Папу Францішку
споўнілася 82 гады Па традыцыі віншаванні Пантыфіку скіравала старажытная рымская кандытарская “Hedera”, супрацоўнікі якой перадалі ў Ватыкан спецыяльны торт са смакам манга, упрыгожаны выявай Папы ў атачэнні моладзі. Такое аздабленне стала выразам падзякі Святому Айцу за клопат аб маладым пакаленні і адначасова напамінам пра звязаныя з моладдзю значныя падзеі ў жыцці Касцёла: Сінод Біскупаў, які прайшоў у кастрычніку, і Сусветныя дні моладзі, якія хутка распачнуцца ў Панаме. †

---

Ватыкан у сэрцы Татраў Ужо 6-ты год запар незвычайныя святыні, схаваныя ў цені велічных заснежаных Высокіх Татраў, захапляюць усё большым і большым размахам.
На гэты раз ледзяная базіліка сягае ажно 11-ці метраў у вышыню. Для яе ўзвядзення выкарыстана 1800 блокаў лёду агульнай вагой 225 тон. Каб пабудова магла выстаяць да канца сакавіка, быў сканструяваны спецыяльны купал дыяметрам 25 метраў, дзе падтрымліваецца неабходная тэмпература.
Татранская базіліка выканана вядомым скульптарам Адамам Бакашам з групай 16-ці славацкіх, чэшскіх і іспанскіх разьбяроў.

---

“Дар моладзі” дабраўся
да Злучаных Штатаў Судна выплыла з Польшчы і за гэты час наведала, між іншым, Данію, Эстонію, Нарвегію, Азербайджан, Сінгапур, Кітай, Японію, Сенегал, Паўднёва-Афрыканскую Рэспубліку. Экіпаж складаецца з маладых людзей – студэнтаў Марскога ўніверсітэта і вучняў марскіх школ у Шчэціне і Свінавусці. Мэтай дадзенай акцыі з’яўляецца ўшанаванне сотай гадавіны незалежнасці Польшчы і папулярызацыя краіны ў свеце.
Праз некалькі месяцаў “Рэйс незалежнасці” завершыцца ў родным порце ў Гдыні.