Святы Айцец адзначыў
4-ю гадавіну абрання
на Пасад св. Пятра
Папа Францішак лічыцца адным з самых папулярных Пантыфікаў за апошнія дзесяцігоддзі. Яго назвалі Чалавекам года па версіі амерыканскага часопіса “Time” (2013 год), неаднаразова намінавалі на Нобелеўскую прэмію міру.
    Мільёны падпісчыкаў чытаюць яго старонку ў сацыяльнай сетцы Twitter. У сваім навучанні Папа ўздымае тэмы міру і вайны, за- кранае сацыяльныя праблемы. Усебаковы падыход да вострых пытанняў чалавецтва ён здолеў прадставіць у энцыкліцы “Laudato si´”. †

---

Нацыянальны дзень
чытання Святога Пісання
адбудзецца ў Польшчы
    Сярод задач Нацыянальнага дня чытання Святога Пісання – прадставіць вернікам Біблію як культурны код хрысціянскай Польшчы і Еўропы, дапамагчы ў адкрыцці плюсаў супольнага чытання Пісання, накіраваць малітву і медытацыю на выбраную кнігу. Акрамя таго, паказаць людзям асоб, вядомых сваім служэннем супольнаму дабру, прафесійнымі ці спартыўнымі дасягненнямі, якія ў сваім жыцці натхняюцца Божым словам.
    Падзея мае агульнапольскі характар і будзе праходзіць 30 красавіка.

---

Харваты будуюць
найбольшую статую
Марыі ў свеце
    Статую Марыі ўзводзяць у г. Прымошцен. Яго жыхары вызначаюцца асаблівай набожнасцю да Ларэтанскай Маці Божай. Штогод у яе гонар 9–10 мая тут праходзяць урачыстасці.
    Як адзначаюць праектанты, у ясны дзень статую Марыі можна будзе ўбачыць нават з супрацьлеглага ўзбярэжжа Італіі. Дакладная дата завяршэння будаўніцтва яшчэ невядома, але ў адміністрацыі горада адзначаюць, што праект знаходзіцца на фінальнай стадыі.