ГРОДНА
Аўторак,
18 студзеня
2022 года
 

II Нядзеля звычайная

Разважанні з Божым Словам

З Eвангелля св. Яна
Ян убачыў Езуса, які ішоў да яго, і сказаў: “Вось Баранак Божы, які бярэ на сябе грэх свету. Гэта той, пра якога я казаў: пасля мяне ідзе Муж, які апярэдзіў мяне, бо Ён быў раней за мяне. І я не ведаў Яго, але для таго прыйшоў я хрысціць вадою, каб Ён аб’явіўся Ізраэлю”.
    І засведчыў Ян, кажучы: “Я бачыў Духа, які сыходзіў як голуб з неба і застаўся на Ім. Я не ведаў Яго, але той, хто паслаў мяне хрысціць вадою, сказаў мне: «Над кім убачыш Духа, які сыходзіць і застаецца на Ім, той ёсць тым, хто хрысціць Духам Святым». І я бачыў і засведчыў, што Ён – Сын Божы”.

Ян 1, 29–34


Фундамент веры і свабоды
   Самым простым вызнаннем нашай веры з’яўляецца знак святога крыжа, накрэслены на ілбе, грудзях і плячах хрысціяніна: “У Імя Айца і Сына, і Духа Святога”. Таксама веруючага чалавека можна пазнаць па кароткім вызнанні: “Езус Хрыстус – Божы Сын”. Гэта св. Ян Хрысціцель даў пра Яго такое сведчанне. Пазней св. Пётр на пытанне Езуса “Кім вы Мяне лічыце?” адкажа: “Ты – Хрыстос, Сын Бога Жывога”. Кожны раз абавязкова прысутнічае ўмяшанне з вышыні. Св. Ян убачыў Духа, які зыходзіў з неба і застаўся на Езусе ў постаці голуба. Пра св. Пятра сам Езус скажа: “Шчаслівы ты, Сымоне, сын Ёны, бо не цела і кроў адкрылі табе гэта, а Айцец Мой, які ў нябёсах” (Мц 16, 17). Для таго, каб Касцёл мог берагчы і перадаваць гэтую праўду, неабходным было Спасланне Святога Духа.
    “Баранак Божы” прыгадвае нам пра пасхальнае ягня яўрэяў, якія пакідалі Егіпет – зямлю няволі. Езус Хрыстус – Божы Сын – ахвяруе ўсім людзям бясцэнны скарб – месіянская годнасць Езуса звязана са свабодай ад зла. Кожны, для каго Імя Езуса з’яўляецца скарбам, хто лічыць адважнае вызнаванне гэтага перад светам сваім абавязкам, з’яўляецца ўдзельнікам плёну збаўлення.

Актуальны нумар

 

Каляндар 2022

Каляндар
«Слова Жыцця»
на 2022 год

Літургічны каляндар

 
green
Адзначаем імяніны:
Да канца года засталося дзён:  348

Чакаем Вашай падтрымкі

skarbonkaДарагія Чытачы!
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.