У Панаме прэзентавалі
гімн Сусветных дзён
моладзі 2019
Аўтар тэксту і музыкі гімна “Няхай мне станецца паводле Твайго слова” – панамец Абдыэль Хімэнэс. Твор быў выбраны сярод 56-ці варыянтаў, дасланых у межах аб’яўленага конкурсу.
    “Мы шукалі той, які як мага лепш адлюструе, чым з’яўляецца Касцёл, а таксама нагадае заклік папы Францішка на бліжэйшыя СДМ”, – адзначыў генеральны сакратар арганізацыйнага камітэта СДМ у Панаме Біктар Чанг Гансалес. †

---

Фільм з удзелам
Пантыфіка прадстаўлены
на прэмію “Оскар”
    Дакументальная 45-хвілінная стужка знята на падставе размоў са Святым Айцом, якія правяла аўтар з Італіі Тыцыяна Лупі і аргенцінскі акцёр Алехандра Мармі. У фільме ідзе гаворка пра 11 знакамітых твораў розных гістарычных перыядаў з Ватыканскіх музеяў, на фоне якіх папа Францішак паказвае сваё бачанне і разуменне мастацтва. Святы Айцец разглядае яго з аднаго боку як прыладу евангелізацыі, а з другога – як спосаб супраціўлення культуры непрымання.

---

Турынская плашчаніца
вывучана на атамным узроўні
    “Мы засяродзіліся асаблівым чынам на частках матэрыялу, што аддалены ад плям бачных пад аптычным мікраскопам, – патлумачыў адзін з вучоных Элвіа Карліна. – Шукалі наначасціцы арганічнай прыроды. Знойдзеныя на палатне элементы ўказваюць на біялагічнае паходжанне і з’яўляюцца ў заўважаных прапорцыях у крыві асоб падчас цяжкай траўмы, пасля катаванняў”.