ГРОДНА
Аўторак,
19 сакавіка 2024 года |
Слова для Жыцця (35)
Папа Бэнэдыкт XVI
Нас, вернікаў, павінен непакоіць лёс людзей, якія акрэсліваюць сябе як агностыкі ці атэісты. Магчыма, гаворка аб новай евангелізацыі выклікае ў іх страх, быццам бы гэта азначае, што яны павінны стаць аб’ектам місіі. Аднак, праблема Бога застаецца актуальнай таксама і для іх. Шуканне Бога з’яўляецца адным з галоўных матываў узнікнення заходняга монастыцызму, а разам з ім і заходняй культуры. Першы крок евангелізацыі палягае на падтрыманні пры жыцці гэтага пошуку.
Фрагмент прамовы на распачацце Года веры, 11.10.2012 †
Нас, вернікаў, павінен непакоіць лёс людзей, якія акрэсліваюць сябе як агностыкі ці атэісты. Магчыма, гаворка аб новай евангелізацыі выклікае ў іх страх, быццам бы гэта азначае, што яны павінны стаць аб’ектам місіі. Аднак, праблема Бога застаецца актуальнай таксама і для іх. Шуканне Бога з’яўляецца адным з галоўных матываў узнікнення заходняга монастыцызму, а разам з ім і заходняй культуры. Першы крок евангелізацыі палягае на падтрыманні пры жыцці гэтага пошуку.
Фрагмент прамовы на распачацце Года веры, 11.10.2012 †
Кс. абп Тадэвуш Кандрусевіч
Сёння мы ведаем, што вера знаходзіцца ў крызісе і ёсць шмат прычын гэтага крызісу, таму трэба разабрацца, трэба паслухаць, трэба паразмаўляць з іншымі. Я кажу, напрыклад, што ў нас у Касцёл ходзяць дзесьці 35-40% вернікаў, усе успрымаюць гэта вельмі добра. Калі я кажу, што ў нас ёсць 90 дыяцэзіяльных семінарыстаў і каля 35 законных, то гэта таксама вельмі добра ўспрымаюць, пытаюцца, як мы гэтага дасягнулі. Біскупаў з іншых краін найбольш цікавіць, як захавалася вера падчас пераследу. Менавіта дзякуючы сям’і, традыцыйным набажэнствам: Ружанцу, Крыжоваму шляху, літаніям. Людзі ад гэтага не адмовіліся. Трэба сумяшчаць разам старое і новае.
Фрагмент інтэрв’ю для беларускай секцыі Радыё Ватыкана, 09.10.2012
Кс. Федэрыка Ламбардзі
50 гадоў таму малады Ратцынгер, святар з чыстым сэрцам і выдатным розумам, поўны ідэалістычнага запалу глядзеў з Плошчы ў кірунку акна. Цяпер Бенедыкт глядзіць больш уверх, чым на тлум, і, прамаўляючы, паглыбляе таямніцу Бога. Бога, які з’яўляецца галоўным прыярытэтам пантыфікату і адначасова асноўным пунктам Сабору. Бог і наша гісторыя. Бог і гісторыя Касцёла. Калі хтосьці думаў, што Год веры будзе чаргой трыумфальных падзей, ён глыбока памыляўся. Папа Бенедыкт ідзе ў абсалютна іншым напрамку.
Беларуская секцыя Радыё Ватыкана, 12.10.2012
Бр. Алоіз Лазэр
Мяркую, што Хрыстос збірае нас у супольнасці, у камуніі, праз уваскрасенне, але таксама праз тое, што мы людзі, праз чалавечыя адносіны. І менавіта гэтую еднасць, гэтую камунію мы павінны абвяшчаць сёння! Калі малады чалавек бачыць сяброўства, дапамогу, узаемную апеку, тады Евангелле можа па-сапраўднаму заззяць. Так адчыняюцца сэрцы, і моладзь пачынае пытацца пра Хрыста, пра Бога.
Беларуская секцыя Радыё Ватыкана, 12.10.2012
< Папярэдняя | Наступная > |
---|
Літургічны каляндар
Адзначаем
імяніны: | |
Да канца года засталося дзён: 288 |
Чакаем Вашай падтрымкі
Дарагія Чытачы!
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.