13 285 пар чаравічкаў
   перад Парламентам
   Новай Зеландыі
Гэта наглядна паказвае жахлівы маштаб абортаў. Новая Зеландыя – параўнальна невялікая краіна, якую насяляе каля 4,5 млн жыхароў. “У мінулым годзе ў выніку абортаў у краіне загінула 13 285 ненароджаных дзяцей. Якой бы не была прычына, па якой жанчыны рашаліся на аборт, жыццё ў іх лоне было страчана. Пра гэта ніколі нельга забывацца. Тыя хлопчыкі і дзяўчынкі ўжо не скажуць за сябе”, – патлумачылі арганізатары акцыі. †

---

Абраз Езуса
з тысяч сэлфі
    Знакамітая выява Езуса Міласэрнага з тысяч маленькіх фатаграфій стваралася з мэтай дэманстрыцыі на віленскай Катэдральнай плошчы – месцы чакання прыезду ў краіну папы Францішка. Арганізатары акцыі адзначылі, што ладзілі яе дзеля таго, каб удзельнікі сустрэчы звярнулі ўвагу на пасланне Божай міласэрнасці, якое Святы Айцец пастаянна запрашае выконваць на практыцы праз справы міласэрнасці. Аналагічная акцыя ладзілася на Сусветных днях моладзі ў Кракаве ў 2016 годзе.

---

Крыжыкі ад Пантыфіка
    “Крыж – гэта знак любові Бога, які ў Езусе падарыў нам жыццё. Заклікаю Вас прыняць і занесці гэты дар у свае дамы, у пакоі Вашых дзяцей, бабуль і дзядуль, у іншыя месцы, але каб яны былі бачны дома. Гэта не дэкаратыўны знак, а рэлігійны, каб сузіраць і маліцца. Гледзячы на ўкрыжаванага Езуса, мы глядзім на наша збаўленне”, – сказаў Папа. У празрыстай абгортцы разам з крыжыкамі вернікі атрымалі маленькія карткі, на якіх на 3-ох мовах былі напісаны словы папы Францішка, прамоўленыя падчас Крыжовага шляху на Сусветных днях моладзі ў Рыа-дэ-Жанейра ў 2013 годзе: “У крыжы Хрыста знаходзіцца ўся любоў Бога, Яго бясконцая міласэрнасць”.