Папа Францішак
    Пасланне да Габрэяў прадстаўляе Хрыста як найвышэйшага святара, які раздзяляе наш чалавечы стан ва ўсім, акрамя граху: “Бо мы маем не такога першасвятара, які не мог бы спачуваць слабасцям нашым, але такога, які, паводле падабенства, зведаў усе выпрабаванні, акрамя грэху” (4, 15). Езус справуе святарства міласэрнасці і спачування. Ён мае непасрэдны досвед нашых цяжкасцей, Ён ведае знутры наш чалавечы стан; тое, што Ён бязгрэшны, не з’яўляецца для Яго перашкодай для таго, каб разумець грэшнікаў. Яго хвала – гэта не хвала амбіцый і жадання панаваць, гэта хвала любові да лю-дзей, прыняцця і раздзялення іх слабасцей, адорвання іх ласкай аздараўлення, спадарожнічання ім з бязмежнай пяшчотай падчас іх стамляючай пілігрымкі.

Фрагмент гаміліі, прамоўленай падчас кананізацыйнай св. Імшы, 18.10.2015
        
“Анёл Панскі” са Святым Айцом, 04.10.2015  †

---

Кс. абп Тадэвуш Кандрусевіч
   Евангелле паказвае, якім суровым Езус можа быць з ганарлiвымi i адначасова мiласэрным з тымi, хто шкадуе за свае грахi i чынiць добрыя ўчынкi. Яно прадстаўляе вельмi прыгожую парабалу аб прабачэннi, аб чым чалавек у наш час забываецца. Езус прабачае грэшнай жанчыне, якая шкадуе за свае грахi, але адначасова дае надзею ганарлiвым, бо i яны могуць навярнуцца i стаць на шлях жыцця ў Божай ласцы. Гэтым самым Езус нагадвае аб першынстве любовi. Божая любоў нас збавiла, i мы, святары i кансэкраваныя асобы, павiнны яе абвяшчаць людзям, ставiць яе ў цэнтры нашага жыцця.

Фрагмент гаміліі, прамоўленай падчас св. Iмшы ў межах пастарскай сустрэчы

---

Кс. бп Аляксандр Яшэўскі SDB
   Калі мы з вамі жадаем бараніць Бога, бараніць Езуса і нашы хрысціянскія каштоўнасці, у першую чаргу мы павінны іх пазнаць. Патрэбна пазнаць Таго, хто ўцелавіўся і прыняў муку і смерць на крыжы дзеля нашага збаўлення, Таго, хто ўваскрос, каб мы мелі радасць у жыцці вечным. Мы з вамі ўсе маем одно прыгожае супольнае імя. І гэтае імя – хрысціяне. Корань гэтага імя ад слова Хрыстос. Таму, калі я называю сябе хрысціянінам, я павінен быць вельмі моцна злучаны з Хрыстом.

Фрагмент гаміліі, прамоўленай на заканчэнне Юбілейнага года св. Тэрэзы ад Езуса