ГРОДНА
Субота,
29 студзеня
2022 года
 

Чаму трэба рыхтавацца да свят Божага Нараджэння?

Дзіцячы куточак

ciekawcyРаспачынаецца Адвэнт – перыяд, які папярэднічае святам Божага Нараджэння. Гэта час поўнага глыбокай пашаны і радаснага чакання прыйсця Хрыста на зямлю. Падчас яго мы павінны ўзрастаць у тузе і жаданні сустрэць Езуса. Варта старанна рыхтаваць сэрцы на Яго прыняцце, сумленна выконваць свае абавязкі. У той жа час, адорваць увагай кожнага чалавека, каб не мінуць Бога, як гэта зрабіла жанчына з апавядання Бруна Фэрэра.
Жыла сабе адна шаноўная жанчына, якая шмат часу праводзіла на малітве. Аднойчы яна пачула голас Бога, які прамовіў: “Сёння Я наведаю цябе”. Жанчына з радасцю ўзялася прыбіраць, чысціць хату, мясіць і пячы пірагі. Затым апранулася ў самую прыгожую сукенку і стала чакаць прыходу Пана. У нейкі момант нехта пастукаў. Старая пабегла, каб адчыніць дзверы. Але гэта была толькі суседка, якая мела хворае дзіця. Яна прасіла тэрмометр. Гаспадыня адштурхнула тую ад дзвярэй, гаворачы: “Ідзі да іншага суседа, таму што цяпер у мяне няма часу на такое глупства. З нецярпеннем чакаю ў госці добрага Бога”. Праз некаторы час нехта зноў пастукаў. Жанчына паглядзела ў люстэрка, паправіла валасы і пабегла адчыняць. Але хто гэта быў? Хлопчык, які прадаваў некаторыя танныя рэчы. Жанчына выпаліла: “Чакаю Бога! У мяне няма часу. Прыходзь пазней”.
    Незадоўга пастукалі ізноў. Гэта была жанчына, якая прасіла аб падтрымцы для сваіх дзяцей, таму што яе муж страціў працу. Старая злосна адказала: “О, не! Пакіньце ўсе сёння мяне ў спакоі! Я чакаю важнага Госця”.
    Дзень паволі падыходзіў да завяршэння, а Бог так і не аб’яўляўся. Неўзабаве жанчына, расчараваная, пайшла спаць. У сне да яе з’явіўся Бог і сказаў: “Сёння Я прыходзіў да цябе аж тры разы! І тры разы ты не прыняла Мяне…”.
    Няхай Марыя – Маці Збаўцы, разам з якой рыхтуемся да свят Божага Нараджэння – будзе для нас узорам руплівага чакання, а таксама дапаможа адкрыць сэрцы на кожнага чалавека.
   
Заданне:
    падрыхтуй ліхтарык і прымі ўдзел у раратняй св.Імшы.

   
    Чакаем Тваіх “чаму”, якія можаш дасылаць на адрас рэдакцыі.
    На пытанні заўсёды гатовыя адказаць салезіянкі са Смаргоні.
   

Актуальны нумар

 

Каляндар 2022

Каляндар
«Слова Жыцця»
на 2022 год

Літургічны каляндар

 
white
Адзначаем імяніны:
Да канца года засталося дзён:  337

Чакаем Вашай падтрымкі

skarbonkaДарагія Чытачы!
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.