ГРОДНА
Субота,
25 мая
2024 года
 

Быць адважнымі для Хрыста

З жыцця Касцёла

Сэлфі алюмнаў з арцыбіскупам Хорхе20–21 мая Гродзенскую вышэйшую духоўную семінарыю наведаў Яго Эксцэленцыя ксёндз арцыбіскуп Хорхе Карлас Патрон Вонг, сакратар Кангрэгацыі па справах духавенства ў Ватыкане.
Быць адважнымі для Хрыста, каб спаўняць Яго волю – вось да чаго мы ўсе пакліканы”, – падкрэсліў арцыбіскуп падчас святой Імшы ў семінарыйнай капліцы. “Еднасць нашага паклікання і служэнне Богу і людзям павінна быць галоўнай мэтай нашай фармацыі”, – дадаў ён.
    Падчас свайго візіту ксёндз арцыбіскуп прыняў удзел у маёвым набажэнстве ў семінарыйнай капліцы, у святой Імшы, а таксама двойчы сустрэўся з выхаваўцамі і клерыкамі ў канферэнц-зале. Пытанні, якія падымаліся падчас сустрэч, былі вельмі розныя, але датычыліся аднаго – фармацыі клерыкаў у гродзенскай семінарыі.

Здымак і запіс у Твітары арцыбіскупаНавучэнцы Гродзенскай ВДС вельмі цёпла сустрэлі пасланніка Ватыкана і нават падрыхтавалі яму песню на іспанскай мове. Таксама падчас развітання з арцыбіскупам на падворку семінарыі не сціхала гітара і спеў.
    Арцыбіскуп Хорхе аказаўся вельмі “сучасным” чалавекам: ён самастойна вядзе акаўнты ў Інстаграме, Фэйсбуку і Твітары, а таксама робіць сэлфі (фотаздымкі ад першай асобы) з семінарыстамі са ўсяго свету. Так, за месяц май ксёндз арцыбіскуп наведаў чатыры кантыненты.
    “Хачу, каб вы памяталі, што вы не адзінокія, па ўсім свеце я сустракаюся з клерыкамі розных семінарый – у Афрыцы, Аўстраліі, ЗША, Еўропе, Лацінскай Амерыцы. Вас усіх яднае супольная місія – радаснае служэнне Хрысту і абвяшчэнне Яго Евангелля”, – сказаў арцыбіскуп падчас агульнай сустрэчы з клерыкамі.
    Пасля ад’езду Яго Эксцэленцыі ў хуткім часе з’явіўся запіс у Твітары, дзе ксёнз арцыбіскуп шчыра дзякаваў за адкрытасць, добры і радасны настрой, які стварылі яму клерыкі нашай семінарыі.
   
   
Юбілейныя ўрачыстасці з нагоды 25-годдзя семінарыі ў Гродне
    17 чэрвеня адбудуцца юбілейныя ўрачыстасці з нагоды 25-годдзя з часу заснавання Вышэйшай духоўнай семінарыі ў Гродне.
   
    Праграма:
 9.30 – прывітанне гасцей і ўступнае слова (рэктар ВДС кс. Раман Рачко);
    •кароткая справаздача з дзейнасці семінарыі на працягу 25 гадоў (прэфект кс. Віталій Сідорка);
    •спеў хору;
    •прамова біскупа Гродзенскага Аляксандра Кашкевіча;
    •прамовы сяброў і дабрачынцаў ВДС у Гродне;
 12.00 – святая Імша ў касцёле Узвышэння Святога Крыжа (пабернардынскі);
 13.45 – абед;
 15.00 – асвячэнне і адкрыццё памятнай дошкі (зала св. Яна Паўла II);
    •уручэнне памятных кніг і дыпломаў дабрачынцам ВДС;
    •канцэрт музычнага гурта “AVE” і святочная кава;
    •заканчэнне.
   
    Да ўдзелу ва ўрачыстасцях запрошаны святары-выпускнікі ВДС у Гродне.

   
   

Актуальны нумар

 

Каляндар 2022

Каляндар
«Слова Жыцця»
на 2022 год

Літургічны каляндар

 
white
Адзначаем імяніны:
Да канца года засталося дзён:  221

Чакаем Вашай падтрымкі

skarbonkaДарагія Чытачы!
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.