З Беларусі ў Афрыку Сустрэча стала магчымай дзякуючы запрашэнню арцыбіскупа Лібервільскага Базыля Мвэ Энгонэ SDB.
    У ходзе візіту рознабакова абмяркоўваліся асаблівасці і патрэбы габонскага Касцёла, а таксама магчымыя шляхі супрацоўніцтва.
    Гісторыя прысутнасці капуцынаў у Габоне налічвае няпоўных 20 гадоў. За гэты час манахі разгарнулі там актыўнае душпастырства. Між іншым, яны клапоцяцца пра хворых і апекуюцца нацыянальным санктуарыем Маці Божай Габонскай. †

---

   Польшча пад крыжом Падчас урачыстасці ўдзельнікаў чакаў падарунак – прайграванне запісу гаміліі св. Яна Паўла II, прамоўленай 7 чэрвеня 1991 года ў тым самым месцы.
    На заканчэнне св. Імшы, якую ўзначаліў біскуп Вроцлаўскі Веслаў Мерынг, адбылося асвячэнне прынесеных вернікамі крыжоў.
    Малітва ў рамках акцыі была арганізавана ў 800 месцах па ўсёй Польшчы, а таксама ў Аўстраліі, Канадзе, Ірландыі, Англіі, ЗША, Бельгіі, Галандыі, Аўстрыі, Казахстане. Пра свой удзел у акцыі заявілі Іерусалім і Меджугор’е.

---

   Жорсткае забойства Пасля нядзельнай Эўхарыстыі наркаман папрасіў місіянерку падвесці яго дадому і ўдзяліць яму там медыцынскую дапамогу. Будучы медсястрой, яна з вялікай адданасцю служыла хворым і патрабуючым. Як вызначылі следчыя, злачынец спачатку забіў яе, а потым згвалціў.
    С. Антонія Піньё належала да супольнасці ўжо 40 гадоў. Канферэнцыя манаскіх інстытутаў Партугаліі падкрэслівае, што яна была “сапраўднай апосталкай на перыферыях сярод самых патрабуючых, а аддаючы сваё жыццё да канца, засталася сведкам Хрыста, які праліў кроў за адкупленне грахоў чалавецтва”.