ГРОДНА
Субота,
03 снежня
2022 года
 

Кастрычнік 2019 – Надзвычайны місійны месяц

Хрысціянскія традыцыі

З нагоды стагоддзя апублікавання папам Бенедыктам XV Апостальскага ліста “Maximum illud” – дакумента, які меў на мэце абудзіць у цэлым Касцёле свядомасць місійнага абавязку – Святы Айцец Францішак абвясціў кастрычнік бягучага года Надзвычайным місійным месяцам. Дэвізам былі абраны словы: “Ахрышчаныя і пасланыя: Касцёл Хрыста з місіяй у свеце”.
Місіі – гэта тэма, якая датычыць усіх вернікаў. Кожны з нас павінен абудзіць у сэрцы жаданне абвяшчаць Евангелле і перамяняць сваю супольнасць у місійную і евангелізацыйную рэчаіснасць, памятаючы, што місіі з’яўляюцца “ўмілаваннем Езуса і любоўю да Яго люду”.
Гэтая перамена павінна адбыцца праз…
    • асабістую сустрэчу з Езусам Хрыстом, дзякуючы Эўхарыстыі, чытанню Божага слова, асабістай і супольнаснай малітве,
    • вывучэнне сведчанняў святых місіянераў, якія загінулі мучаніцкай смерцю,
    • паглыбленне біблійнай, катэхетычнай, духоўнай і тэалагічнай фармацыі, што датычыць місій “ad gentes”,
    • рэалізацыю любові ў форме падтрымкі вялікай справы місій “ad gentes” і хрысціянскай фармацыі ў Касцёлах, якія знаходзяцца ў найбольшай патрэбе.
   
    Мы павінны сведчыць пра тое, што Бог добры, найперш уласнымі паводзінамі. З гэтага пачынаецца кожная малая і вялікая місія. Варта памятаць, што быць місіянерам – значыць клапаціцца пра бліжняга і адорваць іншых людзей надзеяй.
   
Малітва на Надзвычайны місійны месяц
    Божа Ойча, Твой Адзінародны Сын, Езус Хрыстус, пасля ўваскрасення даручыў сваім вучням місію: “Ідзіце па ўсім свеце і навучайце ўсе народы”. Ты прыгадваеш нам, што праз хрост сталі далучаны да місіі Касцёла. Праз дары Святога Духа Ты ўдзяліў нам ласкі, каб былі адважнымі і руплівымі сведкамі Евангелля, каб місія, даручаная Касцёлу, усё яшчэ далёкая ад поўнай рэалізацыі, магла знайсці новыя дзейсныя спосабы несці свету жыццё і святло. Учыні, каб мы так дзейнічалі, каб усе народы маглі сустрэцца са збаўчай любоўю і міласэрнасцю Езуса Хрыста, які жыве і валадарыць у адзінстве Святога Духа праз усе вякі вечныя. Амэн.

Актуальны нумар

 

Каляндар 2022

Каляндар
«Слова Жыцця»
на 2022 год

Літургічны каляндар

white
Адзначаем імяніны:
Сёння ўспамінаем памерлых святароў:
Да канца года засталося дзён:  29

Чакаем Вашай падтрымкі

skarbonkaДарагія Чытачы!
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.