ГРОДНА
Панядзелак,
15 красавіка
2024 года
 

Калі б Папа Вас убачыў, ён быў бы вельмі рады

З жыцця Касцёла


Семінарысты жыва і актыўна ўдзельнічаюць у сустрэчы з Апостальскім нунцыемАрцыбіскуп Клаўдыё Гуджэроцці ўпершыню наведаў Гродзенскую вышэйшую духоўную семінарыю, а таксама пазнаёміўся з алюмнамі і выкладчыкамі гэтай навучальнай установы.
На пачатку сустрэчы ў размове з нунцыем ксёндз рэктар Юзаф Станеўскі распавёў пра багатую гісторыю былога бернардынскага кляштара, у якім сёння знаходзіцца семінарыя. Арцыбіскупа вельмі ўразіла гісторыя гэтага месца. Ксёндз рэктар таксама расказаў пра сучасны стан семінарыі.

    Затым нунцый сустрэўся з клерыкамі ВДС, якіх на сённяшні дзень налічваецца 46. Падчас сустрэчы арцы­біскуп звярнуўся да клерыкаў: “Мяне вельмі цікавяць Вашыя пытанні. Перш за ўсё, я хачу перадаць Вам прывітанне ад Святога Айца. Калі б Папа Вас убачыў, для яго гэта стала б вялікай падтрымкай. Вы – будучыня нашага Касцёла”.

    У сваім прывітальным слове нунцый расказаў алюмнам аб жыцці Святога Айца і заахвоціў, каб будучыя святары заўсёды памяталі пра яго.

    “Прыязджаючы сюды, я хачу пазнаёміцца з Вамі, хачу ўбачыць Вашу веру, – сказаў алюмнам абп Гуджэроцці. – Я толькі нядаўна ў Беларусі, але ўжо ўбачыў шмат цікавага. Я быў у Віцебску, у Пінску і ўсюды слухаў людзей: якія яны маюць праблемы і чым жывуць. У Мінску я сам усё гэта бачу, таму што жыву там. А сёння час для Гродна. Вы жывеце ў месцы, якое мае вельмі багатую гісторыю. Каталіцкі Касцёл у Беларусі адзіны, і мы павінны клапаціцца аб гэтым адзінстве”.

    Ксёндз арцыбіскуп заах­воціў алюмнаў у Гродне цікавіцца сваёй культурай, ведаць мову, захоўваць тыя звычаі, якія звязаны з Гродзенскай дыяцэзіяй. Ён таксама прыгадаў, што Касцёл чакае ксяндзоў, што яны вельмі патрэбныя.

    Клерыкі задавалі нунцыю шмат пытанняў, звязаных з яго жыццём і з жыццём папы Бенедыкта XVI. Алюмны спыталі пра магчымы прыезд Папы ў Беларусь.

    Клерыкі падзякавалі нунцыю за гэтую цікавую сустрэчу і запрасілі яго часцей наведваць семінарыю ў Гродне.

Актуальны нумар

 

Каляндар 2022

Каляндар
«Слова Жыцця»
на 2022 год

Літургічны каляндар

 
red
Адзначаем імяніны:
Да канца года засталося дзён:  261

Чакаем Вашай падтрымкі

skarbonkaДарагія Чытачы!
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.