ГРОДНА
Панядзелак,
30 студзеня
2023 года
 

Слова для Жыцця (156)

Слова для Жыцця

Папа Францішак
    Езус пакінуў у дар Касцёлу сваю моц аздараўлення: “Тым, хто паверыць, будуць спадарожнічаць такія знакі: […] На хворых будуць ускладаць рукі, і яны выздаравеюць” (Мк 16, 17–18). У Дзеях Апосталаў чытаем апісанне аздараўленняў, здзейсненых Пятром (параўн.: 3, 4–8) і Паўлам (параўн.: 14, 8–11). Адказ на дар Езуса – заданне Касцёла, які ведае, што павінен ахінаць хворых такім жа, як яго Пан, позіркам, поўным пяшчоты і спачування. Душпастырства службы аховы здароўя ёсць і назаўсёды застанецца неабходнай і важнай задачай, якую трэба рэалізаваць з пастаянна новым запалам, пачынаючы з парафіяльных супольнасцей ажно да найлепшых цэнтраў аховы здароўя. Не можам не ўзгадаць пра чуласць і настойлівасць, з якімі многія сем’і апекуюцца сваімі дзецьмі, бацькамі і сваякамі, хранічна хворымі ці з сур’ёзнай інваліднасцю. Апека, аказваемая ў сям’і, з’яўляецца незвычайным сведчаннем любові да чалавечай асобы і павінна акружацца адпаведным прызнаннем і падтрымлівацца адпаведнай палітыкай. Таму ўрачы і медсёстры, святары, кансэкраваныя асобы і валанцёры, члены сем’яў і ўсе, хто займаецца апекай над хворымі, удзельнічаюць у гэтай місіі Касцёла. Маем справу з супольнай адказнасцю, якая ўздымае вартасць штодзённай паслугі кожнага.
Фрагмент паслання Святога Айца на XXVI Сусветны дзень хворых  


biskup   Кс. бп Аляксандр Кашкевіч

      Касцёл рэалізуе заданне, якое Хрыстос даручыў Апосталам: “Ідзіце […] і навучайце ўсе народы. […] І вось Я з вамі ва ўсе дні аж да сканчэння веку” (Мц 28, 19–20). У гэтай дзівоснай таямніцы прысутнічае і дзейнічае сам Езус Хрыстус. І, згодна з Яго абяцаннем, так будзе ажно да сканчэння вякоў.
    Хрыстовы Касцёл можна параўнаць з вялікай сям’- ёй, у якой кожны мае сваё месца і здзяйсняе даручанае яму заданне. У добрых сем’ях усе разумеюць і дапамагаюць адзін аднаму, падтрымліваюць, любяць, спачуваюць. Тады сям’я моцная, духоўна здаровая, з’яднаная сапраўднай любоўю. Падобным чынам адбываецца і ў Касцёле. Калі святары, кансэкраваныя асобы і свецкія вернікі не толькі верна рэалізуюць кожны сваё пакліканне, але і ўзаемна дапамагаюць адзін аднаму, падтрымліваюць малітвай, аказваюць зычлівасць, тады Касцёл Божы ўмацоўваецца і становіцца ўсё больш верагодным сведкам Хрыстовага Евангелля.
   
Фрагмент гаміліі да членаў малітоўнага руху “Маргарытка” Гродзенскай дыяцэзіі, 20.01.2018  

Актуальны нумар

 

Каляндар 2022

Каляндар
«Слова Жыцця»
на 2022 год

Літургічны каляндар

 
green
Адзначаем імяніны:
Да канца года засталося дзён:  336

Чакаем Вашай падтрымкі

skarbonkaДарагія Чытачы!
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.