ГРОДНА
Аўторак,
18 лютага 2025 года |
Супрацоўнікі службы аховы здароўя сустрэліся ў Гродне

Св. Імшу ў інтэнцыі супрацоўнікаў службы аховы здароўя ўзначаліў кс. Мікалай Ціхановіч, адказны за душпастарства медыкаў у Гродне. У сваёй гаміліі кс. Мікалай асаблівым чынам засяродзіў увагу на хрысціянскім маральна-этычным вучэннi аб адкрытасці на чалавечае жыццё і яго ахову ад самага зачацця. Душпастар адзначыў, што згодна з афіцыйнай статыстыкай, у Беларусі кожны дзень выконваецца каля 100 абортаў. У Гродне лічба жанчын, якім штучна перапыняюць цяжарнасць, па-ранейшаму застаецца высокай. †
“Але медыцынская этыка патрабуе ад кожнага медыцынскага працаўніка павагі да чалавечага жыцця ад моманту яго зачацця да натуральнай смерці, – гаварыў кс. Мікалай. – Ні фармацэўт, ні гінеколаг, ні медсястра не могуць быць робатамі, якія выконваюць амаральныя загады. Сумленне нельга раздзяліць на дзве часткі: сумленне, звязанае з працай, і сумленне, звязанае з асабістым жыццём чалавека, таму трэба ва ўсіх сітуацыях дзейнічаць маральна. Мы не можам зачыніць ці спаліць абартарыі, аднак мы можам “замарыць іх голадам”, пазбавіць іх кліентаў. Для гэтага патрэбна сацыяльная рэклама, а таксама сумесныя намаганні з боку людзей, якія актыўна выступаюць супраць абортаў, з боку дзяржавы і грамадства ў цэлым”.
Душпастар таксама прыгадаў, што кастрычнік – месяц, прысвечаны абароне жыцця. Ён заклікаў медыкаў не быць абыякавымі да праблемы чалавечага жыцця і далучацца да ініцыятыў у яго барону.
У сваю чаргу супрацоўнікі службы аховы здароўя падзякавалі кс. Мікалаю за мудрыя словы, малітву і маральную падтрымку, якую яны адчуваюць штодня.
Душпастар таксама прыгадаў, што кастрычнік – месяц, прысвечаны абароне жыцця. Ён заклікаў медыкаў не быць абыякавымі да праблемы чалавечага жыцця і далучацца да ініцыятыў у яго барону.
У сваю чаргу супрацоўнікі службы аховы здароўя падзякавалі кс. Мікалаю за мудрыя словы, малітву і маральную падтрымку, якую яны адчуваюць штодня.
< Папярэдняя | Наступная > |
---|
Літургічны каляндар
![]() | |
Адзначаем
імяніны: | |
Да канца года засталося дзён: 317 |
Чакаем Вашай падтрымкі

Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.