Свет убачыла
кулінарная кніга
папы Францішка
У кнізе апісаны этапы жыцця Хорхе Марыа Берголіа з дзяцінства да сённяшніх дзён з пункту гледжання яго адносін да фізічнай і духоўнай ежы. Між іншым, згадваецца аб неўспрыняцці марнатраўства, няроўнасці ў доступе да ежы і сацыяльнай няроўнасці, ліхаманкавым, пустым і небяспечным спажывальніцтве і, у той жа час, аб вядзенні “кухні рэштак”, паважлівай да прыроды і прадуктаў – плёну чалавечай працы і Божага дару.
    Выданне багата ілюстравана і пераплецена анекдотамі (напрыклад, пра катлеты, якімі яго маці дзялілася з беднымі). Кніга змяшчае 40 простых рэцэптаў, натхнёных сустрэчамі, падарожжамі, досведам і ўспамінамі пра дзяцінства Папы. †

---

Апостальскую
адгартацыю
прэзентавалі
ў Ватыкане
    “Gaudete et Exsultate” стала 3-яй Апостальскай адгартацыяй папы Францішка. У 2013 годзе выйшла “Evangelii gaudium” (“Радасць Евангелля”), прысвечаная абвяшчэнню Евангелля ў сучасным свеце, а ў 2016 годзе – “Amoris laetitia” (“Радасць любові”) аб любові ў сям’і.

---

Музеі запрашаюць
на світанні!
    Музеі Ватыкана прапануюць унікальнае ранішняе наведванне разам з ключнікам (а 6-й гадзіне раніцы). Пасля яго ўдзельнікі запрашаюцца на сняданак у бары ў адным з двароў музея.
    Самы вялікі козыр гэтай новай, уражлівай прапановы – выключная магчымасць увайсці ў музей у невялікай групе наведвальнікаў, у цішыні і без натоўпу, які ёсць там кожны дзень. Можна пры гэтым прыняць удзел у цырымоніі адкрыцця наступных пакояў з папскімі калекцыямі і Сікстынскай капэлы, а таксама ў запальванні святла ў калідорах і пакоях.