ГРОДНА
Панядзелак,
15 ліпеня
2024 года
 

ІV Нядзеля Адвэнту

Разважанні з Божым Словам

З Eвангелля св. Лукі
Бог паслаў анёла Габрыэля ў горад галілейскі, які называўся Назарэт, да Дзевы, заручанай з мужам па імені Юзаф, з дому Давіда, а імя Дзевы – Марыя. Анёл, увайшоўшы да Яе, сказаў: “Вітай, поўная ласкі, Пан з Табою”. Яна ж збянтэжылася ад слоў ягоных і разважала, што гэта за прывітанне. І сказаў Ёй анёл: “Не бойся, Марыя, бо знайшла Ты ласку ў Пана. І вось зачнеш ва ўлонні сваім і народзіш Сына, і дасі Яму імя Езус. Ён будзе вялікі і будзе названы Сынам Найвышэйшага, і дасць Яму Пан Бог трон Давіда, бацькі Ягонага. І валадарыць будзе над домам Якуба вечна, і валадарству Яго не будзе канца”. А Марыя сказала анёлу: “Як станецца гэта, калі я мужа не ведаю?”. Анёл сказаў Ёй у адказ: “Дух Святы сыдзе на Цябе, і моц Найвышэйшага ахіне Цябе. Таму і народжанае Святое будзе названа Сынам Божым. Вось і Альжбета, сваячка твая, і яна зачала сына ў старасці сваёй, і ёсць ужо на шостым месяцы тая, якую называлі бясплоднай; бо для Бога няма нічога немагчымага”. Тады Марыя сказала: “Вось я, слуга Пана. Няхай мне станецца паводле твайго слова”. І адышоў ад Яе анёл.
Лк 1, 26–38

Няхай Езус жыве ў нас!
    Сённяшняе Евангелле вучыць адпаведна перажываць таямніцу Божага Нараджэння. Яно паказвае Найсвяцейшую Маці і Яе веру. Марыя без рэшты даручыла сябе Стварыцелю, адкрыўшы сваё сэрца на ўздзеянне Святога Духа. Кожны, хто так, як Яна, бязмежна давярае любові Айца, прымае Збаўцу і жыве Яго Боскім жыццём. Менавіта тады Святы Дух надае форму думкам, словам і ўчынкам чалавека, робячы яго падобным да Езуса.
    У час адзначэння нараджэння Хрыста нельга забывацца аб тым, што самае важнае – Сын Божы прыходзіць у свет, каб узвысіць чалавека. Таму калі Пан пастукаецца ў сэрца, адкрыйма яго з верай, як гэта зрабіла Марыя. Няхай праз уздзеянне Святога Духа Езус знойдзе ў ім месца і заўсёды жыве ў нас!

 

Ці здольны я поўнасцю даверыць сябе Богу?
    Ці гатова маё сэрца, каб запрасіць да сябе Езуса?

Актуальны нумар

 

Каляндар 2022

Каляндар
«Слова Жыцця»
на 2022 год

Чакаем Вашай падтрымкі

skarbonkaДарагія Чытачы!
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.