ГРОДНА
Аўторак,
31 студзеня
2023 года
 

Чаму слова “мама” з’яўляецца галоўным і самым дарагім?

Дзіцячы куточак

maryСклад “ма” – самы просты з таго, што можа вымавіць немаўля. І слова “мама” з’явілася, як мяркуюць, з паўтарэння дадзенага склада. Магчыма, гэта было першым словам усяго чалавецтва. Ад яго і да таго падобных “дзіцячых” слоў пачалася ў глыбокай старажытнасці наша мова.
    Мама – галоўны чалавек у жыцці нованароджанага. Яна праводзіць з немаўлём шмат часу, клапоціцца пра яго, выхоўвае. З маленства жанчына апекуецца сваім дзіцём як анёл. Аб гэтым нам распавядае наступная гісторыя…
    За дзень да свайго нараджэння дзіця спытала ў Бога:
    – Кажуць, заўтра мяне адправяць на зямлю. Як жа я, такі малы і безабаронны, буду там жыць?
    Бог адказаў:
    – Я падару анёла, які паклапоціцца пра цябе.
    Дзіця задумалася. Пасля заўважыла:
    – Тут, на нябёсах, я толькі смяюся і спяваю. Гэтага мне дастаткова для шчасця…
Бог перапыніў:
    – Твой анёл будзе спяваць і ўсміхацца для цябе. Адчуеш яго любоў і будзеш шчаслівы.
    – О! Але як зразумею яго? Я ж не ведаю яго мовы? – спытала дзіця, пільна гледзячы на Бога. – А што мне рабіць, калі я захачу звярнуцца да Цябе?
    Бог пяшчотна дакрануўся да галавы дзіцяці і сказаў:
    – Анёл складзе твае рукі разам і навучыць маліцца.
    Затым дзіця спытала:
    – Я чуў, што на зямлі ёсць зло. Хто абароніць мяне?
    – Твой анёл абароніць цябе, нават рызыкуючы ўласным жыццём.
    – Мне сумна, бо я не змагу больш бачыць Цябе...
    – Анёл раскажа табе пра Мяне ўсё і пакажа шлях, як можна сюды вярнуцца. Таму Я заўсёды буду побач.
    У гэты момант з зямлі сталі даносіцца галасы, і дзіця паспешна спытала:
    – Божа, скажы мне, як завуць майго анёла?
    – Яго імя не мае значэння. Ты будзеш называць яго проста – мама.
    Для кожнага мама з’яўляецца анёлам на зямлі, якога вызначае Бог, каб мы не былі самотнымі.
   
Заданне:
    не забудзь павіншаваць матулю з Днём маці, зрабі ёй штосьці прыемнае і асабліва памаліся за яе да Нябеснай Маці.

   
    Чакаем Тваіх “чаму”, якія можаш дасылаць на адрас рэдакцыі.
    На пытанні заўсёды гатовыя адказаць салезіянкі са Смаргоні.
   

Актуальны нумар

 

Каляндар 2022

Каляндар
«Слова Жыцця»
на 2022 год

Літургічны каляндар

 
white
Адзначаем імяніны:
Да канца года засталося дзён:  335

Чакаем Вашай падтрымкі

skarbonkaДарагія Чытачы!
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.