ГРОДНА
Нядзеля,
01 верасня 2024 года |
Моц нашай малітвы
![Нумар 8 (372), 21 красавіка 2013](/images/stories/top_prewiev/8-372_by.jpg)
Падчас сакраментальнага наведвання пэўнай старэйшай асобы, а пайшоў я паспавядаць і ўдзяліць сакрамант намашчэння хворых адной бабулі, зрэшты, вельмі пабожнай асобе, я пачуў вельмі дзіўнае сцвярджэнне, якое зусім мяне не здзівіла, хаця павінна было. Яна запыталася ў мяне, ці ведаю я ксяндзоў, якія працуюць у катэдры. Я адказаў, што, канешне ж, іх ведаю, і нават пералічыў усіх па імёнах. На што жанчына паведаміла мне, што чула пра нейкага ксяндза, які працуе ў катэдры і які, як яна сама сказала, “аздараўляе і лечыць”. Я спытаўся, якім чынам, і ў чым заключаецца гэтае аздараўленне. Яна патлумачыла, што ён нешта гаворыць, робіць і кладзе рукі на галаву. Я сказаў ёй, што ксёндз, кладучы рукі на галаву, моліцца за гэтую асобу, за яе жыццё і просіць Бога аб бласлаўленні на далейшыя гады, а таксама заахвочвае, каб гэтая асоба малілася разам з ім. На гэта я пачуў найважнейшыя словы гэтай жанчыны: “Як? Толькі моліцца? Толькі малітва і нічога больш?” †
Чалавек, які нягледзячы на тое, што, бясспрэчна, сам вельмі шмат моліцца, не верыць у моц гэтай жа малітвы. Згодна з Бібліяй, моц малітвы датычыць, прасцей кажучы, моцы Бога, які чуе малітвы і адказвае на іх. Асоба, якая моліцца, павінна адчуваць гэтую Божую моц. Бо для Бога няма немагчымага (пар. Лк 1, 37). Я не быў здзіўлены тым, што гэтая асоба не верыць у моц малітвы, ці, інакш кажучы, не разумее вялізнай Божай моцы. Я да гэтага часу занепакоены, а зразумеў я гэта ўжо даўно, што такіх людзей у Беларусі вельмі шмат. Наш народ, які лёгка верыць у розныя формы забабонаў, магію і ў розныя спосабы “шаманства”, з усім гэтым багажом толькі ўскладняе сабе жыццё. Мы больш верым рознага тыпу амулетам, якія вісяць на нашай шыі ці стаяць у самым лепшым месцы ў пакоі.
Здаецца, што сёння святары так шмат тлумачаць, расказваюць, прыводзяць прыклады на тэму аздараўлення праз малітву, на тэму Езуса і Яго Боскай моцы, які прыходзіць і здзяйсняе цуды. Але, відаць, не ўсе, а нават, можа, вялікая група людзей не разумее гэтага і хоча ўспрымаць усё толькі на фізічным узроўні. Можна пачуць, як людзі кажуць, што ў касцёл прыехаў нейкі лекар з Афрыкі і да т.п. Чалавек, які жыве ў Беларусі, верыць магіі, розным чарам, і гэта таксама пэўны “запавет савецкіх часоў”, калі не было святынь і не хапала святароў, калі чалавек не памятаў пра тое, што ён не толькі фізічны чалавек, але і духоўны, што ён можа стаць святыняй Святога Духа.
Папа Францішак гаворыць у сваім вучэнні, што “ніякая магія ці таро не дадуць нам збаўлення, а толькі Езус Хрыстус, а да Яго нас вядуць Святы Дух і Марыя”.
У падсумаванні гэтай нашай штодзённасці хочацца прыгадаць усім, што на першым месцы павінна быць малітва, малітва і толькі малітва. Кожны з нас можа выпрасіць шмат ласкаў падчас малітоўнай сустрэчы з Богам. Я заахвочваю Вас да гэтага асабліва падчас Тыдня малітваў за новыя святарскія і манаскія пакліканні, а таксама падчас марыйнага месяца мая. Тады малітва зробіць нас моцнымі і духоўна сталымі. І давайце памятаць, што толькі ў імені Езуса збаўленне чалавека. Можа, большасць з нас не вывучала тэалогію, але ў сваім жыцці мы можам адчуць вялікую моц малітвы, Божую моц у адносінах да нас, і не выводзіць на адзін узровень магію, амулеты і малітву. Праз малітву мы ўзрастаем у веры і яднаемся з усемагутным Богам. Таму мы павінны разлічваць на неверагодны эфект падчас малітвы, а не падчас магіі ці ўжывання амулетаў. Такой павінна быць канцэпцыя веруючага чалавека, жыццё якога можа быць напоўнена малітвай.
Здаецца, што сёння святары так шмат тлумачаць, расказваюць, прыводзяць прыклады на тэму аздараўлення праз малітву, на тэму Езуса і Яго Боскай моцы, які прыходзіць і здзяйсняе цуды. Але, відаць, не ўсе, а нават, можа, вялікая група людзей не разумее гэтага і хоча ўспрымаць усё толькі на фізічным узроўні. Можна пачуць, як людзі кажуць, што ў касцёл прыехаў нейкі лекар з Афрыкі і да т.п. Чалавек, які жыве ў Беларусі, верыць магіі, розным чарам, і гэта таксама пэўны “запавет савецкіх часоў”, калі не было святынь і не хапала святароў, калі чалавек не памятаў пра тое, што ён не толькі фізічны чалавек, але і духоўны, што ён можа стаць святыняй Святога Духа.
Папа Францішак гаворыць у сваім вучэнні, што “ніякая магія ці таро не дадуць нам збаўлення, а толькі Езус Хрыстус, а да Яго нас вядуць Святы Дух і Марыя”.
У падсумаванні гэтай нашай штодзённасці хочацца прыгадаць усім, што на першым месцы павінна быць малітва, малітва і толькі малітва. Кожны з нас можа выпрасіць шмат ласкаў падчас малітоўнай сустрэчы з Богам. Я заахвочваю Вас да гэтага асабліва падчас Тыдня малітваў за новыя святарскія і манаскія пакліканні, а таксама падчас марыйнага месяца мая. Тады малітва зробіць нас моцнымі і духоўна сталымі. І давайце памятаць, што толькі ў імені Езуса збаўленне чалавека. Можа, большасць з нас не вывучала тэалогію, але ў сваім жыцці мы можам адчуць вялікую моц малітвы, Божую моц у адносінах да нас, і не выводзіць на адзін узровень магію, амулеты і малітву. Праз малітву мы ўзрастаем у веры і яднаемся з усемагутным Богам. Таму мы павінны разлічваць на неверагодны эфект падчас малітвы, а не падчас магіі ці ўжывання амулетаў. Такой павінна быць канцэпцыя веруючага чалавека, жыццё якога можа быць напоўнена малітвай.
< Папярэдняя | Наступная > |
---|
Літургічны каляндар
![]() | |
Адзначаем
імяніны: | |
Да канца года засталося дзён: 122 |
Чакаем Вашай падтрымкі
![skarbonka](/images/stories/skarbonka.png)
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.