Новая версія IV касцёльнага наказу
   Канферэнцыя Епіскапату Польшчы прыняла дапаўненне IV касцёльнага наказу, які датычыцца посту і ўстрымання ад мясных страў. Пятніцы і далей захоўваюць пакутны характар.
   
    IV наказ у новай версіі гучыць наступным чынам: “Захоўваць ва ўстаноўленыя дні пост і ўстрыманне ад мясных страў, а ў перыяд Вялікага посту не ўдзельнічаць у забавах”.
    “Новы запіс чацвёртага наказу ніяк не змяняе характару кожнай пятніцы як пакаяннага дня. Калі ж у пятніцу католік хацеў бы па важнай прычыне адступіць ад пакаяннага перажывання гэтага дня, ён павінен атрымаць адпаведнае звальненне”, – напісана ў пастанове Канферэнцыі Епіскапату, якая прадстаўляе актуальнае гучанне пяці касцёльных наказаў.†

---

Санктуарый Яна Паўла II у ЗША
   Даўні Цэнтр Яна Паўла II у Вашынгтоне пасля кананізацыі Папы-паляка стане Агульнанацыянальным санктуарыем Папы ў Злучаных Штатах, як паведаміў старшыня Епіскапату Амерыкі абп Джозэф Курц.
   
    У 2011 г. даўні цэнтр набылі Рыцары Калумба з думкай аб утварэнні там санктуарыя Папы-паляка. На гэта згадзіўся мясцовы біскуп кард. Дональд Вуэрл, які прызнаў санктуарыю ранг дыяцэзіяльнага. На працягу апошніх трох гадоў ён стаў месцам малітвы і пілігрымак, прытым не толькі для жыхароў Вашынгтона.
    У самы бліжэйшы час санктуарый чакаюць неабходныя ператварэнні. Галоўны паверх колішняга цэнтра будзе перароблены ў касцёл, а ў капліцы будуць захоўваць рэліквіі Яна Паўла II. На першым паверсе, як і да гэтага часу, будзе знаходзіцца сталая экспазіцыя, прысвечаная асобе Папы-паляка. “Ян Павел II сфарміраваў цэлае пакаленне католікаў. Гэты санктуарый павінен прыгадваць людзям з усёй краіны яго святое жыццё і яго заклік да святасці, які ён скіроўвае да кожнага з нас”, – сказаў Карл Андэрсан, кіраўнік Рыцараў Калумба.