень”, зроблены Секцыяй па перакладзе літургічных тэкстаў і афіцыйных дакументаў Касцёла пры ККББ. Епіскапат краіны таксама прыняў рашэнне аб правядзенні ўсебеларускага Дня кансэкраванага жыцця, які адбудзецца 10 лютага 2020 года ў Гродне.
    †

---

“Езус ратуе!” 25-гадовы Тайлер Мун прымаў удзел у 16-кіламетровым забегу ў Сэнт-Поле (ЗША). На 3-ім кіламетры ў яго здарыўся сардэчны прыступ. Бягун упаў, разбіў твар і косці. Як высветлілася пазней, сэрца на 10 секунд перастала пампаваць кроў. Пасля аператыўнай рэанімацыі мужчыну даставілі ў бальніцу.
    Праз некаторы час бягун пракаментаваў здарэнне наступным чынам: “Я змясціў на футболцы лозунг, у якім сказана «Езус ратуе!». Гэта вельмі падыходзіць да таго, што адбылося са мной далей. Я шчаслівы, што Бог паказаў сваю веліч і моц там, дзе сабралася столькі людзей”.

---

   Вясёлка
– хрысціянскі сімвал? Раней тая ж пракуратура спыніла справу, не бачачы ў ёй ніякіх прыкмет забароненага дзеяння. У пастанаўленні пракуратура сцвердзіла, што вясёлка з’яўляецца хрысціянскім сімвалам, таму нельга прызнаць, што яе дадаванне да абраза Маці Божай Чанстахоўскай абражае рэлігійныя пачуцці католікаў. Аднак цяпер пракуратура сцвердзіла, што ў гэтай справе неабходна прызначыць эксперта па пытаннях іканаграфіі.