ГРОДНА
Пятніца,
12 красавіка
2024 года
 

Слова для Жыцця (110)

Слова для Жыцця

papa-francesco7Папа Францішак
    “Навярніцеся да Мяне, – кажа Пан, – усім сваім сэрцам”, гэта значыць, не нейкім знешнім актам, а ўсім сваім нутром. Езус, канешне, заклікае нас, каб малітву, міласэрнасць і пакаянне мы перажывалі згодна з праўдай і па-сапраўднаму, пераадольваючы крывадушнасць.
    Вялікі пост – гэта час дабрачыннага “ўтаймавання” ў нас фальшу, свецкасці і абыякавасці, каб мы не думалі, што ўсё ў парадку, калі толькі я сам адчуваю сябе добра; каб зразумелі, што тое, што сапраўды мае значэнне – гэта не паўсюднае прызнанне, імкненне да поспеху і выгады. Вялікі пост патрэбен для таго, каб знайсці хрысціянскую тоеснасць, г.зн. любоў, якая служыць, а не эгаізм, які карыстаецца іншымі. Давайце разам пойдзем гэтай дарогай як Касцёл, прымаючы попел і ўзіраючыся ў воблік Укрыжаванага. Ён з любові заклікае нас паяднацца з Богам і вярнуцца да Яго, каб знай-сці саміх сябе.
        
Фрагмент гаміліі, прамоўленай падчас св. Імшы на распачацце Вялікага посту  
 


Кс. абп Тадэвуш КандрусевічКс. абп Тадэвуш Кандрусевіч

   Цi так моцна мы любiм Бога, каб адпаведна выкарыстаць ласку Вялiкага посту і напрыканцы яго сказаць, што мы перамаглi грэх i адмовiлiся ад грахоўных схільнасцей, каб быць блiжэй да Хрыста? Цi дастаткова мы любiм Бога, каб, адзначаючы Пасху, сказаць, што мы таксама адзначаем новае жыццё ў Езусе, бо перамаглi грэх? Цi любiм мы Езуса больш за ўсё? Вялiкi пост – гэта час, каб накiравацца блiжэй да Бога.
    Калi мы захварэем, то iдзём да ўрача, якi нас абследуе i выпiсвае лекi. Мы iх прымаем з надзеяй, што яны дапамогуць. Ад пачатку свайго iснавання Касцёл рэкамендуе тры наступныя лекi на Вялiкi пост з мэтай вылечыць нас ад духоўнай хваробы, прывесцi блiжэй да Езуса i перамагчы грэх. Гэтымі лекамі з’яўляюцца тры справы, аб якіх нам нагадвае Евангелле Папяльцовай серады: малiтва, пост i мiласцiна. Езус вучыць аб значэннi гэтых велiкапосных практык. Гэтыя лекi дапамагаюць лячыць душу. Яны пацверджаны шматвекавым досведам Касцёла, дапамагаюць у барацьбе са злым духам, спакусамi i вядуць блiжэй да Езуса.

Фрагмент гамiлiі, прамоўленай у І Нядзелю Вялiкага посту

Актуальны нумар

 

Каляндар 2022

Каляндар
«Слова Жыцця»
на 2022 год

Літургічны каляндар

 
violet
Адзначаем імяніны:
Да канца года засталося дзён:  263

Чакаем Вашай падтрымкі

skarbonkaДарагія Чытачы!
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.