ГРОДНА
Чацвер,
22 лютага
2024 года
 

Слова для Жыцця (154)

Слова для Жыцця


biskup   Кс. бп Аляксандр Кашкевіч

      Для ўсіх нас, кім бы ні былі, ззяе Бэтлеемская зорка. Давайце прымем Бога ў свае дамы і сэрцы. Няхай Ён раз’- ясняе ўсе змрокі нашага жыцця і кіруе намі. Давайце па прыкладзе пастушкоў расказваць іншым пра тую радасць, якую перажываем, да якой дакрануліся гэтай ноччу. Нельга пакідаць яе толькі для сябе...
    Заўважце, што з моманту нараджэння Пана Езуса наша жыццё набыло сэнс. Людзі не жывуць проста для таго, каб жыць, каб забіць час. Трэба ўсведамляць, што Бог падумаў пра кожнага з нас, бо Яго Слова прыйшло ў свет, каб усе мы былі братамі і сёстрамі Пана Езуса і жылі так, як Ён: на славу Божую і на карысць людзям.
    Трэба памятаць, што жыццё чалавека не бессэнсоўнае. Яно нібы старонка 5-га Евангелля. Іх 4, але яшчэ адно – вялікае, 5-ае – пішуць людзі: кожны з нас з’яўляецца адной са старонак гэтага Евангелля. Часам такая старонка можа быць пустой, можа быць бруднай, парванай, затаптанай... А можа быць і прыгожай, падобнай на сярэднявечныя рукапісы, поўныя цудоўных колераў і гармоніі, якой чалавек захапляецца.

Фрагмент гаміліі, прамоўленай падчас св. Імшы Пастэркі ў касцёле Святой Сям’і ў Лідзе, 24.12.2017

KKBBКанферэнцыя Каталіцкіх Біскупаў у Беларусі
    Свята Святой Сям’і – Езуса, Марыі і Юзафа – з’яўляецца нагодай, каб падзякаваць Богу за ўсіх, хто абвяшчае Евангелле жыцця. Трэба належным чынам ацаніць усякія дзеянні рухаў і асоб добрай волі, якія прагнуць прычыніцца да абароны зачатага дзіцяці.
    Сярод шматлікіх ініцыятыў у справе святасці жыцця можам вылучыць “Духоўнае ўсынаўленне”, вельмі распаўсюджанае ў нашым Касцёле. Тут маем на ўвазе ўсіх тых, хто праз штодзённую малітву на працягу 9-ці месяцаў ахвяруе свой час у інтэнцыі жыцця дзіцяці, якое знаходзіцца пад пагрозай пад сэрцам маці. […] Верым, што клопат “Духоўнага ўсынаўлення” дадае адвагі і надзеі маці, што чакаюць патомства, асабліва тым, якія па розных прычынах вагаюцца, ці дазволіць іх дзіцяці прыйсці ў свет.
    Заахвочваем да адважнага сведчання сваёй чалавечай істоты праз падтрымку жыцця. Няхай новы год прынясе Вам новыя сілы і энтузіязм у прыняцці адказнасці за цывілізацыю жыцця, абараняючы яго ад першых хвілін ажно да натуральнай смерці. Вера ў нараджэнне Езуса Хрыста няхай учыніць Вас здольнымі браць на сябе важнае служэнне на карысць годнасці чалавечай асобы.

Фрагмент паслання на нядзелю Святой Сям’і 2017

Актуальны нумар

 

Каляндар 2022

Каляндар
«Слова Жыцця»
на 2022 год

Літургічны каляндар

 
white
Адзначаем імяніны:
Да канца года засталося дзён:  314

Чакаем Вашай падтрымкі

skarbonkaДарагія Чытачы!
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.