Папа Францішак
    Па сутнасці, перад Богам мы ўсе грэшнікі, якім неабходна прабачэнне. Езус сказаў нам не асуджаць. Братэрскі напамін – гэта пытанне любові і адзінства, якія павінны панаваць у хрысціянскай супольнасці, гэта ўзаемная паслуга, якую мы можам і павінны аказваць адзін аднаму. Гэта магчыма і вынікова толькі тады, калі кожны прызнае сябе грэшнікам, асобай, якой неабходна прабачэнне Пана. Тая самая свядомасць, якая прыводзіць да таго, што я распазнаю памылку іншага, яшчэ больш прыгадвае мне, што я сам заблукаў і шмат разоў блукаю.
        
“Анёл Панскі” са Святым Айцом, 07.09.2014 †

---

Кс. абп Тадэвуш Кандрусевіч
   З аднаго боку, моладзь хоча быць сучаснай, і гэта зразумела, але з іншага, яна падвержана негатыўным уплывам сучаснасці і стаіць, як быццам, на скрыжаванні дарог, не ведаючы, у якім напрамку ісці. Касцёл павінен ёй дапамагчы, і ён гэта робіць. Касцёл добра разумее, што павінен быць разам з моладдзю. Калі гэтага не будзе, то мы будзем падобныя да людзей, якія знаходзяцца на платформе чыгуначнага вакзала, але не ў цягніку: цягнік адыдзе, а мы застанемся на платформе. Але ў ім людзі, за якіх мы нясём адказнасць. Гэта заданне ўсяго Касцёла – святароў, кансэкраваных асоб і самой моладзі. Нельга паўтараць словы Каіна, які казаў, што не з’яўляецца вартаўніком свайго брата.

Фрагмент гаміліі падчас сустрэчы з моладдзю ў львоўскай семінарыі

---

Кс. бп Алег Буткевіч
   Малітва – гэта не толькі жаночая справа. Калі мужчына жыве з Богам, моліцца, тады ўсё ўкладаецца адпаведным чынам. Першае заданне для мужчыны – шукаць Божага Валадарства, быць перад Богам, а ўсе астатнія будуць прытрымлівацца гэтага прыкладу. [...] Жадаю вам, мужчыны, каб ніякая сіла вас не выгнала з касцёлаў і праз гэта вы б будавалі свой непахісны аўтарытэт як у сям’і, так і ў грамадстве.

Фрагмент гаміліі падчас св. Імшы ў Друі