Ці стануць 1 і 2 лістапада
выхаднымі ў Беларусі?
Аўтары петыцыі адзначаюць, што ў пачатку 1990-х у Беларусі Задушкі былі выхадным днём, што давала грамадзянам магчымасць выканаць хрысціянскі абавязак і ўшанаваць памяць продкаў, наведваючы могілкі.
    Калектыўны зварот будзе накіраваны ў Савет Міністраў і Адміністрацыю Прэзідэнта 7 снежня. Мітрапаліт Мінска-Магілёўскі арцыбіскуп Тадэвуш Кандрусевіч станоўча выказаўся адносна гэтай прапановы. †

---

Ватыканскія
спартсмены падтрымалі
місіянераў у Індыі
    “Марафонцы Папы”, як назвалі ватыканскіх спартсменаў, кажуць, што іх духоўным трэнерам з’яўляецца Святы Айцец Францішак.
    У забегу ў падтрымку місіянераў прынялі ўдзел швейцарскія гвардзейцы, жандармы, супрацоўнікі ўстаноў Рымскай курыі, Ватыканскай пошты, аптэкі, музеяў, радыё і газеты “L’Osservatore Romano”.

---

Папскі ўніверсітэт
прадставіць кнігу
пра Касцёл у СССР
    Іерарх, чыя вучоба, а затым пастырскае служэнне праходзілі ў Расіі і Беларусі, узгадвае канкрэтныя гісторыі з камуністычных часоў і перыяду адраджэння. “Сёння каталіцкі Касцёл у Расіі і іншых краінах, якія ўзніклі пасля распаду СССР, мае пастаянныя структуры і дынамічна развіваецца”, – напісаў арцыбіскуп Кандрусевіч. Па яго словах, нягледзячы на ўсе цяжкасці, лакальны Касцёл актыўны ў душпастырстве, а таксама ў сацыяльнай і культурнай сферах. “Калі б у часы пераследу не было герояў веры, не адбылося б настолькі хуткае адраджэнне супольнасці верных”, – выказвае меркаванне Мітрапаліт.